Mak Tiratna Kam Wembaŋ Laŋ 1:4 - Raraŋ Aetaniacna Kam Wembaŋ Laŋ

⁴ Ainda moca kɨtac puk neaŋrena ramoot Ion, ma an ramtaɨr ŋgocorta taup ndaruca anna tɨkca meikramtaɨrmo kam wiwitica, mina iroar inkar ŋgetrikica kɨtac puk aŋgɨatna. Te, Raraŋ Aetaniaca mina tɨpemb ŋgorikta makukarmo moi kecarinandet.

Mak Tiratna Kam Wembaŋ Laŋ 1:4 ပူးပေါင်းရင်းမြစ်များ

Matiu 3:11

“Aku nemo puk mbuŋa kɨtac puk neaŋrena, na an ŋgagatracna kirar mbuŋa nenmo wandacri, ne iroar inkara ŋgetrikirina. Na aukna iŋmbai nakɨpekna ramoot, mana gargara aukna gargarmo kundrina, ainda moca aku mana orgapaokniŋ aŋgɨna ramoot laŋa wanaiŋ. Na ma nemo Ŋeroŋ Ratapa, tac mbuŋa kɨtac puk neaŋnandet. Na ma nen motocmo kɨtac pukca neaŋnandet.

Matiu 3:6

Ri, mina kɨpca ndorita tɨpemb ŋgorikta makukarmo mbopca laruri, ma minmo Iodan oca tɨkca kɨtac puk neaŋri.

Mak Tiratna Kam Wembaŋ Laŋ 1:5

Na Iudiana pitrik waŋapa Ierusalem auŋ aniacna meikramtaɨra muruŋa Ion ndambuŋa taŋrina, mina ndorita tɨpemb ŋgorikta makukarmo mbopri, ma minmo oc Iodanna tɨkca kɨtac puk neaŋgatna.

Luk Tiratna Kam Wembaŋ Laŋ 1:77

Te, u mana meikramtaɨrmo mbop warac, na mina Raraŋ Aetaniacna kakadmaina opotac bagaraniac ŋgoinna lamŋinandet. Ainda moca ma aimo tamuŋna auŋna memetacmo, ai nambatta metac te, ma mana meikramtaɨrta tɨpemb ŋgorikta makukarmo, mo kecarica ma mimo mac nda aŋgɨnande.

Ion Tiratna Kam Wembaŋ Laŋ 3:23

Na Ion toco, ma meikramtaɨrmo kɨtac pukca Ainon auŋa tɨkca neaŋrenan, na an auŋa ma Salim auŋmo rambuŋmbai. Na ocik wɨtta an ndeacrenan, aintik meikramtaɨra man ndambuŋa taŋga kɨtac puk aŋgɨrena.

Up Aŋgɨrena Ramtaɨrta Aiŋ 10:37

Na ne ndori malamŋiri, an reikca Iudiana pitrik inikca muruŋ ndaruatke, ne watatna, na an reikca out ŋgoinna Galili pitrik ndaruca eacri, na anna iŋmbaia Ionna ŋgaua meikramtaɨrmo puk mbuŋa kɨtac pukca momona kam wembaŋ laŋa ma an wiwitiatna.

Up Aŋgɨrena Ramtaɨrta Aiŋ 22:16

Ainda moca u kaina moca lambica eacrena? U ŋgepca mana i mbuŋa kɨtac puk aŋgɨ te, ma una tɨpemb ŋgorikta makukara mo kecarinande.’”