Yeyox Yõg Mõ'pok Xop Te Hãpxopmãhã' 21:40 - Maxakalí O Novo Testamento

⁴⁰ Ha Kononeo te: —'Ãpu, 'ãyĩy. Kaxĩy. Ha Paot te mĩpku'ĩn yĩmũ' xip, 'ĩhã' yĩm xix, pu tikmũ'ũn yĩy hok, ha Paot te hãm'ãktux tikmũ'ũn pu', Yoneo xop yãy yĩy'ax hã hãm'ãktux, hu:

Yeyox Yõg Mõ'pok Xop Te Hãpxopmãhã' 21:40 ပူးပေါင်းရင်းမြစ်များ

Nok Te Yeyox 'Ãktux 23:38

Ha tappet tu kax'ãmi', tup-tox yĩmũ' hĩy, mĩpkup nix tu' hĩy, tu kax'ãmi', hu: “Nũhũ tik te Yoneo yõg tikmũ'ũn xohix xat.” Kaxĩy.

Yoãm 19:13

Ha Pinat te' xupak, tu ta xe mõ'nãhã mĩptut hã, tu ta Yeyox mõgãhã hãptopah, tu pa te hãmyũmmũg xop yõg mĩmpe yĩmũ' yũm hãm tu 'ũxuxet'ax Mĩkax Pet Xax. Yã 'ãxet'ax nõy yã Gabatah, yã Yoneo xop yĩy'ax kopah.

Yoãm 19:17

Ha ta' mõg Yeyox, tu mĩpkupnix taha', tu' mõg, tu mõktu' xupep hãm tu, yã hãhãm 'ũxuxet'ax putox kup, yã Yonet xop yãy yĩy'ax tu Gok.

Yoãm 19:20

Ha Yoneo punethok te nõ mõkupix. Hãmhũmnãg yũm kõmẽn, tu yõg tikmũ'ũn te' yĩy'ax tikoyuk hã hãm'ãktux, yĩy ta Pinat te nõm kax'ãmi 'ũyĩy'ax tikoyuk hã', yã Yoneo xop yõg yĩy'ax hã xix Hõm xop yõg yĩy'ax hã xix Genex xop yõg yĩy'ax hã.

Yoãm 5:2

'Ũxup puxhep max kõmẽn yõg hãmpak'ax yĩkox yĩkah. Yã hãmyĩkox 'ũxuxet'ax kahnẽn yõg hãmyĩkox, ha puxhep max 'ũxuxet'ax Metex, yã Yoneo xop yĩy'ax kopah. Yã' pip kuxkaxax xohix te' 5 puxhep max yĩmap.

Yeyox Yõg Mõ'pok Xop Te Hãpxopmãhã' 12:17

Ha Pet te' yĩm nuhuk, tu: —'Ãyĩy hok, pu xonat xop nũn hok. Kaxĩy. Tu hãm'ãktux pu'uk, hu: —Topa te hãpxopmã max, puk mũn xut. Mõg, Tiak pu hãm'ãktux, nũy kanet kopak xut 'ãktux 'ũxape xop pu'. Kaxĩy. Tu' mõg, tu mõktu xupaha'.

Yeyox Yõg Mõ'pok Xop Te Hãpxopmãhã' 13:16

Ha Paot tek-nĩhã' xip, tu' yĩm xix, pu' nõy tu: “'Ĩy hok!” kaxĩy. Tu hãm'ãktux, hu: —'Iyaet yõg tihik, xik nõy xop, nõm te Topa xak, nõm kuxa te' yẽy Topa keppah, 'ũg 'ũm 'ãpax:

Yeyox Yõg Mõ'pok Xop Te Hãpxopmãhã' 19:33

Ha Yoneo xop te Topa pet xop xat'ax 'Anexãn xut, tu' kopa' mõgãhã', pu hãm'ãktux tikmũ'ũn pu', ha 'Anexãn yĩm xix, hãm'ãktux putup tu', pu 'Ep yõg tikmũ'ũn gãy hok Yoneo xop tu'.

Yeyox Yõg Mõ'pok Xop Te Hãpxopmãhã' 21:35

Ha' mõgãhã mĩptut mĩpku'ĩn tu', pa nõm tikmũ'ũn tep-tex putũmnãg, yĩy xonat xop te Paot pupi tu pepi' xup, tu mĩptut hã mõxakux.

Yeyox Yõg Mõ'pok Xop Te Hãpxopmãhã' 22:2

Ha Yoneo yõg tikmũ'ũn te yãy yĩy'ax 'ãpak, tu: —Nãy, hup, nũy 'ĩy hok. Kaxĩy. Tu' yĩy 'ohnãg, ha Paot te:

Yeyox Yõg Mõ'pok Xop Te Hãpxopmãhã' 26:14

Hak mũg xohix hãm tu' xakux, ha 'ãte yãnmũn xupep'ax 'ãpak, ha Yõneo xop yãy yĩy'ax hã hãm'ãktux, hu: “Xaot, Xaot: Teptuk xũygãhã'? Yã tu nõ yãy mũn xũygãhã',” kaxĩy.

Yeyox Yõg Mõ'pok Xop Te Hãpxopmãhã' 6:1

Hãpxip 'ĩhã' kuxa mãm ka'ok xop xohix nõy nã' mõg. Ha Genex yĩy'ax yõg tikmũ'ũn te: —'Ãmnĩy xohix hã 'ãxop tek xit'ax popmãhã yũmũ yõg hok mãm xop pu', pãyã 'ũgmũg yĩy'ax xop xate' xaxok, tuk xit'ax 'ohnãg hõm, 'ĩhã Yoneo yĩy'ax hok mãm xop pu' popmãhã'. Kaxĩy.

Apokalipse 16:16

Hãpxip ha ta yãmĩy te yãy tunũ'xoh 'ũxexka xop hãpxexka tu', yã' xuxet'ax 'Ahmãget hãpxexka', yã Yoneo yĩy'ax te kaxĩy.

Apokalipse 9:11

Ha ta' xip kunihit xop yõg xexka', yã pexkox yõg nũ'kutnã'ax. Tute hãpkox tox xexka pẽnãhã', yã' xuxet'ax 'Amanõm, yã 'Emeneo xop yĩy'ax kopah, xi' xuxet'ax 'Apõyãm, yã Genex yĩy'ax kopah. Yã tikmũ'ũn yĩy'ax kopah, hu 'ũkoxyõy'ax. Kaxĩy.