1 Juan 1:7 - Manobo Sarangani

⁷ Meneng aw egtaking kidon te kelowahan iling te Timanem eg-ogpà diyà te kelowahan, yan migpesigelakay se kedita tadon egtaking kandin, aw dipanog te Batà din si Jesus se ipeg-onaw kenitadon lekat te kedakel te salà tadon.

1 Juan 1:7 ပူးပေါင်းရင်းမြစ်များ

Efeso 5:8

Kedengan, diyà kaw te kengitngitan, so wedà kaw pa ketaga-taga tepad te Timanem. Meneng songkani diyà kaw den te kelowahan, so migpesakop kaw diyà te Pengolo tadon. Yan keilangan imendayan niyo se keogpà niyo diyà te kelowahan.

Roma 13:12

Iling te agpet den lomaklak se kengitngit aw domateng se aldaw, so agpet den se peglikò i Cristo. Doun niyan, keilangan lomengà kidon meg-inang te medaet, aw keilangan meg-inang kidon te metòlid. Yan megpeketagad kidon iling te sondalo gayed egpeketagad.

Efeso 1:7

Pineokit te pegkematay i Cristo doton te kros, impelowà kidon te Timanem lekat te salà. Pigwedad din se kedita te salà tadon. Ontò dakel se tabang din kenitadon,

Menge Hebreo 9:14

Meneng labi pa dakel se egkebatog pineokit te dipanog i Cristo, so lininisan kidon den lekat te salà. Pineokit te tabang te Espiritu Santo wedad temanan din, nemegay sikandin te kandin lawa diyà te Timanem, aw inimetayan sikandin pengkey wedad palos salà din. So lininisan kidon den lekat te salà pineokit te dipanog i Cristo, yan wedad den keilangan te pegsalig tadon diyà te inang wedad ontong, meneng simalig kidon den diyà te Timanem wedad temanan din.

Impekità 7:14

Timaba a, “Apò, wedà ko ketegahi. Indani a.” Minikagi sikandin, “Lekat dan te ontò kelimahan. Migbugsak den dan te saol dan diyà te dipanog te Karniro amon ontò iyan megkepotì.

1 Juan 1:5

Seini se intoladà i Jesu Cristo dinineg day, aw ipegtoladà day heman kenyo. Timanem se kelowahan, aw yan wedad palos kengitngitan diyà kandin.

1 Korinto 6:11

Doen otaw kidoen kenyo iling kenyan se eg-inangen dan kedengan, meneng songkani binonyagan kaw den, aw ininang kaw te Timanem otaw egpenimanem, aw eg-eneng-enengen te Timanem te metòlid kaw pineokit te ngadan te Pengolo tadon si Jesu Cristo, aw pineokit te Espiritu Santo.

1 Pedro 1:19

Meneng impelowà kaw din so nematay se meelagà Batà din si Cristo. Iling sikandin te karniro ontò mèpiya aw wedad kolang eg-imetayan aw ipegpemegay diyà te Timanem.

Juan 12:35

Minikagi si Jesus, “Domaan kaw pa te kelowahan te eked kenamay. Yan keilangan tomaking kaw te kelowahan amon eked kaw kesàbi te kengitngit. Se otaw mipanaw te kengitngit, yan se eked ketaga-taga aw kenan pesalo.

1 Juan 5:6

Netegahan tadon te si Jesu Cristo se Batà te Timanem pineokit te wayeg te pegbonyag kandin, aw pineokit te dipanog te pegkematay din. Netegahan tadon iyan kenà olò pineokit te pegbonyag ki Jesus, meneng pineokit heman te pegkematay i Jesus kidoen te kros.

1 Juan 1:3

Se ontò day kinità aw dinineg, yan se ipegtoladà day heman kenyo, amon makop kaw heman diyà kenami, so migpesigelakay kay te Timanem Amay aw Batà din si Jesu Cristo.

Impekità 12:11

Meneng dinaeg dan sikandin pineokit te dipanog te Karniro inimetayan doton te kros, aw pineokit te peg-indan te kebenalan tepad ki Cristo, so wedà dan kelemitan pengkey imetayan dan tandà te pegsalig dan diyà ki Cristo.

1 Timoteo 6:16

Sikandin olò se eked palos kematay. Eg-ogpà sikandin diyà te ontò kelowahan eked kedepagi te otaw. Wedad palos otaw kimità kandin, aw eked palos sikandin kitai te otaw. Iduyun aw lomowan sikandin te wedad temanan. Metoman iyan.

1 Juan 5:8

Yan netegahan tadon te si Jesus se Batà te Timanem pineokit te telo seini, Espiritu Santo, aw wayeg, aw dipanog. Onawa se impetaga-taga te telo sìyan.

Santiago 1:17

Mèpiya se kedita te ipegbowang te Timanem, aw wedad kolang niyan. Yan se ipegpemegay te Timanem mig-inang te aldaw aw bolan aw menge bitoen. Pengkey egkealin-alin se bawa te aldaw aw bolan aw bitoen, meneng eked kealin-alin se Timanem, so gayed sikandin egpemegay te mèpiya.

Juan 1:29

Keeldawan niyan, kinità i Juan si Jesus migpesalo diyà kandin. Pegkità din kandin, minikagi diyà te menge otaw kidoen, “Na, yan se Nati te Karniro imbegay te Timanem, so sikandin se mengabat te salà te kedita te otaw.

3 Juan 1:4

Ontò a egkeluba aw egdinegen ko te egtaking te kebenalan se menge batà ko te pegpemenal.

2 Juan 1:4

Ontò neluba se pedowan ko, so kinità ko te doen menge batà no egtaking te kebenalan iling te punù te Timanem Amay diyà kenitadon.

Mat. 6:12

Pegwedadi se salà ininang day diyà kamno onawa te pegwedad day te salà ininang te doma otaw diyà kenami.

Tito 2:14

Sikandin se simelilin kenitadon te pegkematay din amon megpelowà kenitadon lekat te pegkeallang tadon te salà, aw amon sekopen kidon din. Yan se doun te lininisan kidon din lekat te salà, aw ininang kidon din otaw meibeg meg-inang te mèpiya.

Juan 5:4

so seletà doen anghil te Timanem mebo kidoen te lanaw, aw megtigaw te wayeg kidoen. Penga niyan, aw ayas mebo se otaw diyà te wayeg, kegolian dan.]