Luk Tiratna Kam Wembaŋ Laŋ 5:1 - Raraŋ Aetaniacna Kam Wembaŋ Laŋ

¹ Na oit ianna Iesusa Genesaretna mɨar roumbca wɨtɨkca eacri, meikramtaɨr wɨt anikca, Raraŋ Aetaniacna kam mbaracna moca, mina taŋga man ndambuŋa puniri.

Luk Tiratna Kam Wembaŋ Laŋ 5:1 ပူးပေါင်းရင်းမြစ်များ

Matiu 11:12

“An mɨnna kɨtac puk neaŋrena ramoot Ionna ŋgepca ndona aiŋa moca kɨpca gan mɨn, na runduikta ramtaɨr anikca, aiŋir anikca moca tamuŋna auŋna bubuoc aŋgɨna morena, na mina runduik anikca moca rɨtɨpaikta meikramtaɨrmo makukar anik neaŋrena.

Matiu 14:34

Ainda moca manapa mana iŋa raŋgairena ramtaɨra mɨarmo kataca monmbai waŋa taŋga Genesaret waŋ matundocat.

Mak Tiratna Kam Wembaŋ Laŋ 3:9

Ainda moca ma ndona iŋa raŋgairena ramtaɨrmo aindopatna, “Meikramtaɨrta tumbun aniac ŋgoinna maeacreke, aintik ne kor ianna aŋgɨrca kocro, moca mina aukmo mɨkca ndiaŋ te, aku an kor naŋgabuknande.”

Mak Tiratna Kam Wembaŋ Laŋ 4:1

Karica Iesusa meikramtaɨrmo ririptina aiŋmo mɨar roumbca tɨkca mac moa ŋgeprina. Ri, meikramtaɨr wɨt aniac ŋgoinna man ndambuŋ makɨpat. Ainda moca ma an mɨar roumbna kor ian naŋgabukca an mambiracat, ri, meikramtaɨra muruŋa an mɨar roumbmo mbatmbai maeacri.

Mak Tiratna Kam Wembaŋ Laŋ 5:24

Ri, Iesusa ŋgepca an ramootap mataŋgat. Na meikramtaɨrta tumbun aniaca mana iŋa raŋgaica taŋri, ndorimo mana kɨtɨmma tɨkca aumba moca ratapaca moa mataŋri.

Mak Tiratna Kam Wembaŋ Laŋ 6:53

Karica Iesusapa mana iŋa raŋgairena ramtaɨra mɨar kataca ga Genesaret auŋ ndaruca, mina ombca tundoca kormo mɨkndacrina.

Luk Tiratna Kam Wembaŋ Laŋ 12:1

An kɨdrɨkna inikca meikramtaɨr wɨt aniac ŋgoin, mina kɨpca punica an motemma mɨn ŋgoinna tɨkcarica, anna ndeida, ndeidta our kaoci latac te, labdɨacna mɨn ŋgoin, ainda moca Iesusa ŋgepca ndona iŋa raŋgairena ramtaɨrmo, aindopatna, “Ne Parisiarta isna matau wat, anna mina parua pocpocrena.

Luk Tiratna Kam Wembaŋ Laŋ 5:2

Na ma watrinanna, ŋgoaebta aiŋa morena ramtaɨra embarta korniŋmo mɨar roumbca wɨŋga gaca tɨkcarica, mina weaŋgaɨr tukireke.

Luk Tiratna Kam Wembaŋ Laŋ 8:22

Oit ianna Iesusapa mana iŋa raŋgairena ramtaɨrap, mina embarta kor ian naŋgabukca ma mimo aindopatna, “Aia mɨarmo monmbai waŋ nagana.” Aindopca mina kor aŋgɨrca gari.

Luk Tiratna Kam Wembaŋ Laŋ 8:23

Na mina taŋri. Iesusa korna inik naŋgori. Na mɨara watapa murmur aniac ianna laruatke, mactir anikca an mɨar naŋgepca maica mina kormo pia bururuca maica, mina ŋgocrainan toca moatke.

Luk Tiratna Kam Wembaŋ Laŋ 8:33

An ŋerŋgaur ŋgorikca an ramootmo tɨkcariatke, mina taŋga markɨmta inkara mbukca. An markɨmbca paŋpaiŋ ŋgoinna pacwɨkɨnca ŋgotta irikatnanna, pukapukca, mina puk ambca menaca mamaiat.

Luk Tiratna Kam Wembaŋ Laŋ 8:45

Karica Iesusa minmo gainda digiatke, “Mandaia ndo aukmo pipikapekna?” Aindopri mina muruŋa aindopatna, “Aia wanaiŋ.” Ri, Pita aindopatna, “Kacoot, meikramtaɨr wɨt aniaca unmo wɨtɨkca korere aŋgɨca aumba moca, una tikmo ndindiaŋ nakerina.”

Ion Tiratna Kam Wembaŋ Laŋ 1:40

Na Andru, ma Saimon Pitana lap, ma toco ma anna ramoot ianna Ionna kam mbaraca taŋga Iesusna iŋa raŋgairina.

Ion Tiratna Kam Wembaŋ Laŋ 6:1

Karica iŋmbaia Iesusa Galilina mɨarna monmbai waŋa taŋrina, na an mɨarna i ian toco Taiberias mɨar.

Iburu 13:7

Na nena rɨtɨpacna tumbunna ramtaɨr paŋaindmo lamŋiraŋ, ŋgaua mina Raraŋ Aetaniacna kammo mina nenmo mboprinan. Na an tɨpna kirarira mina taŋrenanmo, mana gagamna moca, ne anna lamŋiraŋ, na ne mina rɨtɨpacna tɨpembta kirarirmo ainda raŋgairaŋ.