Apokalipse 4:11 - Maxakalí O Novo Testamento

¹¹ —'Ãmũn yũmũg xuxyã', yã yũmũ yõg Topah. 'Ãmax, ha' xohix te' yũmmũg 'ãmax xe'ẽgnãg, xix 'ãxexkanãm, xix 'ãka'ok xexkanãm. Hamũn, xate' xohix xexka mĩy. Xatep-tup, yĩy ta' pip 'ũxohix, tu' hi'. Kaxĩy.

Apokalipse 4:11 ပူးပေါင်းရင်းမြစ်များ

Yeyox Yõg Mõ'pok Xop Te Hãpxopmãhã' 14:15

—'Ãhup! Putep mũn mĩy putup? 'Ak mũn yã Topa'ah, yãk mũn tihik, 'ãxop putuk, tu hãm'ãpak max'ax ha xa' nũnnãhã', xa 'ãnĩm hãpxop 'ũm 'ãyĩm hã' mĩy, nũy heyah, xa Topa xe'ẽgnãg xax, yã' hi xe'ẽgnãg, nõm te hãmnõgnõy mĩy, xix hahãm, xix kõnãg xexka', xix hãpxop xohix kopa' pip.

Yeyox Yõg Mõ'pok Xop Te Hãpxopmãhã' 17:24

—Topa xe'ẽgnãg te hãm xexka mĩy, xix hãpxop xohix mĩy, hu pexkox xix hahãm xat. 'A' pet mĩy xak'ah tikmũ'ũn yĩm hã. Yã mĩptut kopa ti 'ohnãg. 'Ũxexka xe'ẽgnãg Topah.

Hõmãn 11:36

Yã Topa-xet te hãpxop xohix mĩy, tu hãpxop xohix hinnãhã', tu yãymũn pu' mĩy, xix yãy pu hĩnnãhã'. Yã Topa mũn xexka xe'ẽgnãg. Pũyã tikmũ'ũn te nõm xexka 'ãktux mõ kuma' mõg! Hamũn!

'Epex 3:9

Ha Topa te nũgkutnãhã', 'ũ hãm'ãktux xe'e', nũy hãm'ãpak max'ax 'ãktux tikmũ'ũn xop xohix pu', tuk hittup. Hõmã Topa te hãmpe'paxex, nũy Yoneo xop, xi' puknõg xop ha hãmmaxnã', ha hãmyãxatamuk xohix hã' yĩy 'ohnãg, pãyã hõnhãk xat, 'ãte tikmũ'ũn xohix pu hãmyũmmũgã'. Yã Topa max xe'ẽgnãg, tu hãpxop xohix mĩy, tu kama' hep xohix xop ha hãmmaxnãhã'.

'Emeo 1:10

Tu xe yãy kutok pu hãm'ãktux, hu: “Hõmã 'ãmũn te mãxap, tu hãm xexka xohix mĩy, yãy yĩm hã pexkox mĩy, tu hãpxop xohix mĩy.

'Emeo 1:2

pa Topak-tok te yãy Tak pupi hãm'ãktux nõmhã, tu yũmũ'ã' xuktux. Nõ'õm te Topa yũmũg Tak mũtik hãm xexka xop xohix mĩy, ha Topa tek-tok yãykutnãhã', pu hãm xexka yõg hãpxop xohix pop, xix pexkox yõg hãpxop xohix pop kamah,

Apokalipse 1:6

tu yũmũg mĩy 'ãmãnex xop, yã Topa yõg xop. Tute yũmũg xat, ha yũmũ'ãte Topa pu hãpxopmã max, yã yũmũg 'ãtak Topa pu hãpxopmã max. Yeyox Kunnix yã' max xe'ẽgnãg, tu' max xe'ẽgnãg mõkuma'mõg, ha' kux 'ohnãg. Hamũn.

Apokalipse 10:6

tu hãm'ãktux, hu: —Hãpxip kutõgnãg 'ĩhã' nũn. Topa te yõgnũ hãm'ãktux yũmmũg, yã Topa te' yũmmũg, yã Topa hi mõkuma'mõg hãmyãxatamuk xohix kux 'ohnãg hã, tu pexkox mĩy xix yãykoteh, xix nõm kopa' pip xop, xix hãm xexka mĩy, xix nõm tu' pip xop, xix kõnãg xexka mĩy, xix nõm te kopa' pip xop.

Apokalipse 14:7

Pexkox yõg nũ'kutnã'ax te hãm'ãktux ka'ok, hu: —'Ãpu Topa yĩpkutuk, nũy Topa xexka 'ãktux max. Hamũn, hãpxip kutõgnãg 'ĩhã Topa te tikmũ'ũn xohix yõg hãpxopmã'ax kopit putup. Yã hõmã tute' mĩy pexkox xix yãykoteh, xix hãm xexka', xix kõnãg xexka', xix kõnãg xupep'ax xohix. 'Ãpu Topa pu nũktettex. Kaxĩy.

Apokalipse 19:1

Hãpxip 'ĩhã 'ãte' xupak, pa' xip yãnmũn xupep'ax xexka pexkox tu', yã tikmũ'ũn xohix yõg hãm'ãktux putuk. Tu hãm'ãktux, hu: —'Ũmax Topah. Topa te tikmũ'ũn mõy hãpkummuk kopah. Topa 'ũmax xe'ẽgnãg, tu' ka'ok xexka'.

Apokalipse 5:12

'Ũxohix tek-tex ka'ok, hu: —Hõmã tikmũ'ũn tep-tex Kahnẽn Kutok. Pa hõnhã 'ãxip, yã 'ãmax, yã 'ãka'ok nõynã'ãmõg. Xate' xohix yõg hãpxop pop. Xate hãpxohix yũmmũg, ha' xohix te 'ãmũn 'ãpak, nũy 'ãxexka mĩy, nũy 'ãmũn 'ãktux max. Kaxĩy.

Apokalipse 5:2

Ha ta' xip pexkox yõg nũ'kutnã'ax ka'ok, yã Topa yõg kãmãnat, ha hãm'ãktux ka'ok, hu: —Pi'ã' xip nõm max, yã nõm te kĩy'ax mep yũmmũg, nũy tappet tox ko'ah? Kaxĩy.

Apokalipse 5:9

'Ũxohix tek-tex tup hãk-tex, hu: —'Ãmax 'ãpu tappet tox pa', nũy kĩy'ax mep. Hamũn, hõmã tikmũ'ũn te 'ãp-tex, yã tikmũ'ũn pupi 'ãxok, nũy tikmũ'ũn mõgã Topa hah. Yã' xohix mõgãhã', yã hep xohix xop yõg xop, xi' yĩy'ax xohix yõg xop, xix hãm xexka xohix yõg xop, xix xop xohix.