Mã'ak 12:15 - Maxakalí O Novo Testamento

¹⁵ Pa Yeyox te' yũmmũg, tik pa max, pa yã' kuxa kummuk. Yeyox te: —Teptu 'ãxop te' xak 'ãte' koit. Paxnũ tayũmak 'ãnuk, 'ũ pẽnã'. Kaxĩy.

Mã'ak 12:15 ပူးပေါင်းရင်းမြစ်များ

Mãteo 20:2

Yã 'ãmnĩy xohix 'ĩhã' mõg, tu tayũmak 'ãnuk puxet hã' pago kãmãnat pu', 'ãmnĩy puxet yõg tayũmak te takat hã' pago kãmãnat pu', hu hõnhã' mõg kamah, nũy kãmãnat xop xãnã'.

Mãteo 22:18

Tu yã mõ'ãmã', pãyã Yeyox te' yũmmũg, hu: —'Ãxop pa max, pãyã 'ãkuxa mũn kummuk! Tep tuk yĩkopit putup xate'?

Mã'ak 10:2

Ha ta' nũn Paniye xop, tup-tup, puyĩy Yeyox koit, tu: —Putep kax'ãmi yũmũ yõg xat'ax yõg tappet tu? Topa te putep xat? 'Ok xat, pu tik xetut nĩm? Kaxĩy.

Mã'ak 12:14

'Ũnũn tu nũktu: —Notot, 'ũgmũ'ãte' yũmmũg xate hãpxe'e 'ãktux, tu tikmũ'ũn yĩpkutuk 'ohnãg. Xate' xexka xop yĩpkutuk 'ohnãg, pa xate tikmũ'ũn pu' yũmmmũgãhã Topa te nõm putup. 'Ãpu hãm'ãktux: putep xuktux yũmũ yõg Topa yõg tappet tu'. 'Ok pe' max gohet pu tayũmak tanemẽn'ax pagok, yã Hõm xop yõg xat'ax Xet pu pagok? 'Ok pe' kummuk? Kaxĩy.

Mã'ak 12:16

Ha ta' mõg, tu putpu' nũnnãhã', ha Yeyox te: —'Ũ'ũm yõg 'ãxet'ax kax'ãmi tayũmuk 'ãnuk tu'? Xix 'ũ'ũm yõg xumix xip tayũmak 'ãnuk tu'? Ha: —Yã gohet yõg xat'ax Xet yõg. Kaxĩy.

Nok Te Yeyox 'Ãktux 20:23

Pa Yeyox te nõm tik xop yã mõ'ãmã'ax yũmmũg, tu nõm pẽnã'ax yõg hãmpe'paxex yũmmũg, 'ap max'ah, yĩy hãm'ãktux, hu:

Yoãm 21:17

Ha Yeyox te xe hãm'ãktux, hu: Xĩmãm, yã Yoãm kutok, 'ok xatek putuppax? Kaxĩy. Ha Pet kuxa hittup 'ohnãg, Yeyox te' yĩkopit tikoyuk hah tu: —Yãyã, xate' yũmmũg hãpxop xohix xexkah. Xate' yũmmũg, 'ãte 'ãp-tuppax. Kaxĩy. Ha Yeyox te: —'Ãpu tikmũ'ũn pẽnã', kahnẽn pẽnã'ax putuk.

Yoãm 8:6

Yã Paniye xop yõg hãm'ãktux te pamãg putuk. Yã 'ũp-tup, puyĩy Yeyox hãm'ãktux kummuk, puyĩy tikmũ'ũn xuktux Yeyox 'ũkummuk. Pa Yeyox nũ'xup, tu' yĩm kutok hã' kax'ãmi hãm tu'.

Yeyox Yõg Mõ'pok Xop Te Hãpxopmãhã' 5:9

Pa Pet te: —Tep tu 'ãyĩpxox te koit, xix 'ãmũn? 'Ok Topa Koxuk pu' koit, nũy nõ gãyã'? 'Ũxupax: Tik te 'ãyĩpxox nõ hãpkot, tu ta' nũn, tu nũ', tu mõ'ãtat putup kama hãptopa'. Kaxĩy.

1 Konĩn 10:9

'Ãpu yũmũ'ãte Topa gãyã hok, hãpkummuk mĩy tu'. Yã tikmũ'ũn hittap te' gãyãhã', tu hãpkummuk mĩy pax, yĩy kãyã gãy te' kix.

'Emeo 4:13

yĩy tikmũ'ũn te hãpxopmã'ax xaptop hok Topa pu'. Yã Topa te hãpxopmã'ax xohix pẽnãhã', tu hãmyũmmũg, tu tikmũ'ũn yõg hãmpe'paxex xohix yũmmũg, ha Topa pu yũmũg xohix te yãy yõg hãpxopmã'ax 'ãktux putup.

Apokalipse 2:23

'Ãte Yeyamet kutok kix putup, ha mõktu' kuxa mãm xohix xop te' yũmmũg putup, 'ãte tikmũ'ũn kuxa pẽnãhã', xip-tox kopa pẽnãhã', tu hãpkummuk mĩy'ax hã yãnãn.