1 Juan 1:4 - Manobo Sarangani

⁴ Simolat kay heman kenyo amon mesikop se keluba tadon.

1 Juan 1:4 ပူးပေါင်းရင်းမြစ်များ

Juan 15:11

“Seini se intoladà ko kenyo amon makop kaw heman diyà te keluba ko, so ibeg ko ontò kaw meluba.

Juan 16:24

Lamig seini, wedà kaw pa pemoyò kandin pineokit te ngadan ko. Meneng lekat seini, pemoyò kaw kandin pineokit te ngadan ko, aw metoman kaw kominawà amon ontò kaw meluba.”

Juan 3:29

Se meama peipiden, yan se tekingan te bayi. Meneng se sigalak te meama peipiden, yan se megtagad kandin aw menenalan heman kandin, aw meluba se pedowan din te pegdineg din te kagi te sigalak din peipiden. Iling a heman kenyan, so nesikop den se keluba te pedowan ko te pegdineg ko te medita se otaw egtaking ki Jesus.

2 Korinto 1:24

Kenà ko se egsogò kenyo tepad te pegpemenal, so nelobos den se pegpemenal niyo. Meneng egtelaban a kenyo tepad te pegpemenal amon meluba kaw.

Efeso 3:19

Ibeg ko metaga-taga kaw te egkedekelan kaw i Cristo te pedowan, pengkey eked tadon ontò kelebeti se kedakel te pedowan din. Aw metaga-taga kaw te egkedekelan kaw i Cristo te pedowan, kinewaen niyo se kedakel te ibegay te Timanem diyà kenyo lamig mesikop kaw onawa te pegkesikop din.

1 Juan 2:1

Menge batà ko te pegpemenal, seini se insolat ko kenyo amon eked kaw peg-inang te salà. Meneng aw doen otaw mekesalà, doen telekagon tadon kidoen te Timanem Amay, aw yan si Jesu Cristo wedad palos salà.

2 Juan 1:12

Doen pa medita kagi isolat ko peden kenyo, meneng eked a den solat, so ibeg ko meglegeana a kidoen kenyo amon megpebelaw-belaway kidon, so ibeg ko mesikop se keluba tadon.