Mak Tiratna Kam Wembaŋ Laŋ 8:29 - Raraŋ Aetaniacna Kam Wembaŋ Laŋ

²⁹ Ri, Iesusa minmo gaind mac madigiat, “Na ne ndori, ne aukmo mandai ŋgacit?” Na Pita mana kam rutica gaindopatna, “U gade gan ramoot, Raraŋ Aetaniaca babuca larapaca mbagɨrica kɨpca ai mac nda aŋgɨna ramoot.”

Mak Tiratna Kam Wembaŋ Laŋ 8:29 ပူးပေါင်းရင်းမြစ်များ

Mak Tiratna Kam Wembaŋ Laŋ 4:11

Ri, ma minmo gaindopatna, “Raraŋ Aetaniaca ma nemo mana iŋgoroca eacrena bubuocna kamma ma nenmo wandacrina. Na an raekmbai ndeacrena meikramtaɨra, mina an kammo muruŋcamiŋa kam roor mbuŋa waracnande.

Luk Tiratna Kam Wembaŋ Laŋ 9:20

Aindopatke, ma minmo aindopatna, “Ne ndori koinda aukmo mandai ŋgacit?” Aindopatke, Pita mana kam rutica gaindopatna, “U Raraŋ Aetaniaca babuca mbagɨrica kɨpca aimo mac nda aŋgɨna ramoot.”

Ion Tiratna Kam Wembaŋ Laŋ 11:27

Ri, Mata Iesusmo gaindopatna, “Ore Kacoot. Aku rɨpacrina, u Raraŋ Aetaniacna Nuoc. Na u an ramootta Raraŋ Aetaniaca babuca mbagɨrica kɨpca aimo mac nda aŋgɨna ramoot.”

Ion Tiratna Kam Wembaŋ Laŋ 4:42

Ainda moca mina an meacmo aindopatna, “Aia una kamb tiŋgikmo mba waraca, an ramootmo rɨpacrina, wanaiŋ. Aia ndori mana kambmo waraca, aia lamŋirina, an ramootta ma ndo niŋgikca gan tiacarpaikna meikramtaɨrmo, muruŋcamiŋa mac nda aŋgɨna ramoot.”

Ion Tiratna Kam Wembaŋ Laŋ 6:68

Ri, Saimon Pita, mana kammo nda rutica aindopatna, “Kacoot, aia mandai ndambuŋa taŋit? Una kamb tiŋgikca iarwarna eteacna wat neaŋrena.

Ion Tiratna Kam Wembaŋ Laŋ 6:69

Na aia rɨpacrina, na aia mataua lamŋirena, u an ramoot ratta Raraŋ Aetaniaca ndo ŋgoin unmo larapacrina.”

Up Aŋgɨrena Ramtaɨrta Aiŋ 8:36

Karica maniŋa an taup ndiŋa taŋ, taŋga, taŋga puk tapen ian ndaruri, na an ramootta aindopatna, “U wat puk tapen ianna monde. Reac ianna aukna taupca wawaraca eac ŋgocor? Aku kɨtac puk aŋgɨna mɨn.”

Up Aŋgɨrena Ramtaɨrta Aiŋ 9:20

Na iŋmbaia ma Iudana mimitpac aŋgɨrena kaik inkara mbukca, ma minmo mawiwitiat, “Iesus ma Raraŋ Aetaniacna Nuoc.”

1 Pita 2:7

Ainda moca ne an rɨpacrena meikramtaɨra, Karaisa ma wautna wit laŋ ŋgoinna kirar. Na an rɨpac kocorta meikramtaɨr, mina aindoprina, “Gan kaca morena wautmo ramtaɨra anmo ŋgoreac ndopca, aŋgɨra roumbmbai nakecarica eacrena wautta, mandeaca ma kacna witta moca paŋanmbaia wɨtɨk gagraca kaca mbukca eacrenan.”

1 Ion 4:15

Na ramoot ianna gaindop laru te, “Iesusa ma Raraŋ Aetaniacna Nuoc,” te, Raraŋ Aetaniaca an ramootap mɨkrinan, na ma manap mɨkrina.

1 Ion 5:1

Na meikramtaɨra muruŋa Iesusmo rɨpacrenan, na ma an ramootta Raraŋ Aetaniaca babuca mbagɨrica kɨpca aimo mac nda aŋgɨna ramoot, aintik mina Raraŋ Aetaniacna mombonik tarurina. Ainda moca meikramtaɨra muruŋa aet kabea matŋirenan, mina muruŋa mana mombonik motoco matŋirena.