Luk Tiratna Kam Wembaŋ Laŋ 19:47 - Raraŋ Aetaniacna Kam Wembaŋ Laŋ

^47-48 Ri, memetmbaca, Iesusa meikramtaɨrmo Raraŋ Aetaniacna Kacna wuocna inikca tɨkca, minmo kam laŋ riptiri, taup ndamtaɨr paŋaindapa, tɨpemb wandik tamŋirena ramtaɨrapa, meikramtaɨrta ŋginaiŋ mbatrena ramtaɨr anikap, mina ndorimo Iesusa mo menac ndopca, taupembta tɨkca orea tambac. An mɨnna meikramtaɨra mamo kocnaia wɨtɨkca mboraca mana kamb mbaracri, ainda moca ramtaɨr paŋainda ndorimo mana mo menacna ndopca taupembta tɨk, tɨkca tambac.

Luk Tiratna Kam Wembaŋ Laŋ 19:47 ပူးပေါင်းရင်းမြစ်များ

Matiu 21:23

Karica Iesusa mac taŋga Raraŋ Aetaniacna Kacna wuoca mbukca meikramtaɨrmo riptirina. Na taup ndamtaɨr paŋaindapa, ramtaɨr anikca kɨpca mamo gainda digirina, “U tenna gargarapa, i aŋgɨca gan reikca morena? Na mandaia umo an gargarapa, i neaŋca umo an aiŋa mona ndoprina?”

Matiu 26:55

Karica an kɨdrɨk ŋgoinna ma an ramtaɨrmo aindopatna, “Ne aukmo muoc utiŋna kɨprinanna, ne bugrimarapa paraiŋap aŋgɨca kɨpatna. Anmo macmakɨm, co, ruŋrena ramoot ianna muocna kɨprinan ki? Na memetmbaca aku ra, ra katuca Raraŋ Aetaniacna Kacna wuocna inikca mbiraca meikramtaɨrmo riptirena. Na kaina moca ne aukmo an mɨnna muocna karirina?

Mak Tiratna Kam Wembaŋ Laŋ 11:18

Ainda moca taup ndamtaɨr paŋaindapa tɨpemb wandik tamŋirena ramtaɨra an kamma waracatke, mina mana mo menacna iroarta maoreat. Na mina ainda morinanna, mina man narica nanambirina. Na anna gaind, meikramtaɨra muruŋcamiŋa mana riptirena kambta moca ŋgep ŋgoreac naŋgeprena.

Mak Tiratna Kam Wembaŋ Laŋ 12:12

Na an ramtaɨr paŋainda lamŋirena, Iesusa keatna kam roora, anna min ŋgoin ndopapekna. Na mina manmo muoc utiŋna toŋtoŋgar koind, na mina meikramtaɨr tarica rugdar mamoat. Ainda moca mina manmo watcarica mina mataŋgat.

Mak Tiratna Kam Wembaŋ Laŋ 14:1

Karica rarapmbai mbuŋa an Pasowana Ra Aniacna ndamŋinanapa Isap Kuri Ŋgocorta Tapacna Ra Aniacna ndamŋirena ra, ma larunande. Ri, taup ndamtaɨr paŋaindapa tɨpemb wandik tamŋirena ramtaɨra gaindopatna, “Titoca tɨkca aia Iesusmo muoc utiŋa manmo mo menacit?”

Mak Tiratna Kam Wembaŋ Laŋ 14:49

Na ra, ra katuca aku memetmbaca nenapmo Raraŋ Aetaniacna Kacna wuocna inikca eaca meikramtaɨrmo ririptia morenanna. Ne aukmo anna tɨkca utiŋna mɨn? Na ne kaica aukmo anna tɨkca utiŋ ŋgocor? Na anna mɨnɨŋa gaind, Raraŋ Aetaniacna timbigta kap ndeacrena kambca ma gidik ŋgoin ndarunandet.”

Luk Tiratna Kam Wembaŋ Laŋ 20:19

Ri, tɨpemb wandik tamŋirena ramtaɨrapa, taup ndamtaɨr paŋainda mina waraca gaind malamŋiat, Iesusna mbopapekna kam roora, anna min ŋgoin ndopapekna. Ainda moca mina anduna ŋgepca mamo utiŋ ndamŋiatnanna, wanaiŋ. Mina meikramtaɨr tarica rugut moca mba moatke.

Ion Tiratna Kam Wembaŋ Laŋ 10:39

Na mina manmo mac muoc utiŋna mori, na ma minmo iukaia mataŋgat.

Ion Tiratna Kam Wembaŋ Laŋ 18:20

Ainda moca Iesusa mana kambmo gainda rutirinan, “Aku meikramtaɨrmo memetmbaca kambca waekekeca neaŋrenan. Na memetmbaca aku meikramtaɨrmo Iudananta mimitpac aŋgɨrena kaikca tɨkca riptirenan, na Raraŋ Aetaniacna Kacna wuocna roumbca anna Iudanaŋgepca anna punirenan. Na aku kam ianna ŋaia mba tɨkca mboprenan.

Ion Tiratna Kam Wembaŋ Laŋ 7:19

“Na atua Mosesa nenmo Tɨp Wandɨkca neaŋrina. Ri, nena rɨkna ramoot ianna an Tɨp Wandɨkca mba raŋgairenan ŋgoin. Na kaina moca ne aukmo, mo menacna morena?”

Ion Tiratna Kam Wembaŋ Laŋ 7:44

Ri, ndeida manmo kac ŋgoreaca tɨkna mori, na mina ianna manmo utiŋna moca mba mori.