Yeyox Yõg Mõ'pok Xop Te Hãpxopmãhã' 9:40 - Maxakalí O Novo Testamento

⁴⁰ Ha Pet te' xohix xat, hu: —Hãptopa 'ãmõxãn. Kaxĩy. Ha' mõg, yĩy Pet te' kopaxux hã' xip, tu Topa pu hãm'ãktux, tu hãm'ãktux kux, tu pepi' mõg, tu Nok yĩnxax xat, hu: —Tamit, 'ãyok, nũy pepi xip. Kaxĩy. Ha' pa ko'a', tu' yũm.

Yeyox Yõg Mõ'pok Xop Te Hãpxopmãhã' 9:40 ပူးပေါင်းရင်းမြစ်များ

Mãteo 6:6

Pa 'ãpet ha mõg, nũy mõhãmyĩnnĩn, nũy 'ãp-xehnãg hã 'õg 'Ãtak Topa pu hãm'ãktux, 'ĩhã xate nõm pẽnã 'ohnãg, ha' xupak, tu xa' hõm pexkox yõg hãpxop. Yã Topa 'õg 'Ãtak te hãpxopmã'ax xohix pẽnãhã'.

Mãteo 9:25

tu' mõg, 'ĩhã Yeyox te kakxop hex pet ha mõ'nãhã', tu' yĩm mũg, ha' yok, tuknĩha' xip,

Mã'ak 9:25

Ha tikmũ'ũn xohix yĩnnãhã' tu' nũn, ha Yeyox te yãmĩy kummuk xat, hu: Yãmĩy kummuk, xate' nõy yĩpkox hogãhã'. Yãmĩy kummuk, 'ãpep, nũy putpu mõnã hok. Kaxĩy.

Nok Te Yeyox 'Ãktux 22:41

Tup-xehnãg ha' mõg kutõgnãg, tu' kopaxux hã' xip, tu Topa mũtik hãm'ãktux, hu:

Nok Te Yeyox 'Ãktux 8:54

Pa Yeyox mõg, tu kakxop yĩm mũg, tu' yĩy ka'ok, tu: —Nixix, 'ãyok nũy 'ãknĩhã xihip! Kaxĩy.

Yeyox Yõg Mõ'pok Xop Te Hãpxopmãhã' 20:36

Tu hãm'ãktux kux, tu' kopaxux hã' xip, tu Topa pu hãm'ãktux 'ũnõy xop mũtik.

Yeyox Yõg Mõ'pok Xop Te Hãpxopmãhã' 21:5

Pa xemãn nõg, 'ĩhãk mũg mõg, ha' nõy xop tek mũg mõgãhã kõmẽn kunãpa', xi' xetut xop te', xix kakxop te', hak mũg kopaxux hã' pip, tu Topa pu hãm'ãktux hãpkux tu',

Yeyox Yõg Mõ'pok Xop Te Hãpxopmãhã' 28:8

Ha Pup mũg tak pakut, ha' xax pukpex, tu' xakuk xi' ta hep, ha Paot mõg, tup-tox yĩmũ' yĩm xex, tu Topa pu hãm'ãktux hã' hittupmãhã', hã xax xuxi'.

Yeyox Yõg Mõ'pok Xop Te Hãpxopmãhã' 7:60

Tu' kopaxux hã' xip, tu' yĩy ka'ok, hu: —Yãyã', 'ãpu 'ũyõg hãpkummuk mĩy'ax xaxogã', pu tu kux! Kaxĩy. Tu hãm'ãktux kux, tu' xok. Ha Xaot te' pẽnãhã', tu 'Extep xok'ax putup, yĩ' kuxa hittup.