Mak Tiratna Kam Wembaŋ Laŋ 14:26 - Raraŋ Aetaniacna Kam Wembaŋ Laŋ

²⁶ Karica mina ŋap ian ŋgumbca, mina ŋgepca auŋ aniac Ierusalem tɨkcarica mina Olip Takur mac nda mataŋgat.

Mak Tiratna Kam Wembaŋ Laŋ 14:26 ပူးပေါင်းရင်းမြစ်များ

Matiu 21:1

Karica Iesusapa mana iŋa raŋgairena ramtaɨra taŋga Ierusalem auŋ aniacmo rambuŋairi, mina taŋga Olip ŋgacrena takurna auŋ ianna malaruat. An auŋna ia Betpage. Ri, ma ndona iŋa raŋgairena ramootniŋmo mbagɨrica,

Matiu 26:30

Karica mina ŋap ian ŋgumbca, mina ŋgepca auŋ aniac Ierusalem tɨkcarica mina Olip Takur mac nda taŋrina.

Mak Tiratna Kam Wembaŋ Laŋ 14:25

Na aku nemo gidik ŋgoinna aindopnande, aku wain pukca mba amitndai, taŋca an mɨnna aku wain puk ŋgammo Raraŋ Aetaniacna bubuoc ŋgamma tɨkca amnandet.”

Luk Tiratna Kam Wembaŋ Laŋ 22:39

Karica Iesusa ndona memetmbaca morina kirara, ma ŋgepca auŋ aniac tɨkcarica, Olip Takura taŋna taŋgatke, mana iŋa raŋgairena ramtaɨr toco, mina ŋgepca mana iŋ maraŋgaiat.

Ion Tiratna Kam Wembaŋ Laŋ 18:1

Karica Iesusa an kamb topca maica ma ndona iŋa raŋgairena ramtaɨrap, mina taŋca Kidron oc irikca monmbai waŋ magat. Na an ocna waŋga warɨŋ ianna maeacreke, ri, Iesusapa mana iŋa raŋgairena ramtaɨra mina an warɨŋ mambukat.

Up Aŋgɨrena Ramtaɨrta Aiŋ 16:25

Ri, maniŋa an mouŋ rɨkniŋa, maniŋa Raraŋ Aetaniaca mbendeiri, ŋapar kumbri, na an maniŋap an kac ŋgoreacna inik ndeacrina ramtaɨra, maniŋna ainda morina reik mawaracri.

1 Korin 14:15

Na ainda mo te, aku titoca moit? Aku ndona ŋeroŋapa iro mbuŋa mbendeinandet. Na aku ndona ŋeroŋapa iro mbuŋa ŋap ŋgumnandet.

Kolosi 3:16

Na ne Karaisna kambmo, wattacarica ma nena nikinik iroarmo, mo gagraca eacraŋ. Na ne kabe kabea, Iesusa rɨpacrena kabena meikramtaɨrmo ripti, na minmo iro landamŋi laŋapa iro neaŋ, te, mina tɨpemb kirarir laiŋ tiŋgikca moraŋna. Na ne Raraŋ Aetaniacmo, nena nikinik iro mbuŋap, kam laŋ neaŋ. Na ne Raraŋ Aetaniacna Timbigta Kapna inik ndeacrena ŋapar kumbrena timbigta ŋaparapa, kabena tutupniŋ rɨmbɨtca mbendeirena ŋaparapa, Ŋeroŋ Ratta nena nikinik iroa tɨkrena ŋaparmo umb.

Iemis 5:13

Na nena ianna ma mitikap te, ma Raraŋ Aetaniacmo mbendei. Na nena ianna ma nikinik iroa toŋtoŋap te, ma Raraŋ Aetaniacna i aŋgɨ ŋgepna ŋaip kumb.

KIEK 5:9

Ri, mina ŋap ŋgam ianmo gainda umbrinan, “U mɨn ŋgoin, u gan timbigta kapca aŋgɨna laŋ ŋgoin, na an kendelna maŋtikina manŋara timbigta kapmo maŋtikica eacrenanmo, u muruŋcamiŋmo goarna mɨn. Na anna mɨnɨŋa gaind, mina umo mo menacrinan, na una racaindpaik mbuŋa u meikramtaɨrmo mac nda oikrinan, na u minmo Raraŋ Aetaniaca neaŋnandet. Na anna gidik, u meikramtaɨrmo muruŋa oikrinan, na an meikramtaɨr muruŋcamiŋa mina titocna kambtan, co, titocna tik iŋitnan, co, titocna pitrik waŋnan.