Luk Tiratna Kam Wembaŋ Laŋ 13:34 - Raraŋ Aetaniacna Kam Wembaŋ Laŋ

³⁴ Ri, ma aindopatna, “O Ierusalem, Ierusalem, u Raraŋ Aetaniacna rambca morena ramtaɨrmo mo menacri, an mandaca kɨprina ramtaɨrmo watur puŋga rɨŋga menaca mamairi. Memetmbaca aku una mombonikca kackur aemma ndona mombonikmo aŋgɨca tumbunna tɨkna kirara moreke. Na ne mba toŋgorenanna.

Luk Tiratna Kam Wembaŋ Laŋ 13:34 ပူးပေါင်းရင်းမြစ်များ

Matiu 22:3

Na out ŋgoinna ma kam neaŋga taŋga ramtaɨrmo an laŋtaŋgona amtiam aniac nakɨpna. Na an amna ra laruri, ma ndona mbaiŋna ramtaɨrmo mbagɨrica taŋca minmo mbopca mina kɨpna. Ri, mina kɨpna karirina.

Matiu 22:6

Na ndeida mina an mbaiŋna ramtaɨrmo muoca utiŋga, mimo pia ŋgocrairi, mina mimo mo menacrina.

Luk Tiratna Kam Wembaŋ Laŋ 15:28

Aindopri, an nuoc lacaua an kam mbaraca, nikkatta ŋgocraica kac inikca mba mbukri, ma raekmbai ndeacri. Ainda moca mana aetta laruca manmo mbukna moca kam laŋ mbuŋa aemaŋmaŋap mbopri.

Luk Tiratna Kam Wembaŋ Laŋ 23:28

Karica Iesusa nda kumbakeca watca, an meikmo aindopatna, “Ne an Ierusalemna meikpitik, ne auk nake kai ae teac, ne ndoripembapa ndorita mombonikta moca anna ŋgae.

Up Aŋgɨrena Ramtaɨrta Aiŋ 7:52

Na titocna ramma morina ramootmo atua, nena nicara minmo tɨp kirar laŋa moatna? Wanaiŋ ŋgoin. Na rambca morina ramtaɨra minmo gan kam ndopatna, tɨp wandoŋ niŋgikca morena ramoot ian ma kɨpnande, aindopatna ramtaɨrmo nena nicara minmo, rɨŋga menaca mamaiat. Mina aindopatna ramootta, ma kɨpca laruatke, ne maŋgepatnanna manmo aŋgɨra puŋnaŋgepta, para tɨkca mina mamo rɨŋga mamenacat.

Up Aŋgɨrena Ramtaɨrta Aiŋ 7:59

Na an mɨnna, mina Stipenmo watur puŋga rɨŋ menacna rɨŋri, Stipenna Kacoot Iesusmo mbendeica aindopatna, “U aukna irikekna ŋeroŋmo u aŋgɨ.”

Up Aŋgɨrena Ramtaɨrta Aiŋ 8:1

Ri, Solna lamnɨac ŋgoutmo mina Stipenmo ainda moatna tɨp kirara, an tɨp kirarmo ma ainda toŋgoatna. Aintik an ra mina Stipenmo rɨŋga menacatke, mina andu naŋgepca Iesusna rɨtɨpaikta meikramtaɨrta tumbuna Ierusalemna inik ndeacrenanna mbukca, minmo mo ŋgoreac ŋgoin mamori. Ainda moatke, an ndeacrina Iesusna rɨtɨpaikta meikramtaɨrta tumbuna, ŋgepca kɨpcarica tamtambca taŋga pitrik Iudiaapa Samariana inikna auŋembca taŋga mamaiat. Ri, up aŋgɨrena ramtaɨra, mina an Ierusalem maeacri.

KIEK 11:8

Na maniŋna waɨrniŋa auŋ aniacna taup aniac ndeacnandet. Na an auŋ aniacmo aia kam roor mbuŋa gainda acrena, Sodom, co, Isip. Na anna an auŋ aniaca mina ŋgaua maniŋna Kacootmo ik naaŋgɨ keraca, na manmo mo menacrinan.