Matiu 28:7 - Raraŋ Aetaniacna Kam Wembaŋ Laŋ

⁷ Ri, ma maniŋmo aindopatna, “Tawi ŋgoinna taŋca mana iŋa raŋgairena ramtaɨrmo mbop, ma menacrinanna, ma mac nda ŋgeprina. Na mandeaca ma nenmo Galilina pitrik waŋmo outmbaica taŋnande, na ne mamo anna tɨkca watnandet. Na aku nemo an kam ndopna nakɨprina.”

Matiu 28:7 ပူးပေါင်းရင်းမြစ်များ

Matiu 24:25

“Aintik ne warac! An reikca larunanna aku nemo mboprinan.

Matiu 26:32

Na aku muk ndiŋ mac ŋgepca nenmo outta Galilia taŋnandet.”

Matiu 28:10

Ainda mori, ma maniŋmo aindopatna, “Oŋgo kai nanambi teac. Oŋgo taŋca aukna laiplacarmo mbopca mina Galilina pitrik waŋa taŋ. Te, mina anna tɨkca aukmo watnandet.”

Matiu 28:8

Karica an meacniŋa mukna taupmo tawi ŋgoinna tɨkcarica, namnaimbap, na toŋtoŋ aniacap tik, maniŋa ootta taŋga mana iŋa raŋgairena ramtaɨrmo mbopna.

Mak Tiratna Kam Wembaŋ Laŋ 14:28

Na aku muk ndiŋ mac ŋgepca nenmo outta Galilia taŋnandet.”

Mak Tiratna Kam Wembaŋ Laŋ 16:10

Ri, Maria ma taŋga Iesusap ŋgaua taŋrena ramtaɨrmo mambopat. Na an ramtaɨra iroar inkar makukuca eacrenanna mina aerena.

Mak Tiratna Kam Wembaŋ Laŋ 16:13

Na maniŋa taŋga mana iŋa raŋgairena ramtaɨrmo an kam ndoprina, na mina maniŋmo mba rɨpacatke.

Luk Tiratna Kam Wembaŋ Laŋ 24:34

An ramootniŋmo, mina maniŋmo gaindopatna, “Gidik ŋgoin, ma mac nda maŋgepri. Saimonna mamo watrina.”

Ion Tiratna Kam Wembaŋ Laŋ 14:29

Na an reaca laru ŋgocor ndeacri, aku nenmo mandeaca mbopca malarurek. Na iŋmbaia ma laru te, ne rɨpacnandet.

Ion Tiratna Kam Wembaŋ Laŋ 16:4

Ainda moca mandeaca aku nenmo mboprinan, an reikca larunande. Na iŋmbaina mɨnna an meikramtaɨra nenmo an tɨpemb kirarira mo te, ne gan kam tɨpca aku nenmo neaŋrinanna ndamŋina.” Karica Iesusa gaind mac mbopatna, “Ŋgaua aku nenap eacrinan, ainda moca aku nenmo an reikta kambca mba mboprinan.

1 Korin 15:4

Na mina manmo mukca tɨkrinan. Na rai mbonkac mbuŋ, ma mac nda ŋgeprina, anna Raraŋ Aetaniacna timbigta kapca mbopatna kirar.

1 Korin 15:6

Na anna iŋmbaia Iesusa rɨpacrena laiplacar wɨt muruŋa manmo watrina, na mina ŋgaŋganŋgɨna mɨnna 500na mɨnmo emtemma kundrina. Na an Iesusa rɨpacrena laiplacar wɨt aniaca mina maeacreke, na mina ndeida mamenacri.