Pola Romnandmo Tiratna Timbiŋ Rapar 9:6 - Raraŋ Aetaniacna Kam Wembaŋ Laŋ

⁶ Na aku ndona laiplacarta morena kirarirta moca, aku memetmbaca anna kadmairena, aku gainda mba lamŋica mbopatke, Raraŋ Aetaniacna moatna kambca mina wanaiŋ ndarurina. Wanaiŋ. Aku lamŋirina, Israelna inikna meikramtaɨr, mina ndeida mina Israelnan koinda wanaiŋ.

Pola Romnandmo Tiratna Timbiŋ Rapar 9:6 ပူးပေါင်းရင်းမြစ်များ

Matiu 24:35

Na gan tiacarpaikapa riaca topnandet, na aukna kambca mba topitndai.”

Ion Tiratna Kam Wembaŋ Laŋ 1:47

Karica Iesusa watrinanna Nataniela man ndambuŋ nakɨprinan, na ma aindoprina, “Ne wat. An ramootta kɨprenan, ma Israelna ramoot gidik ŋgoin. Na paparuna kamb, co paparuna tɨpna kirar ianna manap eac ŋgocor.”

Ion Tiratna Kam Wembaŋ Laŋ 10:35

Na atua Raraŋ Aetaniaca meikramtaɨrmo an kamma wiwitiatnan, na ma aindopatna mina Raraŋ Aetaniac. Na kamma Raraŋ Aetaniacna Timbigta Kap ndeacrena kambca mba ŋgetrikirena.

Pola Romnandmo Tiratna Timbiŋ Rapar 3:3

Na anna gidik, ndeida an kamma mba raŋgaiatke. Na kaica? Na mina anna rɨpac kocor te, anna moca Raraŋ Aetaniaca ndona kamma raŋgainandet ki?

Pola Romnandmo Tiratna Timbiŋ Rapar 9:4

Na mina Israelnan, Raraŋ Aetaniaca minmo ndona mombonik koind ndopca aŋgɨratna. Na mitoco, Raraŋ Aetaniacna gargarapa memetacna tac aniac mananna watatna. Ri, Raraŋ Aetaniaca minap kam leaca, an Tɨp Wandɨk neaŋgatna. Ri, ma minmo Raraŋ Aetaniacna Kacna aiŋa mona tɨp kirar wandacri, na ma minmo bababuar mamoat.

Galesia 6:16

Aintik mandaia an iro aŋgɨca anna raŋgairenan, Raraŋ Aetaniac, ma ndo an meikramtaɨrmo muruŋa kadmairena, na mina iroar inkara moi wewettaca laŋ ndeacnande. Na an meikramtaɨra mina Raraŋ Aetaniacna Israelnand koind.

Pilipai 3:3

Na aia ndori tiŋgikca Raraŋ Aetaniacna Israelnaŋgep gidikna wiwitnan. Na Raraŋ Aetaniacna Ŋeroŋna gargar mbuŋa aia manmo mbendeirena, na Karais Iesusna imo aŋgɨ ŋgeprenan. Na aia lamŋirenan, reikca ramtaɨra ndorita tikembca morinan, ma minmo emtemma mba otacitndai.

2 Timoti 2:13

Na aia mana raŋgaina kam leaca, mamo raŋgai ŋgocor te, aina an kamma ma mbopatnanna, ma raŋgainandet. Aintik ma mbopatna mana kamma, ma mba ŋgetrikitndai, wanaiŋ ŋgoin.”