Yeyox Yõg Mõ'pok Xop Te Hãpxopmãhã' 17:12 - Maxakalí O Novo Testamento

¹² Hũ Menet yõg tikmũ'ũn punethok kuxa mãm ka'ok Yeyox kopah, xix Genex yõg 'ũn xexka xop, xix tik xop.

Yeyox Yõg Mõ'pok Xop Te Hãpxopmãhã' 17:12 ပူးပေါင်းရင်းမြစ်များ

Yoãm 7:17

Tikmũ'ũn 'ũm tep-tup, nũy mĩy Topa te nõm putup, puxix yũmmũg putup 'ãte Topa yõg hãmyũmmũg 'ãktux, 'a yõg'ah.

Yeyox Yõg Mõ'pok Xop Te Hãpxopmãhã' 13:46

Pa Paot te hãm'ãktux ka'ok xix Maname', tu' yĩpkutuk 'ohnãg, tu: —Hõmã Topa tek xat, hu: “'Ãpu, yõgnũ hãm'ãktux'ax 'ãktux Yoneo xop pu hãmãxap,” kaxĩy. Pãyã 'ãyĩpkox 'ohnãg, tu 'ãkuxa hi xe'ẽgnãg putup nõg, yĩk mũg mõg hãmpuknõg xop hah, 'ũyĩy hãm'ãpak max'ax 'ãpax, nũy yĩpkox pi', nũy kuxa mãm ka'ok Yeyox kopah.

Yeyox Yõg Mõ'pok Xop Te Hãpxopmãhã' 13:50

pãyã Yoneo xop te Yoneo xexka xop xix 'ũn xexka xop pu hãm'ãktux, hu: —'Ãpu, tik kummuk xat, pu mõg hãptox tu'. Kaxĩy. Ha 'ũn xop te Paot putup nõg, xix Maname', tu' xat, pu mõg hãptox tu'.

Yeyox Yõg Mõ'pok Xop Te Hãpxopmãhã' 14:1

Tu kõmẽn 'Ikõn tu' tihi', tu Topa pet hã' mõ'nãhã', tu hãm'ãktux max, yĩy Yoneo yõg tikmũ'ũn xohix xexka', xix Genex yõg puknõg xop xohix xexka kuxa mãm ka'ok Yeyox kopah.

Yeyox Yõg Mõ'pok Xop Te Hãpxopmãhã' 2:47

tu Topa 'ãktux max, ha tikmũ'ũn xohix tep-tup, ha 'ãmnĩy xohix hã Topa te tikmũ'ũn kuxa kummuk xit, nũy yãnãn tu' kuxa max tat, tu' xohix nãg nõy nã' mõgãhã', tu mõktu xohix.

1 Konĩn 1:26

'Ũkxape xop, hãmpe'ãpaxeh nõmhã. Hõmã 'ãxop te hãmyũmmũg 'ohnãg, tu tikmũ'ũn nõy xat 'ohnãg, ha Topa te 'ãxãnãhã', yã tikmũ'ũn te xa 'ãktux 'ũnõy pu', hu: “Hãmyũmmũg kutõgnãg 'õhõm,” kaxĩy. Tu xa pe'paxex 'ohnãg.

'Epex 5:14

ha tikmũ'ũn te' yũmmũgãhã', nũy tu' mũg, yĩy Topa yõg tappet te: “'Ãxop mõ'ãyõn xop, yãy koxak, 'ãyok, nũy 'ãxit, nũy 'ãhi', ha Kunnix te xa hãptupmãp-tup,” kaxĩy. Yã hãptupmãp-tup, ha kaxĩy Kunnix te yũmũg hãmyũmmũgãhã', 'ũyĩy yũmũg hãmyũmmũg max.

Tiak 1:10

Pũyãk xape tup-texop hittup kamah, 'ihã Topa te hãmhõgnãgãhã'. Yã' yõg tayũmak yãyxaogã'ax, tu mõktu' xok, tu mĩnnut puxet putuk, 'ũhok tu'.

Tiak 1:21

Yĩy hãpkummuk mĩy hok, xix hãpxopmã kummuk hok, yãy mũn kutõgnãg pe'ãpaxeh, yã Topa yõg hãm'ãktux te 'ãkopa' xip, yĩy 'ĩpkox pi', nũy 'ãkuxa hi xe'e'.