Matiu 15:11 - Raraŋ Aetaniacna Kam Wembaŋ Laŋ

¹¹ Na reaca ramootna up inikca mbukrenanna, anna ramootmo mba moca patiŋga mba moitndai. Na reaca ramootna up inik ndiŋ ndarurenanna, anna ramootmo moca ma patiŋga monande.”

Matiu 15:11 ပူးပေါင်းရင်းမြစ်များ

Matiu 15:10

Karica Iesusa meikramtaɨrmo aca man ndambuŋa kɨpca, minmo aindopatna, “Ne waraca matau lamŋi rapac.

Matiu 15:12

Karica iŋmbaia mana iŋa raŋgairena ramtaɨra man ndambuŋa kɨpca mamo gaindopatna, “U lamŋire, ki? An Parisina ramtaɨra an u mbopatna kambta moca unmo iroar ŋgorik maaŋgɨat.”

Mak Tiratna Kam Wembaŋ Laŋ 7:15

Na reaca ramoot ianmo raek ndiŋa mbuk te, ma an ramootmo moi ma patiŋga mba moitndai. Wanaiŋ. Reaca an ramootna nikinik ŋgetacndiŋ ndaru te, ande anna ndo an ramootmo moca ma patiŋga monandet.”

Pola Romnandmo Tiratna Timbiŋ Rapar 14:14

Na Kacoot Iesusa ma aukna iromo moa pɨarra waekeca, aku gaind ŋgoin ndamŋirina, Raraŋ Aetaniacna lamnɨaca watreke, amta reikca muruŋa rat niŋgik. Na ramoot ianna ma ndo mbuŋa gaind ndamŋi te, an amna reaca rat ŋgocor ŋgoin, aindop te, anna laŋ, an reaca mana eteacna watmo laŋa wanaiŋ.

Pola Romnandmo Tiratna Timbiŋ Rapar 14:17

Na Raraŋ Aetaniacna bubuocna inikca anna amna reacapa pukapna reaca, wanaiŋ. Na Raraŋ Aetaniacna bubuocna kirar manan ŋgoinna gaind, tɨp kirar wandoŋ gidikapa, nikinik iro wetwet ndeac te, toŋtoŋ niŋgik ndeacna kirar niŋgik, anna Ŋeroŋ Ratta moa larurenan.

Pola Romnandmo Tiratna Timbiŋ Rapar 14:20

Na u amna reac niŋgik nake, kai lamŋica Raraŋ Aetaniacna aiŋa mo ŋgocrai teac. Na anna gidik, reikca muruŋa amna laŋ. Na ŋarikca u an amna reac ian am te, ramootta anna watca anna mbutuk te, anna u tɨp ŋgoreaca morina.

1 Timoti 4:3

Na an meikramtaɨra, mina meikramtaɨrmo wandɨk tɨkca, mina mba laŋgoitndai. Na mina Raraŋ Aetaniaca moca tɨkrina amta reikmo mba aŋgɨca amitndait. An reikca ma ndo morinanna, na aia mana rɨpacrena meikramtaɨra mana kam gidik ndamŋirenanmo, an reik aŋgɨca am te, manmo kam laŋ neaŋna.

Taitus 1:15

Na meikramtaɨra Raraŋ Aetaniacna lamnɨac ŋgoutmo rat ndeac te, titocna kainta reik toco rat ndeacnandet. Na meikramtaɨra Raraŋ Aetaniacna lamnɨac ŋgoutta tɨpemb kirarir ŋgorik rat ŋgocortanna raŋgairenan, mina Karaismo mba rɨpacrenan. Ainda mo te, reac ianna mba ratit, na mina nikinik iroapa, iroara Raraŋ Aetaniacna lamnɨac ŋgoutta kocnaia mba ratitndait.

Iburu 13:9

Ainda moca ne kabena riptimo nena nikinik iroarmo kai watcarica ma nemo wɨŋa nenmo moca ne Raraŋ Aetaniacna taupmo tɨkcari nari. Na aia mana kakadmaimo watcarica ma aina nikinik iroarmo, mo gagrana. Na aina iroara inkara mina ainta Mosesna amta reikta tɨpemb puŋga gargara mba aŋgɨitndai. Na ainta tɨpembta kirarira, ma meikramtaɨra ainda taŋrenanmo, mba otacrenanna.

2 Pita 2:18

Na ainta ramtaɨra ndorimo aindopna moca kambmo tamtamma keca, garururena. Te, mina meikramtaɨrmo moa tik ŋgepca mina tɨp ŋgaduduk ŋgoreacapa, tikna iro ŋgoreac mona iroara mona. Na an tɨpembta kirarira mina an mandebca ŋgepca kambmo raŋgairena tɨp ŋgoreac tɨkcarina meikramtaɨrmo moca, mina iroarmo mo pauriri, mina an kam mbarac kocorta meikramtaɨrta kamma mac raŋgaiek.