Yoãm 6:14 - Maxakalí O Novo Testamento

¹⁴ Ha tikmũ'ũn te' pẽnãhã', yã Yeyox te hãpxopmã ka'ok xe'ẽgnãg. Tikmũ'ũn te: —Topa yõg tappet tu' xuktux, 'ũnũn putup tik te Topa pupi hãm'ãktux hãm xexka tu'. Hamũn, Yeyox yã nõ'õm. Kaxĩy.

Yoãm 6:14 ပူးပေါင်းရင်းမြစ်များ

Mãteo 11:3

pu Yeyox yĩkopit, hu: —'Ok 'ãmũn yã Topa yõg yãykutnã'ax xe'e', pe tik nõy nũn? Kaxĩy.

Mãteo 21:11

Ha tikmũ'ũn te Yeyox mũtik mõxaha, tu: —Yã nõ'õm Yeyox, tu Topa pupi hãm'ãktux, yã hãpxexka yõg kõmẽn Nãyane yõg tihik. Kaxĩy.

Nok Te Yeyox 'Ãktux 24:19

Ha: —Hãpxopmã'ax tute xĩy? Kaxĩy. Ha' nõy te: —Kõmẽn Nãyane yõg Yeyox te Topa pupi hãm'ãktux, tu hãpxopmã ka'ok, Topa keppa' mĩy, xix tikmũ'ũn keppa' mĩy, tu hãmyũmmũgã ka'ok kamah,

Nok Te Yeyox 'Ãktux 7:16

Ha' xohix kuxãnõg, tu Topa 'ãktux max, hu: —Topa te nũ tik yãykutnãhã', puyĩy yãy pupi hãm'ãktux, tu' nũn, nũy tikmũ'ũn pu hãm'ãktux, ha' xexkah! Topa nũn, nũy yãy yõg tikmũ'ũn mõ'nĩynãm. Kaxĩy.

Yoãm 1:21

Ha xe' yĩkopit hu: 'Ũ'ũm 'ãmũn? 'Ok 'Enit? Kaxĩy. Ha Yoãm te: —'Ãmhok. Kaxĩy. Ha xe: —'Ok 'ãmũn nõ'õm, tu Topa pupi hãm'ãktux? 'Ok putpu 'ãnũn? Kaxĩy. Ha: 'Ãmhok. Kaxĩy.

Yoãm 11:27

Ha Mã'at te: —Yãyã, hamũn, 'ũgkuxa yũm. 'Ãte' yũmmũg, 'ãmũn yã Kunnix, yã Topak-tok, tu 'ãnũn nũnte hãm xexka tu'. Kaxĩy.

Yoãm 2:11

Yã hã kaxĩy Yeyox te hãpxopmã ka'ok xe'ẽgnãg hãmãxap, yã kõmẽn Kãnã tu' mĩy hãpxexka Ganinet tu' Yeyox max xe'ẽgnãg, ha Yeyox yõg tik xop kuxa mãm Yeyox kopah.

Yoãm 4:19

Ha 'ũn te: —'Ãte' yũmmũg nõmhã, xate Topa pupi hãm'ãktux, yã 'ũgyũmmũg xexkah.

Yoãm 4:25

Ha 'ũn te: —'Ũnũn putup nõ'õm. Topa te nõm nũ'kutnãp-tup, yã' xuxet'ax Kunnix, yã Topa te nõm yãykutnãhã'. 'Ãte' yũmmũg 'ũnũn putup, tu yũmũ'ã hãpxop xohix xexka yũmmũgãp-tup. Kaxĩy.

Yoãm 4:42

tu 'ũn pu hãm'ãktux, hu: —Hõmã 'ũgmũ'ãte 'õg hãm'ãktux 'ãpak, pa hõnhã Yeyox yõg hãm'ãktux 'ãpak, hu' yũmmũg Yeyox te hãm xexka yõg tikmũ'ũn kuxa kummuk xit, nũy kuxa max mõ'tat, 'ũyãnãn tu'. Kaxĩy.

Yoãm 6:2

Ha tikmũ'ũn xohix te Yeyox pe' mõg. Yã Yeyox te hãpxopmã ka'ok xe'ẽgnãg, tu pakut xop hittupmãhã', ha tikmũ'ũn te' pẽnãhã', hu' pe' mõg.

Yoãm 6:26

Ha: —'Ãte xa hãpxe'e 'ãktux. 'Ãxop tek xak, xayĩy pãm mã', tu mõktu 'ãhix ka'ok. 'Ãte hãpxopmã', pa 'ãxop te nõm yũmmũg 'ohnãg. 'Ũgka'ok, pa 'ãxop te nõm yũmmũg 'ohnãg.

Yoãm 6:30

Ha tikmũ'ũn te: —'Ãpu hãpxopmã ka'ok xe'ẽgnãg, puyĩy tikmũ'ũn kuxa mãm 'ãkopah. Putep mũn mĩy putup?

Yoãm 7:40

Tikmũ'ũn te' xupak, ha punethok te: —Yã tute Topa pupi hãm'ãktux xe'e'. Kaxĩy.

Yeyox Yõg Mõ'pok Xop Te Hãpxopmãhã' 7:37

Hamũn, Mõyyex te tikmũ'ũn hittap pu hãm'ãktux, hu: “Topa te tik yãykutnãp-tup puyĩy tu pupi hãm'ãktux, 'ãxape xop kopa yãykutnãp-tup, 'ãnõy, 'ũkputuk,” kaxĩy.