Luk Tiratna Kam Wembaŋ Laŋ 7:47 - Raraŋ Aetaniacna Kam Wembaŋ Laŋ

⁴⁷ Ainda moca aku umo gaindopnande, aia, an meacmo watri, ma aukmo mamatŋi ŋgoin. Ainda moca aia mamo lamŋirena, Raraŋ Aetaniaca ma mana tɨpemb ŋgorikta makukar wɨtmo ma moa kecamacariri. Karica ramoot ianna tɨp ŋgoreac ianna aniaca wanaiŋ. Ma anna moca kɨpca Raraŋ Aetaniaca mananmo mo kecari te, an ramoot mana mamatŋi mananna Raraŋ Aetaniacmo memetmbaca mba toŋgoitndai. Mana mamatŋia tekemmotem.”

Luk Tiratna Kam Wembaŋ Laŋ 7:47 ပူးပေါင်းရင်းမြစ်များ

Matiu 10:37

“Na ramootta ndona aemmapa aetmo matau ŋgoinna matŋirenanna, na aukmo matau ŋgoinna mba matŋirenanna, ma aukna iŋa raŋgairena ramootta mba eacitndai. Na ramootta ndona nuoc, co mooŋa matau ŋgoinna matŋirenanna, na aukmo matŋi ŋgocor, ma aukna iŋa raŋgairena ramootta mba eacnandet.

Luk Tiratna Kam Wembaŋ Laŋ 7:39

Ri, an Parisina ramootta, Iesusmo nakac ŋgaca kɨprinanna, ma an meac morina tɨp kirar mbatca, mana iroa gaind ndamŋirina, “An ramoot, ma ramma morena ramoot gidik ecte, an meaca mana ortɨmbɨkniŋmo tukiapeknanna, ma mana kirarapa mana tɨpembap ma lamŋinande. An meac, ma meacramootna kaŋtertaapna tɨp kirara morena meac.”

Luk Tiratna Kam Wembaŋ Laŋ 7:46

U mba aina Iudananta tɨpna kirara mba raŋgaica tabaɨra mba aŋgɨrca aukna paŋan nambat mba ndikri. Gan meaca, ndiarna tɨp kirara moca ma aukna ortɨmbɨkniŋmo kituknduk aniac mbuŋ ŋgoikrena tabaɨrap kɨpca aukna ortɨmbɨkniŋmo an mbuŋa ndikrina.

Luk Tiratna Kam Wembaŋ Laŋ 7:48

Karica Iesusa an meacmo aindopatna, “Aku una tɨpemb ŋgorikta makukara moa kecamacariri.”

Up Aŋgɨrena Ramtaɨrta Aiŋ 5:31

Mandeaca Raraŋ Aetaniaca manmo aŋgɨra gaca, manmo aŋgɨra ndona par umbai naaŋgɨra mbiraca maeacreke. Ma ndo aina ramoot paŋan, na ma ndo ai mac nda aŋgɨna aiŋ ndeacnande, te, ma ndo aimo Israelnaŋgepmo otaca aimo moi iroar inkar ŋgetriki te, aina tɨpemb ŋgorikta makukarmo moi kecarinandet.

Pola Romnandmo Tiratna Timbiŋ Rapar 5:20

Na an mɨnna meikramtaɨra Tɨp Wandɨkca aŋgɨca raŋgairenan, mina an Tɨp Wandɨkmo memetmbaca ŋaŋari raŋgai ŋgocora moraŋ te, an meikramtaɨrta tɨpemb ŋgorikta makukara ma acnainandet, na Raraŋ Aetaniacna kakadmai bagaraniac ŋgoinna, anmo kunda tamuŋmbai ndeacrina.

2 Korin 5:14

Na Karais, ma ndona mamatŋimo aimo neaŋrina, na anna ndo aimo an aiŋa mona raupŋirenanna. Anna gaind aia mataua lamŋia mamairi, ramoot ianna ma aina muruŋcamiŋna taup aŋgɨca ma menacatna. Na an taup mbuŋa aia muruŋa menacrinan.

Galesia 5:6

Na ramootta Iesus Karaisap eac te, tikiŋit kakatacna tɨp kirarna aiŋa mɨnɨŋ kocor. Na ramootta wanaiŋ ndeacekna tɨp kirara, an toco wanaiŋ. Na ramootta rɨtɨpacna tɨp kirara rɨpac te, anna ndo manmo aoci ŋgepca ma kabena meikramtaɨrmo ma matŋia, minmo ndiarna tɨp kirara monande. Anna ndo reac gidik ŋgoin.

Epesus 6:24

Te, Raraŋ Aetaniaca ma an kakadmaina tɨpna kirara, meikramtaɨra muruŋcamiŋa aina Kacoot Iesus Karaismo matŋirenanmo, memetmbaca manmo matŋiraŋnandet. Te, Raraŋ Aetaniaca ma nenmo muruŋcamiŋa ndona kakadmaica neaŋnandet.

Pilipai 1:9

Na memetmbaca aku gainda mbendeirenan, kabena meacramootmo matŋirena tɨpna kirara ma gagaraca nena eteacna watta larua eacraŋ, te, ne landamŋiara wɨt aŋgɨnandet, na nena iroara mataua pɨarnandet.

1 Timoti 1:14

Ainda moca aina Kacoot Iesus Karais, ma aukna moca kakadmai aniacap tik, ma aukmo otaca aku mana rɨpaca, kabena meikramtaɨrmo matŋirena.

1 Ion 1:7

Na aia Raraŋ Aetaniacna memetacna inik ŋgoin ndeac taŋraŋ te, aia muruŋa aŋgɨri tumbunna tɨkca iro kabe aŋgɨca, Raraŋ Aetaniacna Nuoc Iesusna racaindpaikca ndo, aina tɨpemb ŋgorikta makukarmo muruŋa tukia kecarirenan. Te, aia meacramoot rat ndarunande.

1 Ion 3:18

Na aukna nuik, aia laiplacarmo kambapa up mbuŋa kai matŋiraŋ teac. Wanaiŋ. Aia minmo mamatŋi gidikca neaŋ, na minmo tɨpemb kirarir laiŋga moraŋ.

1 Ion 4:19

Ainda moca aia kabena meikramtaɨrmo matŋirenanna, anna gaind, out ŋgoinna Raraŋ Aetaniaca aimo matŋirina.

1 Ion 5:3

Na aia Raraŋ Aetaniaca matŋi te, aia mana tɨpembta kirarirmo, mataui raŋgaina. Na mana an tɨpembca, aimo makukara neaŋna mɨnna wanaiŋ.