Mak Tiratna Kam Wembaŋ Laŋ 10:18 - Raraŋ Aetaniacna Kam Wembaŋ Laŋ

¹⁸ Ri, Iesusa manmo gaindopatna, “Kaina moca u aukmo laŋ ŋgacrina? Raraŋ Aetaniac niŋgikca ndo ma laŋ.

Mak Tiratna Kam Wembaŋ Laŋ 10:18 ပူးပေါင်းရင်းမြစ်များ

Matiu 19:17

Ri, ma mamo rutica aindopatna, “Kaina moca, u aukmo tɨp laŋna digirena? Raraŋ Aetaniac niŋgik, ma ndo laŋ. Na u iarwar ndeteacna wat aŋgɨna toŋgo te, u Tɨpemb Wandikca raŋgai.”

Mak Tiratna Kam Wembaŋ Laŋ 10:17

Karica Iesusa an tɨkcarica ŋgepca taŋre mbuŋa, ramoot ianna ootta kɨpca mana kɨtɨmmo tutupniŋ rɨmbɨtca, manmo gaindopatna, “Riripti laŋ, aku tida mo te, aku iarwar ndeteacna wat laŋ aŋgɨrit?”

Mak Tiratna Kam Wembaŋ Laŋ 10:19

Na u Tɨpemb Wandikta kambca u lamŋirena, ‘Ne kabena meikramtaɨrmo kai mo menac teac. Na ne laŋtaŋgoar, ne tɨpemb ŋgadudukca morena meikramtaɨrta tɨpemb kirarira kai mo teac. Na ne kai makɨm teac. Na ne kabena meacramootmo ritri waparacmo kai moca, paparuna kam mbuŋa kai mbop teac. Na ne kabena ramootna reacmo kai paruca kam kocora kai aŋgɨ teac. Na ne ndorita ameraterta kaŋgauk niŋgik ndeacraŋ, na mina kambmo waracraŋ.’”

Luk Tiratna Kam Wembaŋ Laŋ 18:19

Ri, Iesusa an ramoot paŋanmo aindopatna, “U kaina moca aukmo laŋ ŋgacapekna? Na ramoot ianna laŋa wanaiŋ, Raraŋ Aetaniac niŋgikca ma ndo laŋ.

Pola Romnandmo Tiratna Timbiŋ Rapar 3:12

Na mina muruŋcamiŋa mina taup laŋa tɨkcaririna, na mina muruŋa kirar kabe toc ŋgoin. Na mina muruŋa ŋgoreac ŋgoin. Na mina ianna tɨp kirar laŋ ianap mba morenanna. Wanaiŋ ŋgoin.

Iemis 1:17

Na reik laiŋapa, reikca aia wanaiŋ naaŋgɨrenanna, mina laiŋ, na mina muruŋa tamuŋna auŋ ndiŋa kɨprenan. Na Aetta riac tamuŋna memetacara muruŋa morinan, na ma ndo an reikmo aimo mandaca irikrena. Na an Aetta ma ndona tɨpemb kirarira mba ŋgetrikirenan ŋgoin. Na ma rana papaca reac ianna aŋgɨca, ma taŋi rocot, co, matɨpna kirara wanaiŋ.

1 Ion 4:16

Ainda moca aia lamŋirena, na aia ainda gagraca rɨpacrina. Na Raraŋ Aetaniaca ma aimo matŋirenan ŋgoin, na mana an tɨpna kirara ma aina eteacna watap eacrenan. Na ma ndo ŋgoinna ma kabena meikramtaɨrmo mamatŋina mɨnɨŋ. Na ramootta kabena meikramtaɨrmo mamatŋirenan, ma Raraŋ Aetaniacap mɨkrinan, na ma manap mɨkrina.

1 Ion 4:8

Na Raraŋ Aetaniac ma an mamatŋina tɨpna kirarna mɨnɨŋ. Aintik ramootta kabena meikramtaɨrmo mba matŋirenan, ma Raraŋ Aetaniacmo mba lamŋirenanna.