Luk Tiratna Kam Wembaŋ Laŋ 1:48 - Raraŋ Aetaniacna Kam Wembaŋ Laŋ

⁴⁸ Aku Raraŋ Aetaniacna mbaiŋna aiŋa morena meac, ainda moca aku ndomo mindacniŋa moatke, ma auk mbatca, ma aukna moca kadmairina. Ainda moca mandeacna mɨnapa iŋmbaina mɨnna, meikramtaɨr wɨt aniaca watca aindopnande, ‘Raraŋ Aetaniaca aukmo toŋtoŋ bagaraniac ŋgoin.’

Luk Tiratna Kam Wembaŋ Laŋ 1:48 ပူးပေါင်းရင်းမြစ်များ

Luk Tiratna Kam Wembaŋ Laŋ 1:28

Ainda moca an mbaiŋna aiŋa morena ŋeroŋ Gabriel, ma taŋga an meac ndambuŋ ndaruca manmo aindopatna, “Ra laŋ, Maria. U iro inik wetwet laŋ ndeac, Kacootta unap eac te, unmo otaca u toŋtoŋ bagaraniacap eacraŋnande.”

Luk Tiratna Kam Wembaŋ Laŋ 1:42

Ainda moca Elisabetta kam aniac mbuŋa gaindopatna, “Raraŋ Aetaniaca unapa una mooŋnuocmo toŋgoca opotac aniac neaŋgapekna, ŋgaua ma meik ndeidmo ainda otac ŋgocor.”

Luk Tiratna Kam Wembaŋ Laŋ 1:45

U warac, u Kacootna kamma rɨpacat tik, ma unmo, mo ndoprina reik, ma ainda mo te, u toŋgonande.”

Luk Tiratna Kam Wembaŋ Laŋ 1:49

Ainda moca Raraŋ Aetaniac, ma gargar bagaraniacap, ma an reikca moatnanna, anna ma auk ŋgotacna moca moatna reik, ainda moca mana ia rat ŋgoin.

Luk Tiratna Kam Wembaŋ Laŋ 11:27

Karica Iesusa an kamb ndopatna mɨn mbuŋa meikramtaɨra muruŋ ndeacatke, ma mbopri mbuŋa, meac ianna mina rɨk ndeacrinanna, ma kam aniac mbuŋa aindopatna, “Gan meac, ma una mɨrca unmo ndona mɨr mbuŋa wirambrina meac, ma toŋtoŋap.”