Matiu 10:5 - Raraŋ Aetaniacna Kam Wembaŋ Laŋ

⁵ Karica Iesusa ndona parniŋapa mbut mbuniŋna up aŋgɨrena ramtaɨrpaikmo mbagɨrica taŋga, minmo aindopatna, “Ne Iudana meikramtaɨr wanaiŋ ndambuŋa kai taŋ teac, na Samariana auŋemb toco kai taŋca mbuk teac.

Matiu 10:5 ပူးပေါင်းရင်းမြစ်များ

Matiu 22:3

Na out ŋgoinna ma kam neaŋga taŋga ramtaɨrmo an laŋtaŋgona amtiam aniac nakɨpna. Na an amna ra laruri, ma ndona mbaiŋna ramtaɨrmo mbagɨrica taŋca minmo mbopca mina kɨpna. Ri, mina kɨpna karirina.

Matiu 4:15

“Na ma mbopatna kamma gaind, an Sebulunna barna meikramtaɨrapa, Naptalina barna meikramtaɨra, mina pitrikca maŋar aniacna roumbna taup ndeacrenanapa, an pitrikca Iodan ocmo monmbai waŋ ndeacrenan, mina Galilina pitrik waŋ ndeacrena. Na an pitrik waŋa ma Iudana meikramtaɨr wanaiŋna wɨt aniacap eacrenan.

Mak Tiratna Kam Wembaŋ Laŋ 6:7

Ri, Iesusa ndona iŋa raŋgairena ramtaɨr parniŋapa mbut mbuniŋmo aca kɨpca, ma minmo ŋerŋgaur ŋgorikca mbukca eacrena meikramtaɨrtanmo, moa kecarina gagrar neaŋga, na minmo mbuniŋ, mbuniŋa mbagɨrica mataŋgat.

Luk Tiratna Kam Wembaŋ Laŋ 10:1

Karica Kacootta kabena 72na mɨnna ramtaɨr ndeidmo mac nduca. Na ma mimo mbuniŋ, mbuniŋa nduca maica, mimo ndona tataŋna auŋemb anikapa auŋemb tekirap, mimo outta taŋna ndopca, ma mimo mbagɨrica mina taŋna moatke.

Luk Tiratna Kam Wembaŋ Laŋ 10:33

“Maniŋa ainda mocarica taŋgatke, Samariana ramoot ianna ndo an taup ndiŋ nakɨpatnanna, kɨpca an ramoot ndambuŋ ndaruca. Ma man mbatca, iro inik mananna mana kakadmai ŋgoin.

Luk Tiratna Kam Wembaŋ Laŋ 17:16

Karica ma nda taŋga Iesus ndambuŋ ndaruca, mana or kɨtɨmmo paŋan ramtukca mamo kam laŋ maneaŋgat. An ramoot, ma Samarianan.

Luk Tiratna Kam Wembaŋ Laŋ 9:1

Karica Iesusa ndona parniŋapa mbut mbuniŋna iŋa raŋgairena ramtaɨrmo aca kɨpca. Mimo meikramtaɨrta roumbca moca laŋa mona gargarapa meikramtaɨra ŋerŋgaur ŋgorikcap eacrenanmo mo kecarina, i aniacapa gargarap neaŋgatna.

Luk Tiratna Kam Wembaŋ Laŋ 9:2

Ma mimo mbagɨrica taŋca Raraŋ Aetaniacna bubuocna kam ndop te, roumbbebta meikramtaɨrmo moi laiŋga mona moca.

Ion Tiratna Kam Wembaŋ Laŋ 17:18

Na ŋgaua u aukmo mbagɨrica aku kɨpca gan tiacarpaikna meikramtaɨrta rɨk ndeacrinan. Aintik an kirar kabea auk toco an meikramtaɨra u aukmo neaŋrinanmo, mbagɨrica mina taŋga gan tiacarpaikna meikramtaɨrta rɨk ndeacnandet.

Ion Tiratna Kam Wembaŋ Laŋ 20:21

Ri, Iesusa minmo gaind mac mbopatna, “Nena iroar inkara wetwet laŋ ndeacraŋ, na Aetta aukmo mbagɨrica aku kɨprinan, na an kirara aku nenmo mbagɨrica ne taŋnandet.”

