Yeyox Yõg Mõ'pok Xop Te Hãpxopmãhã' 21:31 - Maxakalí O Novo Testamento

³¹ Ha tikmũ'ũn te Paot putex putup, ha tik 'ũm te xonat yõg Kononeo pu hãm'ãktux, hu: —Yenoyanẽn yõg tikmũ'ũn xohix gãy nãm! Kaxĩy.

Yeyox Yõg Mõ'pok Xop Te Hãpxopmãhã' 21:31 ပူးပေါင်းရင်းမြစ်များ

Mãteo 26:5

tu: —'Ãmuk xexka mĩy 'ĩhã 'ap putex putup'ah. Nãy, pu 'ãmuk xexka tu kux, kopxi' xat, nũy 'ũp-tex, nũy ta tu tikmũ'ũn gãyã hok. Kaxĩy.

Mãteo 27:27

Hãpxip kutõgnãg 'ĩhã Pinat yõg xonat xop te Yeyox mõgãhã Gohenanok Pinat pet xexka hah, ha xonat xop te yãy tu nũ'nãhã', tu Yeyox yĩmmap hã' pip,

Mã'ak 14:2

tu yãy mũtik hãm'ãktux, hu: —Pa 'ãmhok hõnhã'ah. Yã 'ãmuk xexka xip. Hõnhã yũmũ'ãte Yeyox putex, puxix tikmũ'ũn gãy xexkah. Nãy, pu 'ãmuk xexka mã kux. Kaxĩy.

Yoãm 16:2

Tikmũ'ũn te 'ãxop xat putup, xa mõxa hok Yoneo yõg Topa pet hã. Hãpxip 'ĩhã tikmũ'ũn te 'ãxop kix putup, ha 'ãxop xakix putup, ha tikmũ'ũn te hãmpe'paxex putup Topa pu' hãm.

Yoãm 18:12

Hãpxip 'ĩhã xonat xop te Yeyox mũg xix xonat xop yõg kapitãm te' xix Topa pet xexka yõg xonat xop te', tu Yeyox kĩy,

Yeyox Yõg Mõ'pok Xop Te Hãpxopmãhã' 10:1

Ha tik puknõg 'ũm 'ãxet'ax Kohnẽn, tu kõmẽn xexka Xeyanet kopa' pet, tu 'Itat yõg xonat xop hã kapitãm.

Yeyox Yõg Mõ'pok Xop Te Hãpxopmãhã' 17:5

Pa Yoneo xop te' yĩpkumĩy, tu tik kummuk yĩmõgatux, nõm hãm hok xop, tu hãpkute'ex kummuk pax, 'ap max'ah, tu kõmẽn xohix kopa hãpkummugãhã', tu kõmẽn xohix gãyãhã', tu Paot xak xix Xinax, hu Yaxãm pet hã' mõxakux.

Yeyox Yõg Mõ'pok Xop Te Hãpxopmãhã' 19:40

'Ãte koit'ah, pa 'ãte gohet yõg hãmpe'paxex yĩpkutuk, pax pu: “'Ep yõg tikmũ'ũn yãykix kakixnãg,” kaxĩy, puxix xonat xop nũ'pok 'Ep tu, puyĩk yĩkopit, tep tu 'ãgãy nãm. Pãyã 'ap yũmmũg'ah 'ãte'. Kaxĩy.

Yeyox Yõg Mõ'pok Xop Te Hãpxopmãhã' 21:38

Ha Kononeo te: —Xate Genex yĩy'ax yũmmũg. 'Ok 'ãmũn yã 'Eyit yõg tihik, nõm te tik te 4.000 mõgãhã hãm panip tu', nũy gohet mũtik yãykix? Kaxĩy.

Yeyox Yõg Mõ'pok Xop Te Hãpxopmãhã' 22:22

Ha tikmũ'ũn te Paot yõg hãm'ãktux'ax 'ãpak, tu' yĩy 'ohnãg, pa Paot te' puknõg xop 'ãktux, yĩy ta tikmũ'ũn gãy, tup-tup nõg, tu' yĩy ka'ok tu: —'Ũp-tex! 'Ũp-tex! Kaxĩy. —Tik kummuk putex! Kaxĩy. —Pũyã tu xok! Kaxĩy. Tu topixxax tox mahap, tu hãpkõnõn mõ'pok pepi', 'ũgãy tu'.

Yeyox Yõg Mõ'pok Xop Te Hãpxopmãhã' 23:17

ha Paot te xonat yõg Kapitãm xãnãhã', hu: —Nũ tik tuktup mõgã 'ãxop yõg Kononeo hah, puyĩy hãm'ãpak'ax 'ãpax. Kaxĩy.

Yeyox Yõg Mõ'pok Xop Te Hãpxopmãhã' 24:22

Ha Penik te hãmyũmmũg, tu Topa yõg putat yũmmũg max, pãyã 'ap Paot yĩkopit putup'ah, hu: —Nãy, 'ũhip, pu xonat xop yõg Kononeo Nix nũ'. 'Ũnũn, yĩy ta 'ãte 'ãkopit. Kaxĩy.

Yeyox Yõg Mõ'pok Xop Te Hãpxopmãhã' 24:6

Hõmã tute Yoneo yõg Topa pet xexka yãyhãp-tũynãg putup, tu tik puknõg mõgãhã Topa pet xexka kopah, pak mũ'ãte' mũg, nũy hãpxopmã'ax kummuk kopit 'ũgmũ yõg xat'ax hã.

Yeyox Yõg Mõ'pok Xop Te Hãpxopmãhã' 24:7

Pa 'ãxop yõg Kononeo gãy, tu Paot xut, tu' mõgãhã', tu' xat, pu nũ nõm xop kãy kupeh, nũy Paot kupeh 'ãkeppah.

Yeyox Yõg Mõ'pok Xop Te Hãpxopmãhã' 25:23

Hãptup 'ĩhã 'Aginip nũn, tu tik te' xat'ax yõg topixxap max mõ'tat, tu Pex yõg mĩptut hãm'ãta kox xexka hã' mõ'nãhã', tu kõmẽn yõg xexka xop xix xonat yõg Kononeo xop mũtik mõxakux, ha Pex te' xat, pu Paot nũnnãy, ha' nũn.

Yeyox Yõg Mõ'pok Xop Te Hãpxopmãhã' 26:21

Pãyã Yoneo xop tek putup nõg, tuk mũg, 'ĩhã Topa pet xexka kopak xip, hak putex putup.