Luk Tiratna Kam Wembaŋ Laŋ 7:24 - Raraŋ Aetaniacna Kam Wembaŋ Laŋ

²⁴ Karica Ionna mandaca kam aŋgɨna nakɨprina ramootniŋa mac nda taŋgatke, Iesusa meikramtaɨrmo Ionna ninia moca aindopatna, “Ne ramtaɨr kocorta taupca taŋca, ne kaina reac mbatna taŋrena? Ne anna taŋca tukara watta moca numairenanna watna taŋre ki? Ainda wanaiŋ.

Luk Tiratna Kam Wembaŋ Laŋ 7:24 ပူးပေါင်းရင်းမြစ်များ

Luk Tiratna Kam Wembaŋ Laŋ 1:80

Ainda moca an nuoc mbitaca, iŋmbaia ma ŋgepca acnaiatke, mana ŋeroŋa wakikiri. Ma taŋga ramtaɨr kocorta taup ndeaca taŋga, iŋmbaia ma Israelnaŋgepta lamnikta out malaruat.

Luk Tiratna Kam Wembaŋ Laŋ 3:2

Na Anasapa Kaiapas, maniŋa taup ndamoot paŋan aniacniŋ ndeacri. Na an iar mbuŋa Sekaraiana nuoc Ion, ma ramtaɨr kocorta taup ndeacri. Na an mɨn, Raraŋ Aetaniacna kamma Ion ndambuŋ ndaruca.

Luk Tiratna Kam Wembaŋ Laŋ 7:23

Aintik meikramtaɨra auk morina reik mbatca, mina rɨtɨpaikca mba irikitndai, ainda moca mina toŋtoŋgar koind.”

Luk Tiratna Kam Wembaŋ Laŋ 7:25

Ne ramoot ianna lamboi laŋ, laŋ tɨkrena ramootta watna taŋre ki? Ainda wanaiŋ. Na meikramtaɨra lamboir laiŋga ndorita tikembmo aocrenanapa reik laiŋapnan, ainta meikramtaɨra mina gagrirta ramtaɨr paŋaindta kaiknimbca eacrena.

Ion Tiratna Kam Wembaŋ Laŋ 1:23

Ainda moca Ionna gaindopatna, “Aku an ramtaɨr kocorta taupca ramoot ianna kamma, gaind ŋgaca mboprina, ‘Kacootna taup matau.’ Na anna ramma morina ramoot Aisaia mboprina kamna kirar toc.”

Epesus 4:14

Na aia mombonik tekernoikca, mba mac eacitndai, na an wai aoca meikramtaɨrmo matau ŋgoinna paparuna kam mbuŋa mboprena ramootna kamma, ma watapa macaitta kormo rukria taŋrena kirara mba rukri taŋitndai. Na kora tamtamca utia, mana tataŋna taupca wandoŋa mba taŋitndai. Na aia ainda mba eacitndait.

2 Pita 2:17

Aintik an paparuna meikramtaɨra mina aurembca puikca, puik kocorta kirarapa dimira watta wica taŋrena kirar toc. Ainda moca Raraŋ Aetaniaca mina neaupdiriŋ ŋgoinna taupca kocroca maeacreke.

2 Pita 3:17

Na aukna aikndamtaɨr koind, ne an reacmo iŋmbaia larunanna, ne malamŋireke. Aintik ne ndoritake, matau wat. Na tɨp wandɨk laŋmo tɨp kirara ndarena paparuna ramtaɨra, mina nenmo paruca wɨŋga nena rɨtɨpaikmo moca mba gagraca wɨtɨkitndai.