Luk Tiratna Kam Wembaŋ Laŋ 15:6 - Raraŋ Aetaniacna Kam Wembaŋ Laŋ

⁶ Taŋga auŋ ndaruatke, ma ndona aikndamtaɨrapa, ndona auŋ mɨnɨŋna meikramtaɨrmo, kam neaŋga taŋga mina kɨpca puniatke, ma minmo aindopatna, ‘Aukna sipsip ianna taŋca iŋgoroca eacrinanna, aku orea maaŋgɨri, aia manapmo mbibirac emtemma mona.’”

Luk Tiratna Kam Wembaŋ Laŋ 15:6 ပူးပေါင်းရင်းမြစ်များ

Luk Tiratna Kam Wembaŋ Laŋ 1:58

Ri, Kacootta Elisabetmo kakadmaina opotaca ainda moatke, mana laiplacarapa mana auŋ kabena meikramtaɨra, an mbaraca mina manap tɨkca toŋtoŋgar anikap eacrina.

Luk Tiratna Kam Wembaŋ Laŋ 15:10

Ainda moca an taupna kirara aku nemo aindopnande, meac, co ramoot ianna ma ndona iro inik ŋgetrikica ndona tɨpemb ŋgorikta makukar tɨkcarica Raraŋ Aetaniac ndambuŋ mac nda kɨp te. Raraŋ Aetaniacna mbaiŋna aiŋa morena ŋerŋgaura, mina toŋtoŋgar anik aŋgɨnandet.”

Luk Tiratna Kam Wembaŋ Laŋ 15:24

Aukna gan nuoc, ma menacrina ramoot, mandeaca ma ndona wat ŋgam mac nda maaŋgɨca. Ma taŋga iŋgorocarica eacrenan, ma mac nda kɨpca malaruri.’ Mana aetta aindopacarica, mina amtiam aniaca moca amba toŋgoca weraica eacrina.

Luk Tiratna Kam Wembaŋ Laŋ 15:5

Ma ndona sipsipa watatke, toŋtoŋ bagaraniac ŋgoin, ainda moca ma ndona sipsipmo, aŋgɨra ndona ŋakep nakeca auŋ mac nda mataŋgat.

Luk Tiratna Kam Wembaŋ Laŋ 15:7

Karica Iesusa aindopatna, “Aku nemo wandoŋ ŋgoinna aindopnande, titocna toŋtoŋa ndo Raraŋ Aetaniacna tamuŋna auŋ ndaruit. Na tɨpemb ŋgorikta makukara morena ramoot ianna ndona morina tɨpemb ŋgorikca tɨkcarica iro inik ŋgetrikica Raraŋ Aetaniac ndambuŋ nakɨp te, ainta ramootmo mina toŋtoŋgar anik koinda monandet. Na gan 99na meikramtaɨr wandoikca mina tɨpemb ŋgorikca mba morenan, mandeaca mina iroar inkar ŋgorik mac ŋgetrikina aiŋa mba moitndai. Mina minmo toŋtoŋgar anik koinda mba moitndaiit.”

Ion Tiratna Kam Wembaŋ Laŋ 15:14

Na auk mbopatnanna, ne ainda mo te, ne aukna aikndamtaɨra eacnandet.

Ion Tiratna Kam Wembaŋ Laŋ 3:29

Na ramoot ianna meac ianna laŋgo te, an meaca ma an ramootna meac. Na an ramootna aikndamootta, ma wɨtɨkca ndona aikndamoot an laŋgorina kamna toŋgoca koar tɨkca waracrena. Na an tɨpna kirar mbuŋa toŋtoŋa aukna nikinik iromo mɨnna tɨkrinan.

Up Aŋgɨrena Ramtaɨrta Aiŋ 11:23

Na Banambas ma ramoot laŋ ŋgoin, Ŋeroŋ Ratta manmo mbukca lacakeca eacrena rɨtɨpac gargar aniacapna ramoot. Na ma Antioka taŋga laruca wattatnanna, Raraŋ Aetaniaca an Antiok auŋna meikramtaɨr kotacrina kirarira watca, ma toŋtoŋ ŋgoin. Ainda moca ma an Antiok auŋna rɨpacatna meikramtaɨrmo, mimitpacna kam ndopna naaŋgɨra punica, ma minmo gaindopatna, “Ne Kacoot Iesusa rɨpacrinanna, ndorita an rɨtɨpaikca kai kecari teac.” Ainda moca meikramtaɨr wɨt aniaca kɨpca Kacoot maraŋgaiat.

Up Aŋgɨrena Ramtaɨrta Aiŋ 15:3

Ri, an Iesusna rɨtɨpaikta meikramtaɨrta tumbuna, mina ainda moca mbagɨrica mina taŋ, taŋga, taŋga Ponisiaapa Samaria ndaruca, an pitrik waŋna rɨkndiŋa taŋgatke, an Iesusa raŋgairina meikramtaɨrmo gan kam mambopat, “Raraŋ Aetaniaca Iudana meikramtaɨr wanaiŋnanta tumbunna iroara rɨŋga, mina iroar maŋgetrikiat.” Ri, an auŋna Iesusa rɨpacrena laiplacara an kam mbaracatke, mina toŋtoŋ bagaraniac ŋgoin.

Pilipai 1:4

Na aku nenmo toŋtoŋ ŋgoin, an mɨnna ne rɨpacatna ra tɨkca kɨpca mandeacna mɨn, ne aiap mɨkca aia kam wembaŋ laŋna kambmo nenmo wiwitirinan. Aintik mbembendeiara aku nenmo otacna morenanna, memetmbaca aku toŋgoca mbembendeia morenan.

Pilipai 2:17

Na nena rɨtɨpaca anna ne Raraŋ Aetaniacmo gɨmbamba neaŋrena kirar. Na aku gaind ndamŋirina, mindacniŋ, mina aukna racaindpaikmo wainna puk toco nena gɨmbambaap ruŋki te, aku toŋgonandet. Na aku nenap toŋgonandet.

Pilipai 4:1

Ainda moca aukna Iesusa rɨpacrena laiplacar laiŋ, ne Kacootna moca gagraca wɨtɨk, an aku mboprina kirar. Na aku nemo matŋirena, na aku nenmo watna toŋtoŋ aniacap. Na nena morena tɨpemb kirarira aku toŋgorenan, na nena imo aŋgɨ ŋgeprenan, na aku nemo toŋtoŋ ŋgoin.

1 Tesalonika 2:19

An mɨnna aina Kacoot Iesusa nda kɨp te, aia mandaina lambiit? Na aia mandaia toŋgoit? Na aia mandaina imo aŋgɨ ŋgepit? Anna nen mbuŋ ki?

1 Pita 2:10

Na ŋgaua ne meikramtaɨr wanaiŋ ndeacrenan, na mandeac ne mana meikramtaɨra larurinan. Na atuaitta ne Raraŋ Aetaniacna kakadmaina opotaca ne mba aŋgɨatke, na mandeaca ne mana kakadmaina opotacmo aŋgɨrinan.

1 Pita 2:25

Na ne muruŋcamiŋa sipsipara tamtamma taŋrena kirar toc ndeacrinan. Na mandeaca ne an Sipsiparta Ŋginaŋa Morena Ramootta nena ŋerŋgaurmo mataua raupŋirenan ndambuŋa mac nda makɨprina.