Apokalipse 1:4 - Maxakalí O Novo Testamento

⁴ 'Ũgmũn Yoãm, tu nũ tappet kax'ãmi Yeyox kopa kuxa mãm xop xohix te' 7 pu' hãpxexka 'Ax tu'. 'Ãtep-tup, pu Topa 'ãxop ha hãmmaxnã', nũy 'ãkuxa mãmmã'. Hõnhã' xip Topah, tu ta' xip hõmã, tu ta' nũn putup. Ha ta' pip 'ũkoxuk xohix te' 7 Topa keppah xix yõg mĩmpe yũm'ax xe'ẽgnãg keppah. 'Ãtep-tup, pu Topa 'ãxop pu hãmmaxnã', nũy 'ãkuxa mãmmã kamah.

Apokalipse 1:4 ပူးပေါင်းရင်းမြစ်များ

Yoãm 1:1

Hõmã 'ũhittap 'ap xip'ah hãm xexka', ha ta' xip Yeyox, tu Yeyox 'ãxet'ax nõy hã: Topa yõg Hãm'ãktux. Kaxĩy. Yã tikmũ'ũn pu Topa mũg. Topa yõg Hãm'ãktux te Topa mũti' tihi', tu Topa putuk, yã Topa xe'e'.

Yeyox Yõg Mõ'pok Xop Te Hãpxopmãhã' 19:10

Hãmyãxatamuk 2 hã hãmyũmmũgãhã', ha hãpxexka 'Ax yõg tikmũ'ũn xohix te Topa yõg hãm'ãktux'ax 'ãpak, Yoneo xop te' xupak, xi' puknõg xop.

Yeyox Yõg Mõ'pok Xop Te Hãpxopmãhã' 2:9

Yã' yĩy'ax xohix te: Pat yõg, xix Met yõg, xix 'Enamĩt yõg, xix Mẽyopatãm yõg, xix Yonex yõg, xix Kapanox yõg, xix Po'õn yõg, xix 'Ax yõg yĩy'ax,

Hõmãn 1:7

Kaxĩy 'ãte kax'ãmi tappet, tu kõmẽn Hõm yõg kuxa mãm ka'ok xop pu ka'ãmi', yã Topa te mõ 'ãxop yãy xe'ẽgnãg, tu 'ãxop xãnãhã', xayĩy yãyhã' yõg tikmũ'ũn. Pũyã Topa yũmũg Tak xik-tok Yeyox Kunnix xa hãmmaxnã', xix 'ãkuxa mãmmã'.

1 Konĩn 1:3

Pũyã Topa yũmũg Tak 'ãkuxa mãmmã', nũy tu yũmũg xuxyã Yeyox Kunnix mũtik xa hãmmaxnã'.

2 Konĩn 1:2

'Ũgmũ'ãtep-tup, pu yũmũ yõg tak Topa xa hãmmaxnã', puyĩy 'ãkuxa mãmmã' xix yũmũ xuxyã Yeyox Kunnix xa hãmmaxnã' xix 'ãkuxa mãmmã'.

'Emeo 13:8

Yeyox Kunnix xip ka'ok. Yã hõmã hãmyãxatamuk xohix hã' xip ka'ok, xix hõnhã' xip ka'ok, xix hãptup xohix 'ĩhã' xip ka'ok putup mõ'kuma' mõg. Yamũn yĩnmũn, tu yãyhã' nõy 'ohnãg, tu yãy yãnãn 'ohnãg.

Tiak 1:17

Topa te mãyõn xop xohix mĩy, tu' mãynãg mĩy pexkox tu', yã pexkox yõg hãpxop xohix mãynãg. Yã hãmmax xohix Topa te' mĩy, tu pexkox tu yũmũ'ã hãmmaxnãhã'. Yã Topa mũn max xe'ẽgnãg, tu yã yĩnmũn, tu yãy yãnãn 'ohnãg, xix yãyhã' nõy 'ohnãg kamah.

Apokalipse 1:1

Yeyox Kunnix te yũmũ'ã' mũg hãpxop punethok, tu yãy mũn mũg, ha 'ãte nõm kax'ãmi tappet tu'. Topa te' xat, pu' mũg yãy yõg tikmũ'ũn tu', yã yãy yõg kãmãnat xop tu'. Hãpxip kutõgnãg 'ĩhã tikmũ'ũn te nõm hãpxop xohix pẽnãp-tup, ha Yeyox Kunnix te yũmũ'ã nõm hãpxop xohix mũg. Kunnix te nũ'kutnãhã pexkox yõg nũ'pok xop, puyĩy Yoãm tu nõm mũg.

Apokalipse 1:11

tu hãm'ãktux, hu: —'Ãpu 'ũpẽnã xop kax'ãmi', tu tappet hõm Yeyox kopa kuxa mãm xop te' 7 pu', yã kõmẽn 'Ep tu', xix kõmẽn 'Exmĩy tu', xix kõmẽn Pek tu', xix kõmẽn Tittit tu', xix kõmẽn Xahat tu', xix kõmẽn Pinanep tu', xix kõmẽn Namnixet tu'.” Kaxĩy.

