Matiu 13:12 - Raraŋ Aetaniacna Kam Wembaŋ Laŋ

¹² Na ramoot ianna ma reikap eacrinanna, Raraŋ Aetaniaca mamo reik ndeida mamo mac neaŋnande, te, ma reik wɨt aniacap. Na ramootta reikca wɨtta wanaiŋ, Raraŋ Aetaniaca mana an reik mbatepmo mo kecarinande.

Matiu 13:12 ပူးပေါင်းရင်းမြစ်များ

Matiu 21:43

Aintik aku nemo aindopnandet, Raraŋ Aetaniacna bubuoca ma nena para eacrenanmo aŋgɨca kabena barna meikramtaɨrmo neaŋ, mina mana gagamma morenan.

Matiu 25:29

Na mandaibinna reikapnanna, aku minmo kabenan mac neaŋnande. Na mandaia reik kocortan, na an reik tekira manap eacrenanna, aku aŋgɨnandet.

Mak Tiratna Kam Wembaŋ Laŋ 12:9

“Na an warɨŋna aetta ma tida moit? Ne warac. Ma kɨpca an wain warɨŋ raupŋirena ramtaɨrmo mo menacnandet. Te, ma an wain warɨŋmo kabena ramtaɨrta paɨra tɨknandet.

Luk Tiratna Kam Wembaŋ Laŋ 10:42

Aintik u reac laŋ ianna, iroa mba aŋgɨapeke. Gan reaca Maria aŋgɨna morena reac, anna reac laŋ ŋgoin. Aintik aia mamo an reac aŋgɨna, anna kɨracna mɨnna wanaiŋ.”

Luk Tiratna Kam Wembaŋ Laŋ 12:48

Na aiŋna ramoot, ma ndona ramoot paŋanna mo ndopekna reikca ma lamŋi ŋgocor, ma anna gɨrgɨr aŋgɨna to ŋgoin, na mana ramoot paŋan kɨp te, ma manmo mba pi ŋgoreaca mba piitndai. Na meikramtaɨra mandaia reik wɨt aniac aŋgɨrinan, an meikramtaɨr mina manmo an reik wɨt aniac mac nda rutinande. Na meikramtaɨra ramoot ianmo reik wɨtta mana para tɨk te, mina manmo mac nda rutina ŋgacnandet.”

Luk Tiratna Kam Wembaŋ Laŋ 16:2

Aindopri, an laimnembta ramoot, ma ŋgepca an ndona reikta ŋginaŋa morina ramootmo aca kɨpca aindopatna, ‘U tida moapekna reikta kamma aku an mbaracpekna, mandeban ŋgoin u taŋca aukna reikca un ndambuŋ ndeacrena reikta nininimo timbigta kapca tɨkca, tɨkcari te, u aukna aiŋa mba mac moitndai.’

Luk Tiratna Kam Wembaŋ Laŋ 16:25

“Aindopatke, Abraamma manmo aindopatna, ‘Nuoc mbitac, u menac ŋgocor ndeacri, moatna reikmo u lamŋi, u tiacarpaik ndeacri, u reik laiŋ, laiŋ aŋgɨrina. Na Lasarusmbaia reac ŋgoreac, ŋgoreac aŋgɨrina. Aintik mandeaca gan auŋmo ma toŋtoŋ bagaraniacap. Na u gɨrgɨr aniacna inik ndeacnande.

Luk Tiratna Kam Wembaŋ Laŋ 8:18

“Ne ndoritake, matau wat. Ne kamma waparacna kirarmo titoca waraca rapacapek. Ŋarikca ramoot ianna landamŋiap eaceknanna, Raraŋ Aetaniaca mamo kabena landamŋi ianna an nambat mac neaŋnande. Na ramootta landamŋiar kocorta ramoot, ma ndomo landamŋi tekermotemap mboprenan, anna Raraŋ Aetaniaca mananmo mo kecarinande.”

Luk Tiratna Kam Wembaŋ Laŋ 9:26

U mandaia aukna kambta moca mo te, na aukmo numbira neaŋ te, iŋmbaia Ramootna Nuoca mana memetacna tac aniacapa, Aetna memetacna tac aniacapa, Raraŋ Aetaniacna mbaiŋna aiŋa morena ŋerŋgaur ratnandap, ma anna memetacna tac aniacna kaŋgaukca mbiraca kɨp te, ma an ramootmo numbira monande.

Iemis 4:6

Na Raraŋ Aetaniaca ma aimo kakadmai bagaraniac ŋgoinna morenan. Aintik Raraŋ Aetaniacna timbigta kapca gaindoprena, “Meikramtaɨra ndorita irembmo aŋgɨa ŋgeprenan, ma mina irembmo aŋgɨa irikca pɨkɨnna tɨkrena. Na meikramtaɨra ndorita irembmo pɨkɨnna tɨkrenanna, ma mina moca kadmairenan, na ma minmo laŋa morena.”

KIEK 2:5

Na ŋgaua u tɨpemb kirarir laiŋga morenan, na u an tɨpemb kirarirmo tɨkcarica u mairikat. Ainda moca u an ŋgaua morina tɨpemb kirarir laiŋta moca mac lamŋi te, u ndona iro inik ŋgetrikica u ŋgaua morina tɨpemb kirarira mo. Na u ainda mo ŋgocor te, aku un ndambuŋ nakɨpca una an tac wɨwɨra tɨkrena golna reacmo, mo kecarinandet.