Yoãm 20:25 - Maxakalí O Novo Testamento

²⁵ Ha Yeyox yõg tik xop te Tõmẽ pu hãm'ãktux hu: —'Ũgmũ'ãte yãy xuxyã pẽnãhã'. Kaxĩy. Ha Tõmẽ te: —'Ãte' pẽnã 'ohnãg 'ũyõg kayax 'ũyĩm tu', pipkup te nõm xuhmĩy, kopxix 'ũgkuxa yũm putup'ah. Tuk yĩpkutok hã kayax 'ãpit 'ohnãg, kopxix 'ũgkuxa yũm putup'ah, tuk yĩm hã 'ãpit 'ohnãg 'ũpuka', kopxix 'ũgkuxa yũm putup'ah. Kaxĩy.

Yoãm 20:25 ပူးပေါင်းရင်းမြစ်များ

Mãteo 27:42

—Hamũn te tikmũ'ũn punethok mõy, pãyã yãy mũn xut yũmmũg'ah. 'Ok 'Iyaet yõg tikmũ'ũn xat xe'e'? Paxpu mĩpkupnix tu yĩxox, puxix 'ũgmũ kuxa mãm ka'ok 'õm kopah!

Mã'ak 16:11

Ha' xupak, yã putpu' hi', tu tikmũ'ũn pu yãy mũg, pa' kuxa mãm 'ohnãg hãm'ãktux kopah.

Mã'ak 16:13

tu putpu' nũn, tu nũktu Yeyox yõg tik nõy pu nõm 'ãktux, pa' kuxa mãm 'ohnãg hãm'ãktux kopah.

Mã'ak 16:14

Ha ta' mõg Yeyox, tu yãy yõg tik te 11 xop pu yãy mũg. Yã' xit tihik, ha' nũn Yeyox, tu tik pu yãy mũg, tu: —Teptu 'ãkuxa mãm 'ohnãg. Tikmũ'ũn te: “'Ũgmũ'ãte' pẽnãhã Yeyox. Yã putpu' hi'”. Kaxĩy. Pa 'ãkuxa mãm 'ohnãg hãm'ãktux kopah. Yã' kummuk. Kaxĩy.

Nok Te Yeyox 'Ãktux 24:25

Ha Yeyox te: —'Ãp-tox kummuk, 'ãkuxa yũm pu'uk hãm'ãktux'ax kopah! Hõmã tik hittap te Topa pupi hãm'ãktux, tu tappet hã kax'ãmi', pãyã 'ãkuxa yũm 'ohnãg hãm'ãktux'ax kopah.

Yoãm 1:41

Tu ta' mõg 'Ãnene', nũy yãy taknõy xax, tu' xipihi', tu: —'Ũgmũ'ãte Kunnix xipihi', yã Topa te nõm yãykutnãhã'. Kaxĩy.

Yoãm 20:27

Tu Tõmẽ pu hãm'ãktux, hu: —'Ãpu 'ãyĩm xix nũnte. 'Ãpu 'ũgyĩm pẽnã'. 'Ãpu 'ãyĩm hãg 'ãpit 'ũkpuka'. 'Ãpu 'ãkuxa yũm 'ohnãg kuxyã'. 'Ãpu 'ãkuxa yũm. Kaxĩy.

Yoãm 21:7

Ha' xip tihik, yã Yeyox yõg tik xop kopa' xip, yã Yeyox te mõ nõm yãy xe'ẽgnãg. Tute Pet pu hãm'ãktux, hu: —Yã yũmũg xuxyã nõ'õm. Kaxĩy. Ha Xĩmãm Pet xaxtop, hu mõ toppixxax tat, tu' pũn kõnãg kopah.

Yoãm 6:30

Ha tikmũ'ũn te: —'Ãpu hãpxopmã ka'ok xe'ẽgnãg, puyĩy tikmũ'ũn kuxa mãm 'ãkopah. Putep mũn mĩy putup?

'Emeo 3:12

'Ũkxape xop, 'õg pa 'ãti', ka Topa yõg putat xak, 'ãkuxa kummuk tu' xak, xix 'ãkuxa mãm hok tu' xak, ka Topa xe'ẽgnãg nĩm.

'Emeo 3:18

'Ũ 'ũm te Topa yõg hãm'ãktux'ax 'ãpak, 'ĩhã' yãy 'ãxet'ax hã hãm'ãktux xex, hu: “'Õm xop 'ũkxip'ax hã mõxakux hok, nũy 'ũg mũtik tu hãpxopmã kux hok,” kaxĩy? Yã tikmũ'ũn te hãm'ãktux'ax 'ãpak, tu Topa mũtik yãytuk-mĩy.