Luk Tiratna Kam Wembaŋ Laŋ 10:9 - Raraŋ Aetaniacna Kam Wembaŋ Laŋ

⁹ Ne an auŋna meikramtaɨrta roumbbebmo, moi laŋa mo te, mimo gan kam ndop, ‘Raraŋ Aetaniacna bubuoca nenmo maica kɨpca rambuŋaia macariri.’

Luk Tiratna Kam Wembaŋ Laŋ 10:9 ပူးပေါင်းရင်းမြစ်များ

Matiu 3:2

Na ma gaindoprina, “Ne ndorita iroar inkar ŋgetriki, tamuŋna auŋna bubuoca kɨpca marambuŋairi!”

Matiu 4:17

Ainda moca an mɨnna Iesusa meikramtaɨrmo ndona aiŋna kam wembaŋ wiwitica mo ŋgepri. Na ma gaindopatna, “Ne ndorita iroar inkarmo ŋgetriki, tamuŋna auŋna bubuoca kɨpca marambuŋairi.”

Mak Tiratna Kam Wembaŋ Laŋ 4:30

Karica Iesusa gaind mac mbopatna, “Raraŋ Aetaniacna bubuoca aia titocna reac toc ndopit. Na aia manmo titocna kam roor mbuŋ nakecit?

Mak Tiratna Kam Wembaŋ Laŋ 6:13

Na mina ŋerŋgaur ŋgorikcap eacrena meikramtaɨr wɨt aniktanmo moa kecariatke, na roumbbebta meikramtaɨr wɨt aniktanmo tabaɨr ndikca minmo moa laiŋ mamoat.

Luk Tiratna Kam Wembaŋ Laŋ 10:10

Ŋarikca ne taŋi auŋ ian ndaruca, an auŋna meikramtaɨra nenmo ndorita kaik taŋgɨ taŋi, ndiarirta tɨpembmo mo ŋgocor ndacari te, ne ŋgepca nda taŋgek, ne taŋca an auŋa punirena taupca wɨtɨkca minmo aindop,

Luk Tiratna Kam Wembaŋ Laŋ 10:11

‘Nena auŋna tiacara aina ortɨmbɨkcara kapaca eacrenan, aia iriki an tiacarta ourmo kacopca taŋ te, ne lamŋinande. Ne an tɨp kirara laŋa mba moapeke. Na ne ndoritake wat. Raraŋ Aetaniacna bubuocna mɨnna maica kɨpca rambuŋaia macarica.’”

Luk Tiratna Kam Wembaŋ Laŋ 9:2

Ma mimo mbagɨrica taŋca Raraŋ Aetaniacna bubuocna kam ndop te, roumbbebta meikramtaɨrmo moi laiŋga mona moca.

Ion Tiratna Kam Wembaŋ Laŋ 3:3

Ainda moca Iesusa mana kambmo gainda rutirinan, “Aku unmo gidik, gidik ŋgoinna aindopnandet, ramootta ŋgam ndaru ŋgocor te, ma Raraŋ Aetaniacna bubuocmo ma mba watitndai.”

Ion Tiratna Kam Wembaŋ Laŋ 3:5

Ri, Iesusa mana kambmo gainda rutirina, “Aku unmo gidik, gidik ŋgoinna aindopnandet, ramootta pukapa Ŋeroŋ Rat mbuŋa ŋgam ndaru ŋgocor te, ma Raraŋ Aetaniacna bubuoca mba mbukitndai.

Up Aŋgɨrena Ramtaɨrta Aiŋ 28:28

Ainda moca Pola gaind mac mbopatna, “Ne gaind ndamŋi, Raraŋ Aetaniaca ma aimo mac nda aŋgɨna aiŋ laŋna kamma, ma Iudana meikramtaɨr wanaiŋmo ma neaŋga taŋrina. Na mina waracnande!”

Up Aŋgɨrena Ramtaɨrta Aiŋ 28:31

Ainda mori, ma mba nanambiri, ma Raraŋ Aetaniacna bubuocna kammo ma kam gargar ŋgoin mbuŋa wiwitirina, na ma minmo Kacoot Iesus Karaisna tɨpembta kirarirmo mariptiat. Na meac, co ramoot ianna manmo mba kɨracri.