Matiu 18:22 - Raraŋ Aetaniacna Kam Wembaŋ Laŋ

²² Ri, ma mana kamma rutica aindopatna, “Aku umo aindopnande, par kabeapa mbuniŋna mɨnna wanaiŋ, 77na mɨnna u mana tɨpemb ŋgorikmo mo kecari.

Matiu 18:22 ပူးပေါင်းရင်းမြစ်များ

Matiu 18:23

“Na ne warac, tamuŋna auŋna bubuoca ma gagrirta ramoot paŋan ianna kirar, ma toŋgorinanna mana mbaiŋna ramtaɨrmo mana kitukndukca mina digica aŋgɨatnanmo, mac nda rutina.

Mak Tiratna Kam Wembaŋ Laŋ 11:25

“Na an kɨdrɨkca ne wɨtɨkca mbendeina mo te, na ne gaind ndamŋi, nenmo ramoot ianna tɨp ŋgoreacna makuk ianna morinan. Te, ne an ramootna tɨp ŋgoreacna makukmo mo kecari. Na nena Aetta tamuŋna auŋ ndeacrenan, ma nena tɨp ŋgoreacna makukmo ma mo kecarinandet.”

Pola Romnandmo Tiratna Timbiŋ Rapar 12:21

U tɨp ŋgoreacmo kai watcarica ma unmo kai kun teac. Wanaiŋ. Una tɨp laŋ niŋgik mbuŋa u tɨp ŋgoreacmo moi iriknande.

Epesus 4:26

Na ne nikkat te, ne ndorimo wat. Moca ne tɨpemb ŋgorikta makukara mo nari. Na moca nena nikkakatta eaca ra irik nari.

Epesus 4:31

Na ne nikinik iro ŋgoreacapa, nikkakatapa, tɨpemb ŋgorikmo muruŋcamiŋmo, mo kecari, na runduŋapa, nikkatca kam aniaca kerenanapa, peperena kam ŋgoreac tocmo, mo kecari.

Kolosi 3:13

Na ramoot ianna nena rɨkca makuk ianna mo te, na ma kabena laiplacarta ianmo kammap te, ma an makukmo mbukca an laiplacarta tɨpemb ŋgorikta makukarmo mo kecari. Na Kacootta nena tɨpemb ŋgorikta makukara, ma mo kecaririnan, na an kirar kabea ne toco kabena meikramtaɨrta tɨpemb ŋgorikta makukara, mo kecari.

1 Timoti 2:8

Aintik aku toŋgorenanna, ramtaɨra mbendeina mo te, mina kai ipuŋ teac, na ndorimo wandoŋ rat ndeac te, Raraŋ Aetaniacmo par gaca, mamo mbendei.