Ion Tiratna Kam Wembaŋ Laŋ 4:20

Na aina nicar, ŋgamrira mina an takura mbendeina punirena. Na ne Iudanaŋgepca aindoprena, Ierusalem auŋ aniaca ande an taupca aia muruŋa mbendeina punirenan.”

Ion Tiratna Kam Wembaŋ Laŋ 4:5

Aintik ma taŋga Samariana auŋ teker ian malaruat, na an auŋmo mina Sikar ŋgacrena. Na an auŋ tikca ma an pitrikca Iakopa ndona nuoc Iosepmo neaŋrinanmo, rambuŋaia eacrena.

Ion Tiratna Kam Wembaŋ Laŋ 4:9

Ainda moca an Samaria auŋna meaca manmo gaindopatna, “U Iudanaŋgepta ramoot, na aku Samarianaŋgepta meac, na kaina moca u aukmo aindopapekna, ‘U aukmo puk neaŋam, aku puk amna toŋtoŋap’?” Na an meaca an kam ndoprenanna, mana mɨnɨŋa gaind, Iudanaŋgepca Samarianaŋgepmo tumbunna mba tɨkrenanna.

Ion Tiratna Kam Wembaŋ Laŋ 7:35

Ri, Iudanaŋgepca ndori puŋga gaindopatna, “Ma tenna taŋ te, aia manmo mba watit? Moca ma aina wiwittar tambuŋa taŋca Giriknanmo ripti nari?

Ion Tiratna Kam Wembaŋ Laŋ 8:48

Karica Iudanaŋgepca Iesusna kammo gainda rutica gaindopatna, “Aia aindoprina, u Samariana ramoot, na ŋeroŋ ŋgoreac ianna unap eacrenan, na anna gidik ki?”

Up Aŋgɨrena Ramtaɨrta Aiŋ 1:8

Na iŋmbaia an mɨn Ŋeroŋ Ratta ndo kɨpca nenap eac te, ne gagrar aŋgɨnande. Te, ne ŋgepca aukna morina reikta kambmo, Ierusalemna meikramtaɨrmo an kam wembaŋ laŋ an wiwiti te, Iudiana pitrik waŋna inikna auŋembapa Samarianandapa, mon tawan ŋgoinna auŋembca gan tiacarpaik ndeacrenanmo, gan kam wembaŋ laŋmo kocnai metmbaci mbopi taŋraŋ.”

Up Aŋgɨrena Ramtaɨrta Aiŋ 10:45

Ri, Iudana rɨtɨpacapna ramtaɨra Pitaap kɨpatnanna, an Iudana meikramtaɨr wanaiŋa Ŋeroŋ Ratta mbukca mina watri, an auŋembta meikramtaɨrta kamb puŋ topri, na Raraŋ Aetaniacna imo aŋgɨra ŋgepri, mina anna waracatke, mina tamtam ndamŋica aindopatna, “Watwa, an Iudana meikramtaɨr wanaiŋmo Raraŋ Aetaniaca min motocmo otaca minmo Ŋeroŋ Ratta wanaiŋ ma neaŋgat.” Ri, Pita gaind mambopat,

Up Aŋgɨrena Ramtaɨrta Aiŋ 8:1

Ri, Solna lamnɨac ŋgoutmo mina Stipenmo ainda moatna tɨp kirara, an tɨp kirarmo ma ainda toŋgoatna. Aintik an ra mina Stipenmo rɨŋga menacatke, mina andu naŋgepca Iesusna rɨtɨpaikta meikramtaɨrta tumbuna Ierusalemna inik ndeacrenanna mbukca, minmo mo ŋgoreac ŋgoin mamori. Ainda moatke, an ndeacrina Iesusna rɨtɨpaikta meikramtaɨrta tumbuna, ŋgepca kɨpcarica tamtambca taŋga pitrik Iudiaapa Samariana inikna auŋembca taŋga mamaiat. Ri, up aŋgɨrena ramtaɨra, mina an Ierusalem maeacri.

1 Tesalonika 2:16

Na mina toŋgo ŋgocor, Raraŋ Aetaniacmo meikramtaɨr mac nda aŋgɨnan, ainda moca mina aimo Iudana meikramtaɨr wanaiŋmo an kam wiwiti mbop narica, na mina aina taupemb mboracatna. Aintik mina memetmbaca tɨpemb ŋgorikta makukarmo moa acnairenan. Na Raraŋ Aetaniacna nikkakatta min nambatta irikrinan.