Kolosi 1:10 - Raraŋ Aetaniacna Kam Wembaŋ Laŋ

¹⁰ Ainda moca ne Kacootna meikramtaɨr taŋrena tɨpemb kirarir koinda taŋraŋ, te, ma nena tɨpemb kirarirmo muruŋa ma toŋgonande. Na ne ainta aiŋir laiŋta gagamma aŋgɨnande. Te, ne Raraŋ Aetaniacmo lamŋinande, na an landamŋia memetmbaca ma acnairaŋnandet.

Kolosi 1:10 ပူးပေါင်းရင်းမြစ်များ

Ion Tiratna Kam Wembaŋ Laŋ 15:16

“Na ne aukmo mba larapaca aku nenap eacrenan. Wanaiŋ. Aku nenmo larapaca ne aukna wiwit ndeacrenan. Na aku nenmo aiŋ neaŋrinan, ne taŋga an aiŋa mo gagra, na mana gagamma ma larunandet, te, ma mba ŋgocraiitndai. Ainda moca ne Aetmo aukna i mbuŋa mbendeica reac ianna digi te, ma nenmo neaŋnandet.

Ion Tiratna Kam Wembaŋ Laŋ 15:8

Na ne amta reik wɨt ŋgera aukna iŋa raŋgairena ramtaɨr ndeacnande. Na an tɨpna kirar mbuŋa aukna Aetta ma i aniac aŋgɨnandet.

Ion Tiratna Kam Wembaŋ Laŋ 17:3

Na gan iarwarna eteacna watta, ma gaind, meikramtaɨra an iarwarna eteacna wat aŋgɨrenanna, mina unmo lamŋirina, u ndo kabe ŋgoinna Raraŋ Aetaniac gidik. Na u mbagɨrica kɨprina ramoot Iesus Karaismo mina lamŋirena.

Pola Romnandmo Tiratna Timbiŋ Rapar 1:13

Ne Iesusa rɨpacrena laiplacar, aku toŋgorinanna, ne matau lamŋi rapac, kɨdrɨk wɨtca aku nena watna iroa moca, aku mba kɨpatke. Na aukna aiŋa aku Iudana meikramtaɨr wanaiŋmo otaca, mina Iesusa rɨpacrena laiplacar taruna. Ainda moca aku nen motocmo otacnande. Na memetmbaca reikca auk ndambuŋ ndarureke, aukmo kɨraca karirena.

Pola Romnandmo Tiratna Timbiŋ Rapar 4:12

Na ramtaɨr ndeida tikiŋit kataca eacrenan, mitoco Abraamna ŋgamrir. An ramtaɨra mina tikiŋita wanaiŋa mba katacri, wanaiŋ. Mina tikiŋit kataca, mitoco aina ŋgamaɨr Abraamna taupca raŋgaica mina Raraŋ Aetaniaca rɨpacatna. An mɨnna Abraamma tikiŋit katac ŋgocor ndeacri moatna kirar.

Pola Romnandmo Tiratna Timbiŋ Rapar 6:4

An kɨtac puk mbuŋa, aia Karaisna memenacap mɨkrina, na Raraŋ Aetaniaca aimo Karaisap au inikca tɨkca mutocatna. Ri, Aetta ndona gargar aniac mbuŋa, ma Karaismo mukca tɨkca mac nda moa ŋgepatna. Aintik ai toco, an mandeb larurina eteacna watna taup ŋgamma raŋgaina.

2 Korin 2:14

Na mandeaca aku Raraŋ Aetaniacmo kam laŋ neaŋnande, memetmbaca ma aimo otaca, aia Karaisna gargar mbuŋa wɨtɨkca ruŋga gagrarena, na puŋnaŋgepmo mo irikrenan. Na aina aiŋ mbuŋa Raraŋ Aetaniacmo moa waekeri, meikramtaɨra Karaismo lamŋirena. Na an landamŋia, anna iŋpai tararna kirara mon tamtamma taŋrena.

2 Korin 4:6

Na atu ŋgoinna Raraŋ Aetaniac ma gaindopatna, “Neaupna inikca memetaca kɨpca larua eacrena.” Na Raraŋ Aetaniacna memetacna tac aniaca kɨpca aiap eacnandet, na aina iroar inkarmo memetac aniac neaŋnandet. Na aia Iesus Karaisna inpaŋan watrina, na aia memetac gidikca watrina, na an memetaca anna Raraŋ Aetaniacna gargarapa memetacna tac aniacna kirar toc.

2 Korin 5:9

Aintik aia aiŋ aniac ŋgoinna morena, na aia manap eacrenan, co, aia manapmo eac ŋgocor, anna mindacniŋ, aia mana toŋgorena tɨpemb kirarirmo anna mo.

2 Korin 9:8

Na Raraŋ Aetaniac ma mɨn, mana wanaiŋa neaŋrena opotacna reik ma nenmo muruŋcamiŋa neaŋga ne muruŋcamiŋa mɨnna tɨknande. Aintik memetmbaca ne reikca mɨn ŋgoin ndeacraŋnande. Na ne reac, reaca mɨn, ne an puŋga aiŋir laiŋ wɨt anik koinda monande.

Epesus 1:17

Ainda moca aku aina Raraŋ Aetaniacmo mbendeirenan, na ma aina Kacoot Iesus Karaisna Raraŋ Aetaniac. Na ma Aet aniac, na ma gargarapa memetacna tac aniacap eacrenan. Na aku mbendeica mana kamna mɨnɨŋa lamŋina mori, ma nemo iroar laiŋga neaŋnandet. Te, ne manmo matau ŋgoinna lamŋiraŋnandet.

