Luk Tiratna Kam Wembaŋ Laŋ 11:27 - Raraŋ Aetaniacna Kam Wembaŋ Laŋ

²⁷ Karica Iesusa an kamb ndopatna mɨn mbuŋa meikramtaɨra muruŋ ndeacatke, ma mbopri mbuŋa, meac ianna mina rɨk ndeacrinanna, ma kam aniac mbuŋa aindopatna, “Gan meac, ma una mɨrca unmo ndona mɨr mbuŋa wirambrina meac, ma toŋtoŋap.”

Luk Tiratna Kam Wembaŋ Laŋ 11:27 ပူးပေါင်းရင်းမြစ်များ

Luk Tiratna Kam Wembaŋ Laŋ 1:28

Ainda moca an mbaiŋna aiŋa morena ŋeroŋ Gabriel, ma taŋga an meac ndambuŋ ndaruca manmo aindopatna, “Ra laŋ, Maria. U iro inik wetwet laŋ ndeac, Kacootta unap eac te, unmo otaca u toŋtoŋ bagaraniacap eacraŋnande.”

Luk Tiratna Kam Wembaŋ Laŋ 1:42

Ainda moca Elisabetta kam aniac mbuŋa gaindopatna, “Raraŋ Aetaniaca unapa una mooŋnuocmo toŋgoca opotac aniac neaŋgapekna, ŋgaua ma meik ndeidmo ainda otac ŋgocor.”

Luk Tiratna Kam Wembaŋ Laŋ 1:48

Aku Raraŋ Aetaniacna mbaiŋna aiŋa morena meac, ainda moca aku ndomo mindacniŋa moatke, ma auk mbatca, ma aukna moca kadmairina. Ainda moca mandeacna mɨnapa iŋmbaina mɨnna, meikramtaɨr wɨt aniaca watca aindopnande, ‘Raraŋ Aetaniaca aukmo toŋtoŋ bagaraniac ŋgoin.’

Luk Tiratna Kam Wembaŋ Laŋ 11:26

Ainda moca ma nda taŋga kabena tɨpemb ŋgorik koindara morena ŋerŋgaur parmbaiapa mbut mbuniŋna mɨn naaŋgɨca kɨpca mina an kac ndeacnande. An ŋerŋgaura mina tɨpemb ŋgorikca, mana tɨpemb ŋgorikmo, minanna kunda tamuŋ ŋgoin ndeacrenan, aŋgɨca kɨpca mina an kacna inik ndeac te, an ramootta ma ŋgaua laŋmbai ndeacrenanna. Mandeaca ma kocnai ŋgocrainande.”

Luk Tiratna Kam Wembaŋ Laŋ 23:29

Na ne warac, iŋmbaia kɨdrɨk ian laru te, mina aindopnande, ‘Ne kopica eacrena meikpitikapa, mombonikca mɨr ŋgocor ndeacrena meikpitikapa, mombonikmo mɨr neaŋam ŋgocorta meikpitikap, ne an meiki, ne toŋgonande.’