Yeyox Yõg Mõ'pok Xop Te Hãpxopmãhã' 7:35 - Maxakalí O Novo Testamento

³⁵ 'Extep te xe: —Hõmã tikmũ'ũn te Mõyyex putup nõg, tu: “'Ũ 'ũm te 'ãxexkanãhã', xayĩy kopit?” kaxĩy. Pa hõnhã Topa te Mõyyex nũ'kutnãhã tikmũ'ũn hah, nũy Mõyyex xexkãnã', nũy tikmũ'ũn mõy hãm puknõg kopah, ha Topa te pexkox yõg nũ'kutnã'ax nũ'kutnãhã', nõm te mĩxux kopa' xip, pu Mõyyex mũtik tu ti', tu mõ'nĩynãm.

Yeyox Yõg Mõ'pok Xop Te Hãpxopmãhã' 7:35 ပူးပေါင်းရင်းမြစ်များ

Mã'ak 12:26

Hõmã Mõyyex te' kax'ãmi tappet tu', tu putpu' hĩnnã'ax kax'ãmi'. 'Ok 'ãxop te nõm mõkupix 'ohnãg? Yã 'ũkax'ãmi Topa te mĩm pahok kup puk kopa Mõyyex pu hãm'ãktux, hu: “'Ũgmũn yã 'Amanãm yõg Topah, xix 'Iyak yõg, xix Yako yõg.” Kaxĩy.

Nok Te Yeyox 'Ãktux 19:14

—Tu' mõg, pãyã 'ũyõg tikmũ'ũn tep-tup nõg, tu tik xop mõ'pok hãptox tu', 'õm xat'ax ha mõ'pok, nũy nõ: “'Ũgmũ'ãte 'ãp-tup nõg. 'Ãpu, xihip hãptox tu'. Putpu 'ãnũn hok, nũy mũ'ã xat.” Kaxĩy.

Yoãm 18:40

Ha Yoneo xop te hãm'ãktux ka'ok, hu: —'Ãmnok, 'a' mõg putup'ah. 'Ãpu Mahamax xut, pu mõg. Kaxĩy. Yã' xupxet Mahamax.

Yoãm 19:15

Pa Yoneo xop te: —'Ãpu 'ũp-tex, 'ãpu 'ũp-tex, 'ãpu 'ũp-tex mĩpkupnix yĩmũ'! Kaxĩy. Ha Pinet te: —'Ok 'ãtep-tex'ax mĩpkupnix yĩmũ tik te 'ãxop xat? Kaxĩy. Ha 'ãmãnex xexka xop te: —Yã Hõm xop yõg xexkap-xehnãg tek mũg xat. Puxix. Kaxĩy.

Yeyox Yõg Mõ'pok Xop Te Hãpxopmãhã' 2:36

'Iyaet yõg tikmũ'ũn, 'ãxop te Yeyox putex mĩpkupnix tu'. 'Ãte xa hãm'ãktux xe'e', 'ap koit'ah: Topa te Yeyox yãykutnãhã', puyĩy 'ãxop hã 'ãxuxyã xe'ẽgnãg. Tu yã Topa yõg hãmyãykutnã'ax xe'e'. Tu ta tu' kux. Kaxĩy.

Yeyox Yõg Mõ'pok Xop Te Hãpxopmãhã' 3:22

Mõnãyxop hittap Mõyyex te Yeyox 'ãktux kamah, tu: “Hõmã Topa te tik te yãy pupi hãm'ãktux yãykutnãp-tup, 'ãxop kopa' yãykutnãp-tup, tu tik puxet xãnãp-tup, puyĩ' pupi hãm'ãktux, 'ũkputuk. 'Ũxupax, nũy xat'ax xohix mĩy.

Yeyox Yõg Mõ'pok Xop Te Hãpxopmãhã' 5:31

tu' xexkanãhã yãy yĩpxe'e hã', nũy hãpkummuk mĩy'ax xaxogã', pu tu' kux.

Yeyox Yõg Mõ'pok Xop Te Hãpxopmãhã' 7:30

—Ha hãmyãxatamuk te 40 nõg, ha pexkox yõg nũ'kutnã'ax nũn, ha Mõyyex te' pẽnãhã', tu hãm panip xexka yõg yĩktix Xĩnãy yĩmũ' pẽnãhã', ha mĩxux te kuxap xakot, ha pexkox yõg nũ'kutnã'ax te' kopa' xip,

Yeyox Yõg Mõ'pok Xop Te Hãpxopmãhã' 7:51

Yã 'Extep te hãm'ãktux kux, tu: —'Ãyĩpkox 'ohnãg! 'Ãkuxa mãm 'ohnãg Topa kopah! Yã 'ãmnĩy xohix hã Topa Koxuk pu 'ãyĩpkox 'ohnãg, mõnãyxop yĩpkox hok, xix 'ãxop.

Konoxẽn 1:15

Tikmũ'ũn 'ũm te Topa pẽnã hok, ha Kunnix te yãy Tak Topa pa putuk xe'ẽgnãg, tuk-tok te mãxap, hak-nãy tu Topa te hãpxop xohix mĩy.

'Emeo 2:2

Pexkox yõg nũ'pok xop te hãm'ãktux, tu hãpxe'e 'ãktux, ha Topa te' yĩpkox hok xop pu hãpkummugãhã',

Apokalipse 15:3

hak-tex Mõyyex yõg kutex, yã Mõyyex te Topa pu' hãpxopmã max. 'Ũk-tex kama Kahnẽn Kutok yõg kutex, tuk-tex, hu: —Topah, 'ãxexka, tu' xohix xat. Xate hãpxopmã max xe'ẽgnãg. 'Ãmũn yã hãpxexka xohix yõg tikmũ'ũn yõg xat'ax xexka'. Xate hãpxe'e mĩy, yã hãpxopmã xe'e'.