Yeyox Yõg Mõ'pok Xop Te Hãpxopmãhã' 9:6 - Maxakalí O Novo Testamento

⁶ pa 'ãyok, nũy 'ãk-nĩhã xihip, tu mõg tu mõktu kõmẽn Namãn tu xupep. 'Õnte tik 'ũm te xa hãmyũmmũgãp-tup. Kaxĩy.

Yeyox Yõg Mõ'pok Xop Te Hãpxopmãhã' 9:6 ပူးပေါင်းရင်းမြစ်များ

Mãteo 19:30

pa tikmũ'ũn te mãxap yãyhã ka'ax putup, ha ta' ka'ax xop yãyhã mãxap putup. Kaxĩy.

Nok Te Yeyox 'Ãktux 3:10

Ha tikmũ'ũn te Yoãm pu hãm'ãktux, hu: —Putep mĩy'ax 'ũgmũ'ũg? Kaxĩy.

Yeyox Yõg Mõ'pok Xop Te Hãpxopmãhã' 10:22

Ha' nõy te: —'Ãhak nũn. Kapitãm Kohnẽn tek mũg nũ'pok, yã' mãx, tu hãmyok mĩy, tu Topa xak, tu' kuxa te' yẽy Topa keppah, ha 'Iyaet yõg tikmũ'ũn xohix te nõm putup pax, ha pexkox yõg nũ'kutnã'ax te' xat, hãk mũg nũ'pok, ha 'ãxãnãhã', pu Kohnẽn pet ha mõg, 'ũyĩy 'ognũ hãm'ãktux'ax 'ũm 'ãpax. Kaxĩy.

Yeyox Yõg Mõ'pok Xop Te Hãpxopmãhã' 10:32

'Ãpu, Yop tu mõ'pok, pu Xĩmãm Pet xãnã', ha kõnãg xexka kux tu' xip Xĩmãm nõy pet kopah, ha Xĩmãm te xokxax hã' hãm, tu' xut, tu' hĩy, tu' xup, ha' nak,” kaxĩy.

Yeyox Yõg Mõ'pok Xop Te Hãpxopmãhã' 10:6

ha Xĩmãm nõy pet tu' xip, nõm Xĩmãm nõy te xokxax hã' hãm, tu' xut, tu' hĩy, tu' xup, ha' nak, ha Xĩmãm pet te kõnãg xexka kux tu' yũm. Kaxĩy.

Yeyox Yõg Mõ'pok Xop Te Hãpxopmãhã' 2:37

Ha' xohix te' xupak, tu yãyhãhup, tu' kuxa te' xak, tu hãm'ãktux Pet pu', xix mõ'pok xop xohix pu', hu: —'Ũnõy mõnõm xop, putep mũn mĩy'ax? Kaxĩy.

Yeyox Yõg Mõ'pok Xop Te Hãpxopmãhã' 22:10

Ha 'ãte' yĩkopit, hu: Yãyã', putep xatek putup 'ũ mĩy xa'?” kaxĩy. —Ha: “'Ãyok, nũy mõg, tu mõktu xupep Namãn tu', ha tik 'ũm te xa hãm'ãktux putup, tu Topa yõg xat'ax xa hãmyũmmũgãp-tup,” kaxĩy.

Yeyox Yõg Mõ'pok Xop Te Hãpxopmãhã' 26:16

Pa 'ãyok, tuk-nĩhã xip. 'Ãhak nũn, nũy xã yãykutnã', xak mũn pu hãpxopmã', xak mũg pẽnãhã hãmãxap, ha xa' mũg putup 'ũxeheh, xak mũn 'ãktux tikmũ'ũn pu'.

Yeyox Yõg Mõ'pok Xop Te Hãpxopmãhã' 9:5

Ha Xaot kuxãnõg, tu: —'Ũ 'ũm 'ãmũn? Kaxĩy. Ha' nõy te: —'Ũgmũn yã Yeyox. Xatek mũn xũygãhã',

Hõmãn 10:20

Ha mõnãyxop hittap 'Iyait kuxãnõg 'ohnãg, tu Topa pupi hãm'ãktux tikmũ'ũn pu', tu: “Nõm xop tek 'ũm xak hok, pak xipihi',” kaxĩy.

Hõmãn 10:3

'Ap kuxa tupmã yũmmũg'ah, tu yãy pe'paxex hã yãy kuxa kummuk tupmãp-tup, pa Topap-xehnãg te tikmũ'ũn kuxa tupmãhã', pu tu kuxa max.

Hõmãn 5:20

Topa te' xat'ax hõm, nũy hãpkummuk yũmmũgã', ha hãpxopmã'ax kummuk te' nõy nã' mõg tu mõktu yã' xohix, pa Topa te hãpxopmã hok hã hãmmaxnãhã', tu nõy nã' mõg tu mõktu xohix xexkah.

Hõmãn 7:9

Hõmã 'ãte' xat'ax yũmmũg 'ohnãg, tu hãmpekpaxex, hu: “Yã 'ãte hãpxopmã max,” kaxĩy. Pa Topa tek xat, 'ũyĩy hãpkummuk mĩy hok, ha 'ãte' xupak, tu hãmyũmmũg, tu yãy kuxa kummuk yũmmũg,

Pinipẽn 2:12

'Ãxop yãk mũn hã 'ãxape xe'ẽgnãg, tuk mũn pu 'ayĩpkox pip, 'ĩhãk xip 'ãmũtik, yĩy 'ãyĩpkox pip max, 'ĩhãk xip hãptox tu', 'Ãpi hãpxopmã max pax, tu 'ãkuxãnõg, nũy Topa yõg putat xak hok.

Tiak 4:6

Pa Topa ka'ok xe'ẽgnãg, tu tikmũ'ũn kuxa ka'ogãhã', yã Topa yõg tappet te xe: “Tikmũ'ũn yãy mũn xexka pe'paxex, puxix Topa putup nõg, pak-tõgnãg xop pu hãmmaxnãhã', nõm xop yãymũn kutõgnãg pe'paxex ha hãmmaxnãhã',” kaxĩy.