1 Juan 1:3 - Manobo Sarangani

³ Se ontò day kinità aw dinineg, yan se ipegtoladà day heman kenyo, amon makop kaw heman diyà kenami, so migpesigelakay kay te Timanem Amay aw Batà din si Jesu Cristo.

1 Juan 1:3 ပူးပေါင်းရင်းမြစ်များ

Juan 17:11

Nayan, agpet a den molì doton kamno, aw eked a peg-ogpà dini te keneyonan. Meneng meg-ogpà pa dini te keneyonan se kedita te sakop ta. Amà, metòlid se kedita te eg-inangen nikaw. Peg-ipat ka kandan amon eked dan soway lekat te kebenalan tepad te kamno pegkeotawun insalig no kanak. Peg-ipat ka kandan amon megsebad dan te pedowan, iling te pegsebad te pedowan ta.

Juan 17:21

Ibeg ko megsebad dan te pedowan, iling te pegsebad te pedowan ta seini, so sikona Amà, diyà ka kanak, aw diyà a heman kamno. Iling heman kenyan, ibeg ko diyà dan kenita, amon memenal se kedita te otaw dini te keneyonan te insogò a nikaw.

Juan 17:25

E Amà, metòlid se kedita te eg-inangen nikaw. Se otaw egtaking te medaet dini te keneyonan, wedà dan ketegahi aw sinu ka, meneng netaga-taga a kamno, aw netegahan heman te menge sakop ta seini te insogò a nikaw.

Juan 17:3

Seini se otaw doen kaling pedowan wedad temanan, se otaw netaga-taga kamno, sebad no se ontò benal Timanem, aw netaga-taga heman kanak, si Jesu Cristo insogò no dini te keneyonan.

Juan 19:35

Kinità ko se kedita nini in-indan ko den kenyo, aw benal se kagi ko. Netegahan ko te benal iyan neinang, aw ibeg ko memenal kaw heman.

Ininang 13:32

Dimini kay den amon meg-indan kenyo te Mèpiya Indan tepad ki Cristo. Pengkey kemonaan tadon se pinekangan te Timanem,

Ininang 13:41

‘Sikiyo menge otaw egtompuyus, peg-ahà kaw. Mepela kaw aw ipelumun ko sikiyo, so pengkey doen kepelahan inangen ko diyà kenyo, meneng eked kaw pa pemenal pengkey indanan kaw te doma otaw.’”

Ininang 2:42

Ebey dan nenenalan te intoladà te menge sogounun i Cristo. Egpetekingay se otaw egpemenal, aw egtipon dan amon megtawal-tawal diyà te Timanem, aw amon megbelà-belà te pan, iling te pegtoladà i Jesus kandan kedengan.

Ininang 20:27

so ontò a migtoladà kenyo te kedita te ibeg te Timanem.

Ininang 4:20

Eked kay lengà te peg-indan te benal kinità aw dinineg day.”

Roma 15:27

Yan se ibeg dan megtabang te menge Judiyo. Doen heman ontong dan kandan, so pineokit te menge Judiyo, dimateng den se kagi te Timanem doton te menge otaw kenà Judiyo. Yan mèpiya aw megtabang se menge otaw kenà Judiyo te menge Judiyo nelimahan.

1 Korinto 1:30

Lekat te ibeg te Timanem, migsebad se pedowan niyo ki Cristo, aw impetaga-taga din se kebiyasa te Timanem diyà kenitadon. Yan netegahan tadon te in-aneng-aneng te Timanem te metòlid kidon, iling kidon te wedad salà aw eked kidon den pelumuni.

1 Korinto 1:9

Egkeseligan se Timanem aw tinawal kaw din amon megsebad se pedowan niyo diyà te Batà din si Jesu Cristo Pengolo tadon.

1 Korinto 15:1

Nayan menge kedowa ko, todà a meg-indan kenyo tepad ki Cristo, so yan se Mèpiya Indan intoladà ko kenyo, aw pinemenalan niyo, aw in-awop niyo te pedowan.

2 Korinto 13:14

Ibeg ko tebangan se kedita niyo te Pengolo tadon si Jesu Cristo, aw kedekelan kaw te Timanem te pedowan, aw megsebad kaw tandà te Espiritu Santo eg-ogpà diyà kenyo.