Apokalipse 1:17

Ha 'ãte' pẽnãhã', tuk nãhã 'ũpata yĩkak, tuk xok putuk. Pa tik nũn, tu nũktuk yĩmũ' yĩm xix, tu: —'Ãkuxa nõg hok. 'Ũgmũn yã mãxap xi' ka'ax. Yã hõmã' xip'ah hãm xexka xix yõg hãpxop xohix 'ĩhãg xip. Ha ta' nõg putup hãm xexka xix yõg hãpxop xohix, 'ĩhãg xip putup.

Apokalipse 1:20

'Ãte xa' yũmmũgãhã hãpxop xaptop, yã tikmũ'ũn te nõm yũmmũg 'ohnãg. 'Ũpip mãyõnnãg xohix te' 7 'ũgyĩpxe'e kopah, ha' pip kũyãnãm tat'ax te' 7. Mãyõnnãg te' 7 yã pexkox yõg nũ'pok'ax te' 7, yã nõm te Yeyox kopa kuxa mãm xop te' 7 pẽnãhã'. Ha ta kuyãnãm tat'ax yã kõmẽn te' 7 yõg Yeyox kopa kuxa mãm xop te' 7. Kaxĩy.

Apokalipse 1:8

Topa xexka 'ũka'ok, tu hãm'ãktux, hu: “'Ũgmũn yã mãxap xix ka'ax. Hõmã' xip'ah hãm xexka xix yõg hãpxop xohix, 'ĩhãg xip. Ha ta' nõg putup hãm xexka xix yõg hãpxop xohix, 'ĩhãg xip putup. Hõnhãg xip, tu tak xip hõmã, tu tak nũn putup.” Kaxĩy.

Apokalipse 1:9

Ha tak mũn yã 'ãtaknõy Yoãm. 'Ãte' xũy hã tot, yã 'ãxop putuk. 'Ũkxip Topa te nõm xat xop kopah 'ãxop mũtik, tu Yeyox tuk xip ka'ok 'ãxop putuk. Hõmã 'ãte tikmũ'ũn pu Topa 'ãktux xix Yeyox 'ãktux, ha tikmũ'ũn tek mũg, tuk xix nũnte hãm tot tu', ha kõnãg te' yĩmap, yã hãm tot 'ũxuxet'ax Pat.

Apokalipse 16:5

'Ãte' xupak, pa' xip pexkox yõg nũ'kutnã'ax, yã nõm te kõnãg pẽnãhã'. Tute: —Topa 'ãmax xe'ẽgnãg. Xate hãpxe'e mĩy, tu hãpkummuk mĩy'ax yãnãn. 'Ãmax xe'ẽgnãg. 'Ãxip hõnhã xix hõmã.

Apokalipse 2:12

Tu xe: —'Ãpu kax'ãmi pexkox yõg nũ'kutnã'ax pu nõm te kõmẽn Pek yõg Yeyox kopa' kuxa mãm xop pẽnãhã'. 'Ãpu kax'ãmi, hu: “'Ãte xa hãm'ãktux. Yõgnũ mĩkax xexka xox mut tix xip.

Apokalipse 2:18

—'Ãpu kax'ãmi pexkox yõg nũ'kutnã'ax pu nõm te kõmẽn Tittut yõg Yeyox kopa' kuxa mãm xop pẽnãhã'. 'Ãpu kax'ãmi, hu: “'Ãte xa hãm'ãktux. 'Ũgmũn yã Topak-tok, tuk pa te kuxap xexka putuk, tuk pata te kuyãnãm mõ'yõn, tu pipkup monõn pukpex xexka putuk, tu' xutnuk.

Apokalipse 2:8

Tu xe: —'Ãpu kax'ãmi pexkox yõg nũ'kutnã'ax pu nõm te kõmẽn 'Exmĩy yõg Yeyox kopa' kuxa mãm xop pẽnãhã'. 'Ãpu kax'ãmi, hu: “'Ãte xa hãm'ãktux. 'Ũgmũn yã mãxap xi' ka'ax. Yã hõmã' xip'ah hãm xexka xix yõg hãpxop xohix, 'ĩhãg xip. Ha ta' nõg putup hãm xexka xix yõg hãpxop xohix, 'ĩhãg xip putup, tuk xok tãmnãg pa putpuk hi'.

Apokalipse 22:16

Ha Yeyox te: —'Ũgmũn Yeyox. 'Ãte pexkox yõg nũ'kutnã'ax mõkutnãhã', puyĩy nũ hãpxop 'ãktux Topa kopa kuxa mãm xop pu'. 'Ũgmũn yã Namix hã xupepmã'. Yõgnũ kuyãnãm ka'ok, yã 'ũgmax xe'ẽgnãg, yã mãyõnnãg xexka kuyãnãm putuk. Kaxĩy.

