Mak Tiratna Kam Wembaŋ Laŋ 10:46 - Raraŋ Aetaniacna Kam Wembaŋ Laŋ

⁴⁶ Karica Iesusapa mana iŋa raŋgairena ramtaɨra taŋga Ieriko auŋ ndaruca. Na manapa mana iŋa raŋgairena ramtaɨrapa meikramtaɨrta mɨmɨatta Ieriko auŋmo tɨkcarica taŋre mbuŋa, Timeusna nuoc Bartimeus, ma taup roumbca mbiraca eacrina. Na ma lamnɨac ŋgoreac, na ma meikramtaɨrmo kitukndukna rurena.

Mak Tiratna Kam Wembaŋ Laŋ 10:46 ပူးပေါင်းရင်းမြစ်များ

Matiu 13:4

Na ma keca taŋri, witna lour ndeida taup ndiŋ ŋgirikrinan, na ŋgorikca kɨpca maambri.

Luk Tiratna Kam Wembaŋ Laŋ 16:20

Ainda moca reik kocorta ramoot embaia mana ia Lasarus, mana tikiŋitta pitira kocnaia mɨnna tɨkca eacrena, mina mamo aŋgɨra taŋga laimnembta ramootna kacna wuocna tɨŋ roumbca tɨkca. Ma an ndeac te, an laimnembta ramootta bara mbiraca ambca, amta reik tɨpembca wɨkɨnna mbutukri. Lasarusa anna watca an aŋgɨca amna iro ndamŋiri eacri. Na pitir mananna racainda irikri, piriŋga kɨpca ndorita mimb puŋga maikrena.

Luk Tiratna Kam Wembaŋ Laŋ 16:22

“Iŋmbaia an reik kocorta ramootmbaia, ainda moa taŋ, taŋga menacatke, Raraŋ Aetaniacna mbaiŋna aiŋa morena ŋerŋgaura kɨpca mamo aŋgɨra taŋga Abraam ndambuŋ matɨkat. An laimnembta ramoot toco, menaca mina manmo mamutocat.

Luk Tiratna Kam Wembaŋ Laŋ 18:35

Karica Iesusa taŋga Ieriko auŋa rambuŋairi, lamnɨac ŋgoreacna ramoot ianna taupna roumbca mbiraca, meikramtaɨrmo kitukndukna rurena.

Luk Tiratna Kam Wembaŋ Laŋ 19:1

Karica Iesusa taŋga Ieriko auŋ ndaruca, an auŋ tɨkcarina moca taup ndiŋa taŋri.

Ion Tiratna Kam Wembaŋ Laŋ 9:8

Na mana kamkabeapa meikramtaɨrmo, ma ŋgaua minmo kitukndukna rurenanna mina manmo watca ndorimo aindopatna, “Kaica, anna an ramootta ŋgaua ma meikramtaɨrmo kitukndukna rurenan ki?”