Mak Tiratna Kam Wembaŋ Laŋ 10:39 - Raraŋ Aetaniacna Kam Wembaŋ Laŋ

³⁹ Na maniŋa manmo aindopatna, “Aŋga mɨn.” Ri, Iesusa maniŋmo aindoprina, “Anna gidik, oŋgo auk aŋgɨekna gɨrgɨra oŋgo aŋgɨna mɨn. Na an kɨtac pukca mandeaca aku aŋgɨna morenanna, oŋ toco anna aŋgɨnandet.

Mak Tiratna Kam Wembaŋ Laŋ 10:39 ပူးပေါင်းရင်းမြစ်များ

Matiu 10:25

Na riripti aŋgɨrena ramootta ma taŋca ndona riripti aŋgɨrena ramootna kirara tɨk te, ma mɨn. Na mbaiŋa morena ramoot toco, ma ndona kacootna kirara tɨk te, ma toco, ma mɨn. Aintik mina an kacna aetmo an i Belsebul tɨk te, aia lamŋinande, mina Belsebulna wiwitnanmo mina minmo, an iremb ŋgorik koinda tɨknandet.”

Matiu 3:6

Ri, mina kɨpca ndorita tɨpemb ŋgorikta makukarmo mbopca laruri, ma minmo Iodan oca tɨkca kɨtac puk neaŋri.

Mak Tiratna Kam Wembaŋ Laŋ 14:31

Ri, Pita gagraca gaindopatna, “Wanaiŋ ŋgoin, aku unap menacnandet, na aku ainda mba mbopitndai. Aku unmo mba lamŋirena!” Na mana iŋa raŋgairena ramtaɨra muruŋa an kam kirar kabe mambopat.

Mak Tiratna Kam Wembaŋ Laŋ 14:36

Na ma gainda mbendeirina, “Abba, Ate, u reikca muruŋa mona mɨn. Na aku toŋgorinanna, u auk ndambuŋna an kabmo mo kecari. Na u aukna toŋtoŋa kai raŋgai teac. Wanaiŋ. U ndona toŋtoŋ niŋgikca raŋgairaŋ.”

Ion Tiratna Kam Wembaŋ Laŋ 13:37

Karica Pita manmo digiatna, “Kacoot tida moca aku unmo mandeaca raŋgaina mɨnna wanaiŋ? Na aku ndona eteacna wat auknanna, un ŋgotacna mo te, aku kecarinandet.”

Ion Tiratna Kam Wembaŋ Laŋ 15:20

Ainda moca ne an kambca aku nenmo mboprinanna, ne matau ŋgoin ndamŋi. Mbaiŋna aiŋa morena ramootta ma ndona kacootmo mba kunitndait. Na mina aukmo ŋgoreaca mo te, mina nen motocmo mo ŋgocrainandet. Na mina aukna kambmo raŋgai te, mina nena kamb motocmo raŋgainandet.

Ion Tiratna Kam Wembaŋ Laŋ 17:14

“Na una kambca aku minmo neaŋrinan. Na gan tiacarpaikna meikramtaɨra minmo puŋnaŋgepca morena, na aukna meikramtaɨr, mina gan tiacarpaikna meikramtaɨra wanaiŋ, na an tɨpna kirar toco, auk toco gan tiacarpaiknanna wanaiŋ.

Up Aŋgɨrena Ramtaɨrta Aiŋ 12:2

Na ma ndo mbopca, mina Ionna lacaumbitac, Iemismo, mina bugrim mbuŋa manmo moa menacatna.

Kolosi 1:24

Na mandeaca aku nen, ŋgopotacna gɨrgɨr aŋgɨna toŋtoŋap. Na aku Karais Iesusna rɨtɨpaikta meikramtaɨrta tumbunmo otacnan, anna mana tikna kirar. Na an gɨrgɨra Karaisa aŋgɨatnanna, ma mba maireke. Na aku ndona tik mbuŋa aŋgɨrina gɨrgɨra, aku an Karaisa aŋgɨatna gɨrgɨrmo, moca mɨnna tɨknan.

KIEK 1:9

Na aku Ion, nena kaka. Na aukapa nenap, aia Iesusna wiwitnan ndeacrenan. Na aku nenap mɨkca gɨgɨrarapa, makukar aŋgɨrinan, na aku mana bubuoca nenap eacrenan. Na aia muruŋa gagaraca wɨtɨkca tumbunna makukara mbukca eacrenan. Na aku Raraŋ Aetaniacna kambmo wiwitirinan, na aku gainda wiwitiatna, aku mana rɨpacrena. Ainda moca mina aukmo kac ŋgoreaca tɨkca aŋgɨca an muta mina gainda ŋgacrena, Patmos, mina aukmo anna tɨkrina.