Taitus 1:9 - Raraŋ Aetaniacna Kam Wembaŋ Laŋ

⁹ Na an kam gidikca mina manmo riptirenanna, ma anmo utiŋga gagararina. Ainda moca an meikramtaɨrmo ma minmo kam gidikca riptica mina anna rɨpac te, ma mina iroar inkara moi ŋgepca mina an kamma raŋgainande. Na an meikramtaɨra kammo nda mboprenanmo, ma gagraca mbop te, mina ndorita makukarmo wat rapacna.

Taitus 1:9 ပူးပေါင်းရင်းမြစ်များ

Up Aŋgɨrena Ramtaɨrta Aiŋ 18:28

Ri, ma meikramtaɨrta outmo kam gargar mbuŋa wiwitia mambopat, mina an Iudana katta mboprina kammo ma wandoŋ mambopat. Ma Raraŋ Aetaniacna Timbigta Kapna kambmo, wiwitica mina lamŋi garacna, Iesusa ma Raraŋ Aetaniaca babuca mbagɨrica kɨpca aimo mac nda aŋgɨna ramoot.

1 Korin 14:24

Na ŋarikca moca ne muruŋa rambca morena kam ndop te, na ramoot ianna ma rɨpac ŋgocor, co, ma Ŋeroŋ Ratta wanaiŋa neaŋrena reacmo lamŋi ŋgocor, na ma kɨpca mbuk te, na nena muruŋna an kambca an ramootna iro inikca, rɨŋa, nena muruŋna kambca manmo ritri waparaca wandacrina ma tɨp ŋgoreacna makukca morena ramoot.

1 Tesalonika 5:21

Na ne ndori puŋga an kambca ritri, na mana laiŋ tiŋgik aŋgɨ,

2 Tesalonika 2:15

Ainda moca ne Iesusa rɨpacrena laiplacar, ne gagraca wɨtɨk. Na Raraŋ Aetaniacna kambca aia nenmo up mbuŋa wiwitirinanapa, timbiŋ rapar mbuŋa tirra nenmo riptirinanna, ne anmo mataui raŋgairaŋ.

1 Timoti 1:10

Na Tɨp Wandɨk toco, ma an meacramootna kaŋtertaapna tɨp kirara morenan, na meikramtaɨrtanapa, ramootniŋ, co, meacniŋa tɨp ŋgadudukca morena, an toco ma minan. Na Tɨp Wandɨk toco ma tuombta aiŋir kamndera morena meikramtaɨrmo oikca aŋgɨca aiŋa morena ramtaɨrapa, paparuna kammo ndada mbopca taŋrenanapa, kaina tɨpemb kirarira ripti laŋmo nda ipuŋrena meikramtaɨra, Tɨp Wandɨk toco anna ma minan.

1 Timoti 1:15

Na gan kamma aku mbopeknanna, anna kam gidik ŋgoin. Ainda moca meikramtaɨra muruŋa an kammo waraca rɨpacnandet. Na an kamma gaind, Karais Iesusa, gan tiacarpaikca kɨpca aimo tɨpemb ŋgorikta makukara morena meikramtaɨrmo mac nda aŋgɨnandet. Na aku kakadmai ŋgoin, aku ndona tɨpemb ŋgorikta makukar momoca tamuŋ ŋgoin, ainda moca aku nemo tɨpemb ŋgorikta makukara momoca nemo outmbaica taŋrena ramoot.

1 Timoti 1:19

Aintik u Iesusmo matau rɨpac, na u lamŋirena, u Raraŋ Aetaniacmo makukar kocor. Na ramtaɨr ndeida anna raŋgaina kariri, ainda moca mina rɨtɨpaca laŋgumma waut nagaca ŋgocrairina kirar toc.

1 Timoti 4:9

Na gan kamma anna gidik gidik ŋgoin, meikramtaɨra muruŋcamiŋa waraca rɨpacnandet.

1 Timoti 6:3

Na aina Kacoot Iesus Karaisna kambca ma aimo Raraŋ Aetaniacna tɨpemb kirarir laiŋmo riptirena. Na ramoot ianna an tɨkcari te, ma Iesusna kambta kirara wanaiŋa meikramtaɨrmo kabena kambmo ripti te,

2 Timoti 1:13

Ainda moca u matau lamŋi, an kamb laiŋga aku unmo neaŋrinanna, u an tɨpna kirar mbuŋa u kambmo wandoŋa wiwitica meikramtaɨrmo neaŋ. Na u Karais Iesusmo gagraca rɨpaca, na ndona mamatŋimo mamo neaŋ te, an tɨpna kirar mbuŋa u minmo kambmo wiwitica mbop.

