Mak Tiratna Kam Wembaŋ Laŋ 14:13 - Raraŋ Aetaniacna Kam Wembaŋ Laŋ

¹³ Ainda moca Iesusa ndona iŋa raŋgairena ramtaɨrta ramoot mbuniŋa mandaca, aindoprina, “Oŋgo an auŋ aniacmo taŋca mbuk te. Ramoot ianna puk wɨn aniac ian mbukca kɨprenanna, oŋmo taupca tɨkca ndauprikinandet. Te, oŋgo mana raŋgaica taŋ.

Mak Tiratna Kam Wembaŋ Laŋ 14:13 ပူးပေါင်းရင်းမြစ်များ

Matiu 8:9

Na aku aindoprinanna, auk toco, aku iapna ramootna kaŋgauk ndeacrena. Ma ndo aukmo aiŋ neaŋ te, aku monande. Ainda moca aku ndona lapoca ruŋrena ramoot ianmo aindop te, ‘U taŋ,’ aindop te, ma taŋnande, na ian motoco aku aindop te, ‘U kɨp,’ aindop te, ma kɨpnande. Na aku ndona tuomna aiŋ kamaindna ramootmo aindop te, ‘U gan aiŋa mo!’ aindop te, ma taŋca an aiŋa monande.”

Mak Tiratna Kam Wembaŋ Laŋ 14:12

Karica an Isap Kuri Ŋgocorta Tapacna Ra Aniacna ra lacaua malaruat. Na an ra mbuŋa mina sipsipar ŋgaibmo mo menac te, an am te, an Pasowana Rana ndamŋina moca. Ri, mana iŋa raŋgairena ramtaɨra gaindoprina, “U toŋgorinanna aia tenna tɨkca reik kocroit, te, aia amtiamma mona?”

Mak Tiratna Kam Wembaŋ Laŋ 14:14

Na an kɨdrɨkca ma kac ianna mbuk te, oŋgo an kacna aetmo gaindop, ‘Ririptia aindoprina, “Aukna diab inikca ten ndeacre? Te, aukapa aukna iŋa raŋgairena ramtaɨra an amna reacmo am te, an Pasowana Rana ndamŋina.”’”

Ion Tiratna Kam Wembaŋ Laŋ 15:14

Na auk mbopatnanna, ne ainda mo te, ne aukna aikndamtaɨra eacnandet.

Ion Tiratna Kam Wembaŋ Laŋ 2:5

Ainda moca mana aemma an mbaiŋna aiŋa morena ramtaɨrmo gaindopatna, “Ma nenmo reac ianna mona ndop te, ne mo.”

Iburu 4:13

Na Raraŋ Aetaniaca moatna reac ianna mana lamnɨac ŋgoutta mba iŋgorocitndai, wanaiŋ ŋgoin. Reikca muruŋcamiŋa mana lamnɨacmo raek ŋgoin ndeacrenan. Ainda moca ai toco ndorita morena reikta kambmo Raraŋ Aetaniacna lamnɨac ŋgoutta tɨkca mbopnandet. Te, Raraŋ Aetaniaca ma ndo ŋgoinna aina tɨpemb kirarira ritrinandet.

Iburu 5:9

Ainda moca anna ndo moca man niŋgikca ma out ŋgoinna kamma raŋgaiatna ramoot. Ri, Raraŋ Aetaniaca mamo larapaca gaindopatna, “U Melkisedekna wiwitna kirar tocna taup ndamoot paŋan aniaca eacnandet.” Aintik meikramtaɨra mana kamma raŋgairenanmo, ma mac nda aŋgɨrenan, na ma min ŋgotacna ramoot ndarurina. Te, mina iarwara laŋa eacraŋnandet.