Efeso 3:6

Seini se kebenalan impetaga-taga din den. Sikiyo menge otaw kenà Judiyo, so nemenal kaw te Mèpiya Indan tepad ki Jesu Cristo, aw migpesakop kaw diyà kandin, begayan kaw heman te Timanem te kedita onawa te ibegay din diyà te menge Judiyo egpemenal. Ipeakop kaw din heman diyà te otaw lowanan i Cristo doma te menge Judiyo. Begayan kaw heman te Timanem te impakang din, onawa te ibegay din diyà te menge Judiyo egpemenal.

Filipos 1:7

Mèpiya se eg-eneng-enengen ko tepad te kedita niyo, so gayed dakel se pedowan ko kenyo. Tinebangan kaw te Timanem aw tinebangan a din heman, pengkey te pegkeleboso kanak, aw pegpetaga-taga ko te benal se Mèpiya Indan tepad ki Cristo.

Filipos 2:1

Nayan, neantag se pedowan niyo tandà te pegsebad niyo ki Cristo, aw neluba kaw den so dakel se pedowan din kenyo. Inogpaan kaw den te Espiritu Santo, aw yan egpeidoway kaw den. So netegahan niyo den iyan,

Filipos 3:10

Ibeg ko den ontò a metaga-taga kandin. Ibeg ko heman tebangan a din pineokit te tolos eggemiten din lekat te pegkeantay din lekat te nematay. Ibeg ko heman mekeiling a kandin pengkey detengan a te kelimahan iling te kelimahan dimateng kandin, aw pengkey imetayan a iling te pegkematay din,

Kolasas 1:13

Impelowà kidon den te Timanem lekat te peglowan i Satanas, aw inalin kidon din doton te peglowan te Batà din si Jesu Cristo ontò din nedekelan te pedowan,

1 Tesalonika 1:10

Egpeliman kaw den ekon te peglikò te Batà din lekat te langit. Yan si Jesu Cristo inantay te Timanem lekat te nematay. Si Jesu Cristo heman se megpelowà kenitadon lekat te pelumun te Timanem te modi aldaw.

1 Timoteo 6:2

Aw egpemenal se amo dan ki Cristo, eked kepakay aw eked tolò se allang kandin pengkey telekedowa dan diyà ki Cristo. Meneng keilangan labi pa ontò mèpiya se eg-inangen te allang, so pineokit kenyan, egtebangan dan se otaw egpemenal ki Cristo aw egkedekelan te Timanem te pedowan. Keilangan megtoladà ka kenyan aw megsoblod ka kenyan diyà te menge otaw egpemenal.

Menge Hebreo 2:12

so minikagi sikandin, “Amà, mig-indan a tepad kamno diyà te menge kedowa ko. Iduyun ta pineokit te pegdelangan ko sipat kedita te otaw egsimba kamno.”

Menge Hebreo 3:1

Menge kedowa ko tinawal aw sinakop te Timanem, peg-aneng-aneng kaw den tepad ki Jesus pinemenalan tadon. Sikandin se insogò te Timanem dini te tanà, aw sikandin se egkagon kenitadon doton te Timanem.

Menge Hebreo 3:14

so aw gayed kidon somalig diyà ki Cristo lekat te keteboan lamig te temanan, meinang kidon menge doma din.

1 Pedro 5:1

Nayan, doen ipunù ko diyà te kedita niyo egpengibing te simbahan, so siaken heman se sebad egpengibing te simbahan. Kinità ko se pegpemilang ki Cristo kedengan, aw kitaen ko pa heman se kelangkaw din, so lomikò sikandin te eked kenamay.

2 Pedro 1:16

Pegtoladà day kenyo tepad te tolos te Pengolo tadon si Jesu Cristo aw tepad te peglikò din dini te tanà, kenà iyan indan-indan lekat te aneng-aneng te otaw. Meneng sikami se kimità te kelangkaw i Cristo.

1 Juan 1:1

Gebii te wedà pa inangi se keneyonan, tapay den doen si Cristo iningedanan Kagi te Timanem. Sikandin se egpemegay te kaling pedowan wedad temanan. Pegpekeotaw din dini te tanà, dinineg day se kagi din, aw ontò day heman sikandin kinità, aw pinemàdan day heman sikandin.

1 Juan 1:5

Seini se intoladà i Jesu Cristo dinineg day, aw ipegtoladà day heman kenyo. Timanem se kelowahan, aw yan wedad palos kengitngitan diyà kandin.

1 Juan 1:7

Meneng aw egtaking kidon te kelowahan iling te Timanem eg-ogpà diyà te kelowahan, yan migpesigelakay se kedita tadon egtaking kandin, aw dipanog te Batà din si Jesus se ipeg-onaw kenitadon lekat te kedakel te salà tadon.