1 Juan 1:1 - Manobo Sarangani

¹ Gebii te wedà pa inangi se keneyonan, tapay den doen si Cristo iningedanan Kagi te Timanem. Sikandin se egpemegay te kaling pedowan wedad temanan. Pegpekeotaw din dini te tanà, dinineg day se kagi din, aw ontò day heman sikandin kinità, aw pinemàdan day heman sikandin.

1 Juan 1:1 ပူးပေါင်းရင်းမြစ်များ

Luc. 1:2

Se insolat dan, yan se kagi ingkeliwat te menge otaw ontò kimità te kedita te ininang i Jesus lekat te ketebò niyan, so ontò dan kinità se ininang din, aw ingkeliwat dan heman se kagi din diyà kenami.

Luc. 24:39

Tengtengi niyo se menge palì diyà te belad ko aw benis ko. Ontò siak. Pemaed kaw kanak amon ontò kaw metaga-taga te kenà a olò along. Wedad lawa te along, meneng seini kitaen niyo den te doen lawa ko.”

Juan 19:35

Kinità ko se kedita nini in-indan ko den kenyo, aw benal se kagi ko. Netegahan ko te benal iyan neinang, aw ibeg ko memenal kaw heman.

Juan 20:27

Penga niyan, minikagi sikandin diyà ki Tomas, “Soli se intetodò no dini. Tengtengi se belad ko. Ilami heman se kilid ko. Ikà egdowa-dowa, meneng pemenal ka kanak.”

Juan 5:26

So Amay ko Timanem se eglekatan te kaling pedowan wedad temanan, ininang a din heman eglekatan te kaling pedowan wedad temanan.

Juan 8:58

Minikagi si Jesus, “Eneng-enengi niyo se kagi ko. Te wedà pa tebaw si Abraham, tapay a den doen.”

Ininang 4:20

Eked kay lengà te peg-indan te benal kinità aw dinineg day.”

Menge Hebreo 2:3

Yan heman se doun te labi kidon din ipelumun aw eked kidon penenalan te kagi din tepad te ontò mèpiya kelowaan lekat te salà. Pengolo tadon se tagnà migpetaga-taga te doen kelowaan lekat te salà, aw doen heman menge otaw dimineg kandin migpetaga-taga kenitadon te keseligan se kagi din sìyan.

1 Juan 4:14

Kinità day se Batà te Timanem migpekeotaw, aw mekeikagi kay te benal sikandin insogò te Timanem Amay amon megpelowà te kedita te otaw lekat te salà.

1 Juan 5:7

Eg-indan heman se Espiritu Santo te kebenalan sìyan so eked sikandin pegkebolalaw.

Impekità 1:11

Minikagi sikandin, “Solati se kitaen no, aw peibingi iyan doton te menge sakop te pito simbahan kidoen te Efeso, aw Ismirna, aw Pergamo, aw Tiyatira, aw Sardis, aw Filadelfya, aw Layodisiya.”

Impekità 1:8

Eglowan se Pengolo tadon Timanem diyà te kedita, aw doen sikandin seini, aw gebii, aw modi heman aldaw. Yan se doun te minikagi sikandin, “Siaken se Alpa aw Omiga.” (Se kelebadan niyan, “Siaken se keteboan aw temanan te kedita.”)

Impekità 19:13

Iling te in-agem se saol din diyà te dipanog, aw egtewalen sikandin “Kagi te Timanem.”

Impekità 2:8

Minikagi heman sikandin, “Solat ka heman te anghil egtonggò te menge sakop te simbahan kidoen te Ismirna. Seini se kagi isolat nikaw. ‘Seini se kagi ko kenyo. Siak se keteboan te kedita, aw siak heman se temanan te kedita. Nematay a, aw neantay a heman lekat te nematay.