Pilimon 1:21 - Raraŋ Aetaniacna Kam Wembaŋ Laŋ

²¹ Ainda moca aku matau lamŋirena, u aukna an kammo raŋgainandet. Aintik aku umo gan timbiŋ rapara tirca neaŋga makɨpek. Na aku lamŋirena, an tɨpna kirara u Onesimusmo monanna, an tɨp kirara aku umo mandeaca digirenanmo, u kunda tamuŋmbaica monandet.

Pilimon 1:21 ပူးပေါင်းရင်းမြစ်များ

Pola Romnandmo Tiratna Timbiŋ Rapar 2:19

Na ne gaind ndamŋirena, “Tɨp Wandɨk mbuŋa, aia anna landamŋi laŋapa kam gidikna mɨnɨŋa aia maaŋgɨrat, aintik aia lamnik ŋgoriktan tocna meikramtaɨrmo, taup wandac taŋna mɨn. Na an neaup ndeacrena meikramtaɨrmo, aia memetac nakirar toc ndeacnande. Na aia an landamŋiar kocorta meikramtaɨrmo riptiar neaŋrena. Na aia mombonik tekira riptirena ririptiar.”

2 Korin 2:3

Na ne aukca moi toŋgona meikramtaɨr, aintik ŋarikca aku nen ndambuŋ nakɨpca makuk aŋgɨ narica. Anna moca aku timbiŋ rapara ŋgaua tirca neaŋga kɨpatna. Na aku reac ianna toŋgo te, ne toco muruŋa an reaca toŋgonandet.

2 Korin 7:16

Na mandeaca aku toŋtoŋ ŋgoin, anna aku rɨpaca gagararina, an tɨpemb kirarirmo ne muruŋa matau monande, anna moca aku toŋgorena.

2 Korin 8:22

Na aia ndorita kabena kaka ianmo mbagɨrica ma maniŋap kɨpatna. Na oit wɨtca aia manmo aiŋir wɨtna iro, iro towaica, aia watrina ma an aiŋira mona gargara mɨn. Ainda moca ma lamŋirena, ne tɨpemb kirarir laiŋ tiŋgikca morenan. Aintik mandeaca ma an aiŋmo morenanna ma toŋtoŋ aniacap.

Galesia 5:10

Na aku gainda rɨpacrina. Kacoot, ma nenmo otaca ne aukna iroa raŋgainande. Na ne mba kabena iroara mba lamŋica aŋgɨritndai. Na mandaia ndo nena iroara moa ŋgocrairina, an ramootmo kai lamŋi teac, ma ndona tɨpemb kirarir ŋgorikta opoikca ma aŋgɨnande.

2 Tesalonika 3:4

Ainda moca Kacootta aimo moca aia gainda matau lamŋina, ne an tɨpemb kirarir muruŋa aia nenmo, mo ndoprinanna, ne morina. Na iŋmbai toco, ne gainda monandet.