1 Juan 1:6 - Manobo Sarangani

⁶ Aw mikagi kidon te migpesigelakay kidon te Timanem, meneng egtaking kidon pa te kengitngitan aw eg-inang kidon te medaet, yan bolelawun kidon so kenà kidon egtaking te kebenalan.

1 Juan 1:6 ပူးပေါင်းရင်းမြစ်များ

Mat. 7:22

Aw domateng se aldaw te peg-okom, medita se otaw mikagi diyà kanak, ‘Pengolo, peopi kay bag, so migkeliwat kay te kagi te Timanem tandà te pegtaking day kamno, aw migpelowà kay te bosaw lekat te otaw pineokit te ngadan nikaw, aw doen heman menge kepelahan ininang day pineokit te ngadan nikaw.’

Juan 11:10

Meneng aw mipanaw se otaw te delem, mekedogsò sikandin so wedad den aldaw.”

Juan 12:35

Minikagi si Jesus, “Domaan kaw pa te kelowahan te eked kenamay. Yan keilangan tomaking kaw te kelowahan amon eked kaw kesàbi te kengitngit. Se otaw mipanaw te kengitngit, yan se eked ketaga-taga aw kenan pesalo.

Juan 12:46

Siak se lowa dimini te keneyonan amon mekelowà lekat te kengitngitan se otaw memenal kanak.

Juan 8:12

Pegtoladà i Jesus te menge otaw netipon, minikagi, “Siaken se kelowahan eg-anyag diyà te kedita te otaw te keneyonan. Aw tomaking se otaw kanak, wedad kengitngit diyà te pedowan din, so doen keanyag diyà kandin mekebegay te kaling pedowan wedad temanan.”

Juan 8:55

Meneng wedà kaw ketaga-taga kandin. Netaga-taga a kandin, aw simpana mikagi a te wedà a ketaga-taga kandin, bolelawun a heman iling kenyo. Meneng seini se kebenalan, te netaga-taga a kandin, aw egtoloen ko se menge punù din.

1 Timoteo 4:2

Ikeliwat se itoladà dan te otaw egkebolalaw aw eg-akal. Eked dan ketaga-taga te eden se metòlid aw eden se medaet, so pegbàtan se aneng-aneng dan.

Santiago 2:14

Menge kedowa ko, aw doen otaw mikagi te egpemenal sikandin ki Cristo, meneng wedad mèpiya eg-inangen din, wedad ontong din, so eden din aw nekelowà lekat te salà.

Santiago 2:16

aw simpana mikagi kaw kandin, “Ibeg ko doen kelinaw te pedowan nikaw. Mebesog ka aw megkedoen penenaktun nikaw.” Meneng aw wedad palos ibegay niyo kandin, wedad ontong te peg-ikagi niyo kenyan.

Santiago 2:18

Meneng doen besi otaw eg-ikagi te meluba se Timanem aw olò memenal se otaw. Doen besi heman doma otaw eg-ikagi te meluba se Timanem aw olò meg-inang se otaw te mèpiya. Meneng seini se itaba ko kenyan. Aw wedad mèpiya eg-inangen niyo, wedad ipekità niyo te benal nemenal kaw ki Cristo. Meneng mèpiya aw ipekità tadon te nemenal kidon ki Cristo pineokit te peg-inang tadon te mèpiya.

1 Juan 1:10

Simpana mikagi kidon te wedad palos salà ininang tadon, iling iyan te mekeikagi kidon te bolelawun se Timanem, aw wedà tadon pa ontò soli se kagi din diyà te pedowan tadon.

1 Juan 1:3

Se ontò day kinità aw dinineg, yan se ipegtoladà day heman kenyo, amon makop kaw heman diyà kenami, so migpesigelakay kay te Timanem Amay aw Batà din si Jesu Cristo.

1 Juan 1:8

Aw mikagi kidon te wedad den palos salà tadon, neekalan kidon aw wedad heman kebenalan diyà kenitadon.

1 Juan 2:4

Aw doen otaw eg-ikagi te egtaking sikandin te Timanem, meneng kenà egtolò te punù te Timanem, yan se otaw bolelawun aw wedad heman kebenalan diyà kandin.

1 Juan 4:20

Aw mikagi se otaw te dakel se pedowan din te Timanem, meneng wedad kedakel te pedowan din te menge doma otaw, yan se bolelawun, so aw wedad kedakel te pedowan te otaw te menge doma din egkitaen, yan labi pa wedad kedakel te pedowan din te Timanem kenà din egkitaen.