Apokalipse 22:8

'Ũgmũn Yoãm. 'Ãte' xupak nõm hãpxop xohix, tu nõm pẽnãhã'. 'Ãte' xupak kux, tu' pẽnã kux, tu pexkox yõg nũ'kutnã'ax pu nũkxup, yã nõm te 'ã hãpxop xohix mũg.

Apokalipse 3:1

Tu xe: —'Ãpu kax'ãmi pexkox yõg nũ'kutnã'ax pu', nõm te kõmẽn Xahat yõg Yeyox kopa' kuxa mãm xop pẽnãhã'. 'Ãpu kax'ãmi, hu: “'Ãte xa hãm'ãktux. 'Ãte yãy yĩm hã' tat 'ũkoxuk xohix te' 7 Topa yõg xix mãyõnnãg te' 7. 'Ãte 'ãxop yõg hãpxopmã'ax yũmmũg. Tikmũ'ũn te hãmpe'paxex 'ãxop hi', pa 'ãmhok, 'ãxop te' xakix xop putuk.

Apokalipse 3:14

Tu xe: —'Ãpu kax'ãmi pexkox yõg nũ'kutnã'ax pu nõm te kõmẽn Namnixet yõg Yeyox kopa kuxa mãm xop pẽnãhã'. 'Ãpu kax'ãmi, hu: “'Ãte xa hãm'ãktux. 'Ãte Topa tuk xip ka'ok, tu Topa yõg xat'ax mĩy pax, yãg hup 'ohnãg, tu tikmũ'ũn pu Topa yõg hãm'ãktux xe'e 'ãktux. Hõmã 'ãte' mĩy Topa mũtik hãpxop xohix.

Apokalipse 3:7

Tu xe: —'Ãpu kax'ãmi pexkox yõg nũ'kutnã'ax pu', nõm te kõmẽn Pinanep yõg Yeyox kopa' kuxa mãm xop pẽnãhã'. 'Ãpu kax'ãmi hu: “'Ãte xa hãm'ãktux. 'Ũgmax xe'ẽgnãg, tu 'ãte hãpxe'e mĩy, tuk yĩm hã tat Namix yõg pipkup hãmyĩnnĩn'ax. Tute hãpxõn, ha ta tikmũ'ũn te mõhãmyĩnnĩn yũmmũg 'ohnãg. Tu tu mõhãmyĩnnĩn, ha ta tikmũ'ũn te hãpxõn yũmmũg 'ohnãg.

Apokalipse 4:5

ha nõm te' xat yõg mĩmpe yũm'ax te kote' xip, ha ta nõnte tu' xupep yãnãm kõ'ãynãm, xix hãmnãhũn, xix tex tĩnnãhã'. Ha ta' pip nõm te' xat yõg mĩmpe yũm'ax keppa kuyãnãm tat'ax xohix te' 7, tu yõg kuyãnãm pip, yã' koxuk te' 7 Topa yõg.

Apokalipse 4:8

'Ũxohix te' 4 yõg yĩmãg pip. Yãp-xet yõg yĩmãg xohix te' 6, ha' nõy yõg te' 6, ha' nõy yõg te' 6, ha' nõy yõg te' 6. Yõnnã'ĩ xohix pa xohix pip 'ũyĩmap xi' kopah. Yõnnã'ĩ tek-te'ex hãptup tox hã xix 'ãmnĩy tox hã, tu' hup 'ohnãg, tu: —Topah, 'ãmax xe'ẽgnãg, 'ãmax xe'ẽgnãg, 'ãmax xe'ẽgnãg. 'Ãka'ok xexkanãm, nũy hãpxop xohix xexka mĩy yũmmũg. Hõmã 'ãxip xix hõnhã 'ãxip, tu 'ãnũn putup. Kaxĩy.

Apokalipse 5:6

'Ãte' pẽnãhã', pa' xip nõm xuxet'ax Kahnẽn Kutok. Kaxĩy. 'Ũk-nĩhã' xip nõm te' xat yõg mĩmpe yũm'ax yĩmũ', ha yõnnã'ĩ te' 4 te Kahnẽn Kutok xakot, ha tik xexka te' 24 te Kahnẽn Kutok xakot kamah, ha Kahnẽn Kutok xok tap, payã' putpu' hi', tup-tox kup xohix te' 7, tu' pa xohix te' 7. 'Ũp-tox kup xi' pa yã koxuk te' 7 Topa yõg, yã koxuk mõ'pok hãpxexka xohix tu'.

Apokalipse 8:2

'Ãte' pẽnãhã', pa' pip pexkox yõg nũ'pok'ax te' 7 nõm te Topa keppa' pip, tu' pop mĩxux xop tut te' 7, nũy kaxyã'.