'Emeo 12:27 - Maxakalí O Novo Testamento

²⁷ Tu xe hãm nuhuk 'ãktux, ha ta hãm xexka yõg hãpxop nõãp-tup, pu pexkox yõg hãpxop tu pip ka'ok.

'Emeo 12:27 ပူးပေါင်းရင်းမြစ်များ

Mãteo 24:35

Pexkox te yãyxaxogã'ax, xix hãm xexka te yãyxaxogã'ax, pãyã yõgnũ hãm'ãktux xip ka'ok, tu' nõg 'ohnãg. Kaxĩy.

Hõmãn 8:19

Topa te yõnnã'ĩ xohix mĩy, ha' hip, tu' xak, pu Topa nõm tu yãy yõg kutok xop mũg.

Hõmãn 8:21

puyĩy Topa tux hok, pu tik-tox hok, 'ũ yãyhã max xe'ẽgnãg, Topak-tok xop xohix mũtik.

1 Konĩn 7:31

ha nõm xop te hãpxop hã' hãm xop te' nõy xop putuk'ax, nõm xop te' yãykuxop 'ohnãg putuk'ax. Yã hãpxip kutõgnãg 'ĩhã hãm xexka nõg putup.

'Emeo 1:10

Tu xe yãy kutok pu hãm'ãktux, hu: “Hõmã 'ãmũn te mãxap, tu hãm xexka xohix mĩy, yãy yĩm hã pexkox mĩy, tu hãpxop xohix mĩy.

'Emeo 13:14

Hãm xexka yõg kõmẽn xohix nõãp-tup, 'ãpu yũmũ'ãte pexkox yõg kõmẽn xax, yã nõm kõmẽn xip ka'ok, yĩy yũmũ'ãte' xak, nũy pexkox ha yũmũg mõg.

'Emeo 9:11

Yĩy Kunnix nũn, tu yãyhã 'ãmãnex xohix xat'ax, tu yũmũ'ã hãmmaxnãhã', tu Topa pet xe'e kopa' hãm, ha tikmũ'ũn te nõm pet mĩy 'ohnãg, 'ap hãm xexka tu' yũm'ah, yã pexkox tu' yũm.

Apokalipse 11:15

Ha ta' xip pexkox yõg nũ'kutnã'ax nõy, yã pexkox yõg mõkutnã'ax 7, tu mĩxux xop tut kaxyãhã', ha ta' yĩy ka'ok pexkox tu', hu: —Yũmũg xuxyã xexka te' xohix xat, yã Kunnix te' xat hãpxexka xohix yõg xexka xop, xix yõg tikmũ'ũn, tu nõm xat putup hãmyãxatamuk xohix kux 'ohnãg hã. Kaxĩy.

Apokalipse 21:1

'Ãte' pẽnãhã', pa' xip pexkox yokoma' nõy tup xix hãm xexka nõy tup. Hamũn, 'ũnõg pexkox yokoma mãxap xix hãm xexka mãxap.

Apokalipse 21:4

Topa te tikmũ'ũn pa hep kutux putup. 'A xep xakix putup'ah, tu xe' kuxa hittup 'ohnãg putup'ah, tu xe' xũy putup'ah. Yã' nõg hãpxop hittap. Kaxĩy.

Apokalipse 21:5

Ta nõm te' xat'ax xexka yõg mĩmpe yũm'ax xe'ẽgnãg yĩmũ' yũm, tu: —Nõmhã 'ãte hãpxop xohix tup mĩy putup. Kaxĩy. Tu xe 'ã hãm'ãktux, hu: —'Ãpu nõm kax'ãmi' yã hãm'ãktux xe'e'. 'Ũmax, pu tikmũ'ũn kuxa mãm hãm'ãktux kopah. Kaxĩy.