Matiu 1:19 - Raraŋ Aetaniacna Kam Wembaŋ Laŋ

¹⁹ Ri, mana kaŋgait Iosep, ma ramoot wandoŋ laŋ tik, ma Mariamo numbir neaŋ narica, mana tɨki mona iroarta moca ma gaind mamoat, ma manmo laŋanna tɨkcarina moca ma ndona iro mamoat.

Matiu 1:19 ပူးပေါင်းရင်းမြစ်များ

Mak Tiratna Kam Wembaŋ Laŋ 10:4

Na mina gaindoprina, “Mosesa aindoprina, ‘Ramootta laŋtaŋgo kakatacna timbiŋ rapara tirca meacmo neaŋga, manmo mandaca taŋ te, anna laŋ.’”

Luk Tiratna Kam Wembaŋ Laŋ 2:25

An mɨnna ramoot ian, ma Ierusalem ndeacrena. Mana ia Simeon. Ma ramoot wandoŋ laŋ ŋgoin. Ma Raraŋ Aetaniac niŋgikca raŋgairena ramoot. Simeonna Raraŋ Aetaniaca babuca mbagɨrina ramootna ndabirena. Na an ramoot, Israelna meikramtaɨrmo mina nikemb inkara moi laiŋga mona moca ma anna ndabirena. Na Simeonna, Ŋeroŋ Ratta manap eacrena.

Up Aŋgɨrena Ramtaɨrta Aiŋ 10:22

Ri, mina manmo gaindopatna, “An lapoca ruŋrena ramoot paŋan Konilius, ma un aŋgɨna ndopca aia kɨprina. An ramoot, ma Raraŋ Aetaniacna torireke ma wandoŋ ndeacrena ramoot. Aintik Iudananda manmo ramoot laŋ ndoprena. Ainda moca Raraŋ Aetaniacna mbaiŋna aiŋa morena ŋeroŋ rat ianna, manmo un ndopna, u man ndambuŋa taŋca, u mbop te, ma un mbopekna kam mbaracna.”

Up Aŋgɨrena Ramtaɨrta Aiŋ 27:39

Karica auŋa raruatke, an laŋgumna aiŋa morena ramtaɨra an maŋara watca mina mba lamŋiri, anna tenna pitrikna maŋar. Na mina wattatnanna ma kodur laŋ ianap, tik mina laŋgummo an ndiŋa ootti taŋca an maŋarna wiwir nagacna mori.

2 Korin 1:15

Na aku gainda rɨpaca lamŋirina, an tɨpna kirara aku morenanmo, ne toŋgonandet, na anna mɨnɨŋna moca aku ndona iroa moatna, aku kɨpca nenmo pac watcarica, iŋmbaia aku nen tɨkcarica, Masedonia taŋnande, na kaina oitna mɨnna aku Masedonia tɨkcari te, aku lamŋirina, aku nen ndambuŋ mac nda kɨpnandet. Na an tɨpna kirar mbuŋa Raraŋ Aetaniac, ma nenmo kɨdrɨk mbuniŋa matau raupŋinande. Na ne aukmo otaca aku pitrik waŋ aniac Iudia taŋna.