2 Timoti 2:2

Na an kambca aku meikramtaɨrmo muruŋcamiŋna lamnikta outta tɨkca wiwitiatnanna, u waracrinanmo, anmo u Raraŋ Aetaniacna meikramtaɨra mana kammo utiŋga gagraca eacrenanmo neaŋ. Te, mina kabena meikramtaɨr motocmo riptina.

2 Timoti 2:25

Na meikramtaɨra kammo nda mboprenanmo, ma minmo laŋanna mbopca mina iroara wandoŋaina. Na ma ainda mo te, Raraŋ Aetaniaca ma minmo otacnandet, te, mina iroar inkar ŋgetrikica kam gidikna landamŋi laŋ aŋgɨnande.

2 Timoti 3:14

Na un ŋgoinna u an kammo u aŋgɨrinanna, na u anna rɨpacrenan, na u anmo utiŋi gagara. Na meikramtaɨra unmo riptiar neaŋgatnanna, u minmo mataua lamŋirena.

2 Timoti 4:3

Na u warac, iŋmbaia meikramtaɨra mina kamb wandoikmo, mba mac toŋgoca waracitndai. Wanaiŋ ŋgoin, mina koura ainta kamb ŋgorikca waracna toŋtoŋ ŋgoinap, te, mina ramtaɨr wɨtmo aŋgɨca mina toŋgorena kammo riptica mina waracna.

Taitus 1:11

Ainda moca an ramtaɨra mina tɨpemb kirarir ŋgorikca mona morenan, na meikramtaɨrta kitukndukarmo wanaiŋ naaŋgɨrena taupna ŋgorerena, aintik mina minmo tɨpemb kirarir ŋgorikca riptirena, na aia an tɨpemb kirarirmo mona mɨnna wanaiŋ. Na an tɨpemb kirarir puŋga mina meikramtaɨr ndeidapa, mina wiwitna meikramtaɨrta rɨtɨpaikca moa ŋgocrairena. Ainda moca u minmo kɨraca mina ainta kambca kai mbopi mo teac.

Taitus 2:1

Na u Taitus, u meikramtaɨrmo riptica, mina Raraŋ Aetaniacna tɨpemb kirarir gidkarmo muruŋcamiŋa raŋgaica mona.

Iuda 1:3

Na aukna aikndamtaɨr koind, out ŋgoinna aku toŋtoŋ aniacap, na aku nemo timbiŋ rapara tirca nemo Raraŋ Aetaniaca aimo muruŋcamiŋa mac nda aŋgɨna morina aiŋirta kamb topatna. Na mandeaca aku gaind mac lamŋirina, aku nemo kabena kam tɨp ianna an nambatta mac tirca gaindopnandet, ne gagraca ndorita rɨtɨpacna runduŋmo matau mo te, ramootta kam wembaŋ laŋna kammo nda mbop te, ne mina kambmo nda rutinandet. Na Raraŋ Aetaniaca aimo an rɨtɨpacna kirar kabea aimo mana meikramtaɨra neaŋrina. Te, meacramoot ianna aina rɨpacrena kambmo mba ŋgetrikitndait.

KIEK 2:25

Aintik reikca ne utiŋrenanna, anna ne utiŋi gagraca taŋi, aukna mac nda kɨkɨpna mɨn mbuŋ.

KIEK 3:11

Te, aku un ndambuŋmo tawi ŋgoin nakɨpnandet. Na an rɨtɨpacna tɨp kirara u utiŋrinanna, anna u manmo utiŋ gagraca eac. Moca ramoot ianna una opoik laŋ aŋgɨ nari.

KIEK 3:3

Na an kam wembaŋ laŋa ŋgaua u waraca aŋgɨatnanna, anmo u mac lamŋi. Te, u anmo matau raŋgaica iro inik ŋgetriki. Na u ŋgogomo tɨkcarica ŋgep ŋgocor te, aku unmo tawi ŋgoinna, macmakɨmna ramootta kɨprina tɨpna kirar toc nakɨpnandet. Na aku kɨpna mɨnna, u mba lamŋiitndait.