Nok Te Yeyox 'Ãktux 5:21 - Maxakalí O Novo Testamento

²¹ Ha hãmyũmmũg xop xix Paniye xop tep-tup nõg, tu hãm'ãktux hã' nõy yãnãn, tu' yãy pu yĩkopit, hu: —Tik 'ũm 'õhõm? Topap-xehnãg te hãpkummuk mĩy'ax xaxogã 'ãktux, pãyã Yeyox te yãy 'ãktux, hu Topa 'ãktux kummugãhã'. Tik 'ũm 'õhõm? Kaxĩy.

Nok Te Yeyox 'Ãktux 5:21 ပူးပေါင်းရင်းမြစ်များ

Mãteo 26:65

Ha 'ãmãnex xop xat'ax te yãy xax pot, nũy yãy kuxa xũy'ax tu' mũg, tu: —Puxi'! Yã Topa 'ãktux kummuk pax 'õhõm! 'Ãxop te' xupak nõmhã.

Mãteo 9:3

Ha tik xop te hãmyũmmũg 'ũm te: —Nũhũ tik te yãy 'ãktux Topah! Yã' koit. Kaxĩy.

Nok Te Yeyox 'Ãktux 3:8

'Ãpu yãyhãhup, tu 'õg hãpxopmã kummuk kux, nũy hãpxopmã max, pu tikmũ'ũn xohix' pẽnã', nũy xate yãyhãhup yũmmũg, ha hãmpe'ãpaxeh hok, hu: 'Amanãm mũn yã 'ũgmũ'ã hã mõnãyxop, yĩy Topa tekmũg kummugãp-tup'ah. Kaxĩy. Yã' koit. 'Ãte xa hãpxe'e 'ãktux: Topa mũn yã' ka'ok, nũ mĩkaxxap hã 'Amanãm mõkputox xop mĩy'ax!

Nok Te Yeyox 'Ãktux 5:17

'Ãmnĩy nõy 'ĩhã Yoneo yõg Paniye xop, xix hãmyũmmũg xop te hãpxexka Ganinet yõg kõmẽn xohix tu' pip, xix hãpxexka Yonex yõg kõmẽn xohix tu' pip, xix kõmẽn Yenoyanẽn tu' pip, tu' nũn tu nũktu mõxaha mĩptut tu', tu' mãm, nũy Yeyox 'ãpax, ha tikmũ'ũn yũmmũgãhã', ha Topa te Yeyox ka'ogãhã pu pakut xop hittupmã',

Nok Te Yeyox 'Ãktux 5:22

Ha Yeyox te' yũmmũg, tu hãmpe'paxex yũmmũg, hu: —Putep mũn tu 'ãpe'ãpaxex 'ãkuxa kopah?

Nok Te Yeyox 'Ãktux 7:49

Ha tikmũ'ũn te Yeyox mũtik mãm te: —'Ũ 'ũm nũhũ'? Topap-xehnãg te hãpkummuk mĩy'ax xaxogã 'ãktux. Yeyox te' xaxogã 'ãktux hok! Kaxĩy.

Yoãm 10:33

Ha Yoneo xop te: —'Ũgmũ'ãtep-tup, nũy 'ãtux mĩkaxxap hã. Yã xate hãpxop kummuk mĩy, yã Topa 'ãktux kummuk, yã xate' xuktux 'ãmũn yã Topah, pa 'ãmhok, yã tihik 'ãmũn. Kaxĩy.

Hõmãn 8:33

Topa te yãy yõg tikmũ'ũn yĩmõgatux. 'Ok tik 'ũm xip, nũy 'ũkummuk 'ãktux? 'Ap tik 'ũm xip'ah, yã Topa mũn te' kuxa tupmãhã', pu tu kuxa max.