Nok Te Yeyox 'Ãktux 24:39 - Maxakalí O Novo Testamento

³⁹ Mã', 'ũgyĩm pẽnã', xik pata pẽnã', yã 'ũgmũn yĩnmũn. Mã', nũy 'ũg 'ãpit. 'Ũkoxuk te' yĩn xip 'ohnãg, xi' kup tox xip 'ohnãg, pak yĩm pip, xik pata pip, xik yĩn xe'e xip! Kaxĩy.

Nok Te Yeyox 'Ãktux 24:39 ပူးပေါင်းရင်းမြစ်များ

Nok Te Yeyox 'Ãktux 23:46

Ha Yeyox yĩy ka'ok, tu: —'Ãtak, 'ãte xa' hõm yãy koxuk!. Kaxĩy. Tu hãm'ãktux kux, tu' xok xe'e'.

Nok Te Yeyox 'Ãktux 24:38

ha Yeyox te: —Teptu 'ãkuxãnõg? Putep mũn hãpkĩy hã xate'?

Nok Te Yeyox 'Ãktux 24:40

Tu hãm'ãktux kux, 'ĩhã yãy yĩm tu' mũg, xix yãy pata tu' mũg, tikmũ'ũn te mũtik hãpkumep tu' mũg,

Yoãm 20:20

Yã tute hãm'ãktux, tu nõm pu yãy yĩm mũg xix yãy puka mũg, yã kayax mũg, ha nõm te yãy xuxyã pẽnãhã', hu' hittup xexka'.

Yoãm 20:25

Ha Yeyox yõg tik xop te Tõmẽ pu hãm'ãktux hu: —'Ũgmũ'ãte yãy xuxyã pẽnãhã'. Kaxĩy. Ha Tõmẽ te: —'Ãte' pẽnã 'ohnãg 'ũyõg kayax 'ũyĩm tu', pipkup te nõm xuhmĩy, kopxix 'ũgkuxa yũm putup'ah. Tuk yĩpkutok hã kayax 'ãpit 'ohnãg, kopxix 'ũgkuxa yũm putup'ah, tuk yĩm hã 'ãpit 'ohnãg 'ũpuka', kopxix 'ũgkuxa yũm putup'ah. Kaxĩy.

Yoãm 20:27

Tu Tõmẽ pu hãm'ãktux, hu: —'Ãpu 'ãyĩm xix nũnte. 'Ãpu 'ũgyĩm pẽnã'. 'Ãpu 'ãyĩm hãg 'ãpit 'ũkpuka'. 'Ãpu 'ãkuxa yũm 'ohnãg kuxyã'. 'Ãpu 'ãkuxa yũm. Kaxĩy.

Yeyox Yõg Mõ'pok Xop Te Hãpxopmãhã' 1:3

nõm xok, tu putpu' hi', ha tikmũ'ũn punethok te' pẽnãhã', tu 'ãmnĩy te 40 hã' pẽnãhã', yĩy ta' xohix te hãmyũmmũg, yã' hi putpu' Yeyox. Tute Topa te tikmũ'ũn xat xe'ẽgnãg 'ãktux, tu Topa te yãy yõg tikmũ'ũn xat 'ãktux,

1 Texanõn 5:23

Topa te yũmũ'ã' hõm hãmyĩptuk'ax. 'Ãtep-tup, pu Topa yãy pu 'ãxop xohix pop, yã 'ũyõg xop xe'ẽgnãg 'ãxop. 'Ãtep-tup, pu Topa 'ãxop pẽnã max, yã 'ãkoxuk pẽnã', xix 'ãkuxa, xix 'ãyĩn, xayĩy 'õg hãpkummuk mĩy'ax pip putup'ah, 'ĩhã' putpu' nũn putup yũmũg xuxyã Yeyox Kunnix.

'Emeo 12:9

Yũmũg tak xohix te yũmũg mãnõg, nũy tu hãmyũmmũgã', ha yũmũg yĩpkox pip, tu' tak max pekpaxex. Yĩy 'ãpu yũmũg Tak Topa pu 'ãyĩpkox pi', xayĩy 'ãhi xe'ẽgnãg.

1 Yoãm 1:1

'Ũgmũ'ãte xa ka'ãmi', nũy xa Topak-tok Yeyox Kunnix 'ãktux, ha Topa yõg Hãm'ãktux putuk. Hõmã hãmyãxatamuk xohixnãg 'ĩhã', 'ap xip'ah hãm xexka', xix pexkox, pa nõm Hãm'ãktux xip tap, yã Topak-tok, hak mũ'ãte' xupak, xi' pẽnãhã', xik mũ'ãte 'ũgyĩm hã' xupit, ha nõm Hãm'ãktux yã Topak-tok, tu' xohix hĩnnãhã'.