Mak Tiratna Kam Wembaŋ Laŋ 16:1 - Raraŋ Aetaniacna Kam Wembaŋ Laŋ

¹ Karica Wɨktɨtɨkna Ra maiatke, Makdala auŋna Mariaapa, Salomeapa, Maria Iemisna aemmap, mina tabrirapa iŋpemb laiŋta reikap oikca aŋgɨrca kɨprina, na mina Iesusna waɨrmo matauna taŋna moca.

Mak Tiratna Kam Wembaŋ Laŋ 16:1 ပူးပေါင်းရင်းမြစ်များ

Mak Tiratna Kam Wembaŋ Laŋ 14:3

Na Iesusa taŋga Betani auŋ ndaruca ma taŋga Saimonna kac ndeacri. Na Saimon tikca ŋgaua ma roumb lepaap. Na Iesusa ambrena taupca mbiraca eacri, meac ianna makɨpat. Na an meaca ma tabaɨra rurena waut mbuŋa morina reac ianap aŋgɨrca makɨpri. Na an reaca ma kituknduk aniac mbuŋa oikrena iŋpai laŋ ŋgoinna tabaɨrap. Na ma an reacmo pi wɨrɨpca anna tabaɨrmo Iesusna paŋan nambat maruŋkiat.

Mak Tiratna Kam Wembaŋ Laŋ 14:8

An reaca an meaca mona mɨn tik, ma morina. Na ma aukna tikmo iŋpai laŋna tabaɨr tɨkrinanna, anna ma aukna tikmo mukca tɨkna kocrorina.

Mak Tiratna Kam Wembaŋ Laŋ 15:40

Na meik ndeid toco tawancait motemma wɨtɨkca watrenanna, mina rɨkna ianna Makdala auŋna Maria. Na ianna Salome. Na ianna Maria, ma Iemis tekerapa Iosepna aem.

Mak Tiratna Kam Wembaŋ Laŋ 15:42

Karica an rana wigwac mbuŋa Arimatia auŋna Iosepa, makɨpat. Na ma mina ninik waŋna tumbunna ramoot ian, na meikramtaɨrta lamnɨac ŋgoutta ma i laŋap eacrena ramoot. Na ma toco Raraŋ Aetaniacna bubuoca watna lambirena. Na ŋorapmbaia anna Wɨktɨtɨkna Ra, aintik mandeaca anna amna reikapa reikmo kocrona ra. Ainda moca Iosepa mba nanambiatke, ma taŋga Pailatna outta wɨtɨkca, ma manmo digica Iesusna waɨrmo, watcarica ma aŋgɨna.

Mak Tiratna Kam Wembaŋ Laŋ 15:47

Na Makdala auŋna Mariaapa, Maria Iosepna aemma eacri, maniŋa Iesusna waɨr tɨkrina taupca watrina.

Mak Tiratna Kam Wembaŋ Laŋ 16:2

Na raita ŋgatna ra lacauna ŋaŋarmuŋ ŋgoinna mina muk mataŋgat.

Mak Tiratna Kam Wembaŋ Laŋ 16:8

Ainda moca an meikpitikca nda laruca, mina mukmo tɨkcarica kɨpcarica mataŋgat. Na mina iroar inkara ŋgep ŋgoreac naŋgepri, mina manekri. Na mina ramoot ianmo kam ianna mba mbopatke, mina nanambicariatna.

Luk Tiratna Kam Wembaŋ Laŋ 23:54

An ra, anna amta reik kocrorena ra, ma maica nenepuna rambuŋaia taŋri, Raraŋ Aetaniacna Wɨktɨtɨkna Ra maica kɨpca rambuŋaiacariri.

Luk Tiratna Kam Wembaŋ Laŋ 23:56

Karica an meikpitikca watta maica, mina mac nda taŋga, iŋpembta tabrirapa, mana rororaina reik aŋgɨa kocroca maica. Karica mina Tɨp Wandɨkca raŋgaica, Wɨktɨtɨkna Ra mina wɨktɨkca maeacat.

Luk Tiratna Kam Wembaŋ Laŋ 24:1

Karica ŋgat kabena raita ra lacau ŋgoinna, meikpitikca ndori aŋgɨra kocroatna reikmo aŋgɨca, ŋaŋarmuŋ ŋgoinna, mina Iesusna mukca watna mataŋgat.

Ion Tiratna Kam Wembaŋ Laŋ 19:25

Na Iesusna aemmapa, Iesusna aemna lapnameac, Kilopasna meac Mariaapa, Makdala auŋ tekerna meac Mariaapa, mina muruŋa Iesusna keracrina ikna roumbca wɨtɨkca eacrinan.

Ion Tiratna Kam Wembaŋ Laŋ 19:31

Na an ra, anna Wɨktɨtɨkna Rana amna reac ŋgobacrena ra. Na an Wɨktɨtɨkna Ra anna ra aniac ŋgoin, aintik Iudanaŋgepca mina warirmo an ra ik naaŋgɨ keraca eacrenanna, mina mba toŋgorenan. Ainda moca mina Pailatmo mbopa waraca mina an ik naaŋgɨ keraca eacrena ramtaɨrta ourmo, mo rɨmbɨtca, mina tawi menacna, te, mina warirmo aŋgɨca mutocna.