Yoãm 5:15 - Maxakalí O Novo Testamento

¹⁵ Ta' mõg tihik, tu Yoneo xop pu hãm'ãktux hu: —Yeyox tek hittupmãhã'. Kaxĩy.

Yoãm 5:15 ပူးပေါင်းရင်းမြစ်များ

Mã'ak 1:45

Ha ta' mõg tihik, tu' xohix pu hãm'ãktux kõnãmãhã', hu: —Pẽnã', Yeyox tek xax tapmãhã'. Kaxĩy. Hã kaxĩy Yeyox te kõmẽn xohix hã' mõ'nã xaptop 'ohnãg. Yã tikmũ'ũn te Yeyox yũmmũg, yĩy ta' nox xip hãm panip xexka tu', ha ta' nũn tikmũ'ũn xohix, nũy Yeyox xax.

Yoãm 1:19

Ha ta' pip Yoneo xexka xop kõmẽn Yenoyanẽn tu', tu mõ'pok 'ãmãnex xop xix Nemi yõg xop, puyĩy Yoãm yĩkopit. Ha ta' nũn, tu nũktu' yĩkopit, hu: —'Ũ'ũm 'ãmũn? Kaxĩy.

Yoãm 4:29

—Mã, nũy pẽnã tihik, tute' xuktux 'ãte hãpxopmã xohix xexka'. 'Ok nõ'õm yã Kunnix, yã Topa te nõm yãykutnãhã'? Kaxĩy.

Yoãm 5:10

Pa' pip Yoneo xop, tu tik pu hãm'ãktux, hu: —Hõnhã nit xap. Yã' kax'ãmi tikmũ'ũn yõg xat'ax yõg tappet tu', tu hãm'ãktux, hu: “Nit xap hã 'ĩxtet tat hok”. Kaxĩy.

Yoãm 5:12

Ha: —'Ũ'ũm tihik nõ'õm, nõm te hãm'ãktux hu: “Pu 'õg 'ĩxtet pa'”? Kaxĩy.

Yoãm 5:16

Yĩy ta' gãy Yoneo xop, hu Yeyox kute'ex kummuk. Yã nit xap 'ĩhã tik hittupmãhã'.

Yoãm 5:18

Yĩy ta' gãy xexka Yoneo xop, hu Yeyox putex putup. Yã Yeyox te nit xap yõg xat'ax koxyõy, tu Topa 'ãktux hu: “Yognũ 'ãtak”. Kaxĩy. Yã Topa putuk Yeyox. Yĩy ta' gãy Yoneo xop.

Yoãm 9:15

Ha Paniye xop te xe tik hã' yĩkopit, texĩy hãmpẽnãhã nõmhã'. Ha tik te: —Yã tute putõy hã mõ 'ũgpa nĩy, ha 'ãte yãy pa pix, hu nõmhã hãmpẽnãhã'. Kaxĩy.

Yoãm 9:25

Ha tik te: —'Ãte' yũmmũg'ah 'ok pe tu' max, 'ok pe tu' kummuk nõ'õm, pa 'ãte' yũmmũg hõmã 'ũkpa hok, pa hõnhã 'ãte hãmpẽnãhã'. Kaxĩy.

Yoãm 9:30

Ha tik te: —Texĩy 'ãxop te' yũmmũg 'ohnãg? 'Ãxop te' yũmmũg'ah hãm 'ũm tu' nũn, pa tutek pa mĩy.

Yoãm 9:34

Ha: —'Ãmũn, 'ãnãhã hãpkummuk mĩy'ax mũtik, tu hãpkummuk mĩypax. 'Ok xatek mũ'ã hãmyũmmũgã'? 'Ãmhok. Kaxĩy. Tu' ta tik putyõn Yoneo xop yõg Topa pet kũnãpah, tu' xat, pu xe mõ'nã hok.