Mak Tiratna Kam Wembaŋ Laŋ 7:7 - Raraŋ Aetaniacna Kam Wembaŋ Laŋ

⁷ Na mina ramtaɨrta morena tɨpemb kirarirta kambca riptireke, aindoprena, “Ganna Raraŋ Aetaniacna kam.” Aintik mina aukmo wanaiŋ ŋgoinna tutupniŋ rɨmbɨtca mbendeirena.’

Mak Tiratna Kam Wembaŋ Laŋ 7:7 ပူးပေါင်းရင်းမြစ်များ

Matiu 15:9

Na mina ramoot, tɨkrina ririptina tɨpemb kirarir tiŋgikca raŋgaica aindoprena, “Ganna Raraŋ Aetaniacna kam.” Aintik mina aukmo wanaiŋa mbendeirena.’”

Matiu 6:7

“Na nena mbembendeina inikca, ne kamb wɨt aniaca kai mbop teac, anna Iudana meikramtaɨr wanaiŋa morena tɨpna kirar. Na mina ndorimo ainda lamŋirena, mina kamb wɨt aniac ndop te, Raraŋ Aetaniaca minmo waracnande.

1 Korin 15:14

Na anna gidik ecte, Raraŋ Aetaniac ma Karaismo mba moa ŋgepatke, laŋ an kamma aia nenmo wiwitirinanna anna ma reac wanaiŋ mamori, na nena rɨtɨpaik toco, anna ma reac wanaiŋ mamori.

1 Korin 15:58

Aintik ne aukna matŋirena Iesusa rɨpacrena laiplacar koind, ne matau wɨtɨk gagraca eac, na kai iŋtɨtɨkca mac nda taŋ teac, na ne Kacootna aiŋir anikca morenanna, ŋarikca wanaiŋ ndacari nari. Na ne gaind ndamŋiraŋ, memetmbaca ne Kacootna aiŋmo wakikica moraŋ.

Kolosi 2:22

Na ainta tɨpemb wandikca mina an aiŋa aia morena kamb ndoprenan, na mina tawi ŋgoinna mainandet. Na anna ramtaɨra ndori puŋga moa larurenan, na aimo riptica aia mina raŋgairena.

Taitus 3:9

Na meikramtaɨra iptipuŋga toŋgorenan, na up kam mbuŋa kambrenanapa, mina nicar ŋgamrirta imo ninirenan, na Tɨpemb Wandikta mɨnɨŋna moca ipuŋrenan, u an kamb ŋaŋaoarmo koar kai tɨki warac teac. Na aia lamŋirena an kambca aimo mba otaca aia tɨpemb kirarir laiŋga mba raŋgaiitndai.

Iemis 1:26

Na ramoot ianna gaind ndamŋi te, “Aku Iesusa rɨpacrena laiplacarta laŋ ian, na aku Raraŋ Aetaniacmo matau ŋgoinna mbendeirena.” Na ma ndona upmo mba mataua bubuocrenanna, anna ma ndo mbuŋa parurenan. Ainda moca mana rɨtɨpaikapa, mana mbembendeia, anna reac wanaiŋ niŋgik.

Iemis 2:20

Aintik u ŋaŋaorena ramoot. U rɨpac te, na u tɨp kirar laŋ toco mo ŋgocor te, una rɨtɨpaca anna reac wanaiŋ. Na u an kamna mɨnɨŋa waracna morena ki? Aintik u warac.

KIEK 22:18

Na meikramtaɨr muruŋcamiŋmo, an rambca morena kambca gan timbigta kapca eacrenanna waracrinanmo, aku minmo kamb gagrar neaŋrena. Na ramoot ianna kam tɨp ianna gan timbigta kapmo tir kun te. Raraŋ Aetaniaca mboprena an reik ŋgorik koinda gan timbigta kapca larua eacrenanmo, ma an ramootmo an reik ŋgorik koinda larunanmo, ma manmo mo kunnandet.