'Emeo 3:8 - Maxakalí O Novo Testamento

⁸ 'Ãpu, 'ĩpkox pi', ka 'õg mõnãyxop yõg hãpxopmã'ax mõ'tat, ha mõnãyxop yĩpkox 'ohnãg, tu Topa gãyãhã', 'ĩhã hãm panip xexka tu' pip,” kaxĩy.

'Emeo 3:8 ပူးပေါင်းရင်းမြစ်များ

Mãteo 13:15

Yã tikmũ'ũn putox ka'ok, tu mõ'yãy yĩpkox yĩnnĩn, nũy hãm'ãpak hok, xi' pa kĩy ka'ok, nũy hãmpẽnã hok, ka hãmyũmmũg, xix yãyhãhup, ka Topa yõg putat hã' mõg 'ũxeheh. Yã 'ãte nõm hittupmã'ax, pãyãp-tup nõg. Yã Topa te' xuktux tap.” Kaxĩy.

Yeyox Yõg Mõ'pok Xop Te Hãpxopmãhã' 19:9

Pa tikmũ'ũn yĩpkox pip 'ohnãg, tu' kuxa mãm 'ohnãg Yeyox kopah, tu Topa yõg putat 'ãktux kummuk tikmũ'ũn nõy pu', yĩy Paot mõg, tu' kuxa mãm ka'ok xop mõgãhã', tu 'ãmnĩy xohix hã Tinãn yõg tappet mĩy'ax pet kopa hãmyũmmũgãhã'.

Yeyox Yõg Mõ'pok Xop Te Hãpxopmãhã' 7:36

Ha Mõyyex te 'Iyaet yõg tikmũ'ũn hittap mõy hãpxexka 'Eyit kopah, tu hãmyãxatamuk te 40 hã' mõgahã', tu hãpxopmã ka'ok xe'ẽgnãg hãpxexka 'Eyit tu', xix kõnãg xexka 'Ãta tu', xix hãm panip xexka tu', puyĩy nõm tikmũ'ũn pẽnã'.

1 Konĩn 10:9

'Ãpu yũmũ'ãte Topa gãyã hok, hãpkummuk mĩy tu'. Yã tikmũ'ũn hittap te' gãyãhã', tu hãpkummuk mĩy pax, yĩy kãyã gãy te' kix.