Epesus 2:10

Ainda moca Karais Iesus mbuŋa ma aimo moca, aia meikramtaɨr ŋgaib tarurina. Te, aia tɨp kirar laŋna taupca taŋna, na anna ma ŋgaua ainanmo kocroca aia an mbuŋa taŋnandet.

Epesus 4:1

Aku Pol, aku Kacootna aiŋa morenan, aintik aku kac ŋgoreaca eacrenan. Na aku nenmo gagraca mambopek, Raraŋ Aetaniaca nena ŋgacrina ataca ne manmo matau ŋgoinna raŋgai, na ma toŋgorena tɨpna kirara, ne wandoŋa taŋraŋ.

Epesus 4:13

Na an aiŋa ma aimo moca taŋi aina rɨtɨpaikca gidik ŋgoin ndarunandet, te, aia nikinik iro kabe ŋgoinna eacnandet, na aia muruŋcamiŋa Raraŋ Aetaniacna Nuocmo matau ŋgoinna lamŋinandet. Na aina rɨtɨpaikca ma meikramtaɨr anik toc ndaruca, aimo moi gagranandet, te, Karaisa ndo aŋgɨrina tɨpna kirar laŋa aia aŋgɨnandet.

Epesus 5:10

Ainda moca ne towaica Kacootta toŋgorena landamŋina tɨpemb kirarirmo ne aŋgɨ.

Epesus 5:15

Ainda moca ne ndorita tɨpemb kirarirta moca matau wat. Na ne ramootta landamŋi kocorta kirara kai taŋ teac, wanaiŋ. Ne an ramootta landamŋiap taŋrena ramootna kirar toca taŋraŋ.

Epesus 5:2

Aintik ne kabena meikramtaɨrmo mamatŋirena tɨpemb kirarirap taŋraŋ, na an tɨpna kirara, Karaisa aimo matŋirenan. Na ma ndona eteacna watnan neaŋga aimo otacatna. Na ma Raraŋ Aetaniacmo ndona eteacna watta neaŋrinanna, ma an gɨmbambara iŋpai tarar laŋapna kirar toca neaŋrinan.

Pilipai 1:11

Na an tɨpemb kirarir wandoik laiŋga Karaisa moa larurenanna, nenmo mɨn ŋgoinna tɨknandet. Te, meikramtaɨra an mbatca mina Raraŋ Aetaniacmo i aniaca neaŋnandet, na mana imo aŋgɨ ŋgepnandet.

Pilipai 1:27

Na reac aniac ianna gaind, nena tataŋ eteaca ma wandoŋ niŋgik ndeacraŋ, na ne Karaisna kam wembaŋ laŋ niŋgikmo matau raŋgairaŋ. Na aku nenmo kɨpca wat te, co, aku nena kamb tiŋgikca warac te, aku lamŋinandet, ne gagraca wɨtɨkca eacrenan, na iro kabea eacrenan, na an iro kabe mbuŋa ne meikramtaɨrmo, mo ŋgepca mina kam wembaŋ laŋmo rɨpacna.

Pilipai 4:18

Na an mɨnna ne aukmo reikca neaŋga kɨprinan, aku minmo muruŋcamiŋa aŋgɨrinan. Na an reikca ne Epaproditusmo neaŋrina reik laiŋga, aukmo otaca aku reikca mɨn mɨn ŋgoin. Na an reikca Raraŋ Aetaniacmo ma iŋpai laŋna gɨmbambna kirara toc ndarurinan, na anna manmo moca ma toŋtoŋ ŋgoin.

Kolosi 2:19

aintik mina Karaismo mba utiŋrena, na ma aina paŋan ŋgoin. Na an paŋanna ma ndona tikna umbumburta amta reikca neaŋga ambrenan, na ma tutpembta kɨcnambarmo moca mataua mɨkrenan, ainda moca Raraŋ Aetaniacna gargar mbuŋa Karaisna tikca acnairena.

Kolosi 2:6

Na ne Kacoot Karais Iesusmo aŋgɨrinan, aintik ne manap taŋraŋ.

Kolosi 3:20

Na ne mombonik, ne ndorita aemaeta mo ndopekna reikta kambmo, muruŋa waracraŋ. Kacootta ma ainta tɨpna kirara, ma toŋgorenan.

Kolosi 4:5

Na an kɨdrɨkca ne raekmbaina meikramtaɨra Iesusna rɨtɨpaikta meikramtaɨrta tumbunap eac te, ne iroar laiŋga raŋgairaŋ, na tɨpemb kirarir laiŋga moraŋ. Na memetmbaca ne kocroca eaca, minmo Karaisna tɨpemb kirarira wandacna.

1 Tesalonika 2:12

na aia mboprina kambca anna nena iroara moi ŋgep te, nena iroar inkara moi gagrana moca. Na aia nemo wandoŋa aindopnande, nena moa taŋrena tɨpemb kirarira ne Raraŋ Aetaniacna tɨpemb kirarir koinda morenan, na ma nena ŋgacrena, ne kɨpca mana bubuocna wawaraapa, mana memetacna tac aniacna kaŋgaukca eacna.

1 Tesalonika 4:1

Na ne Iesusa rɨpacrena laiplacar, Raraŋ Aetaniacna toŋtoŋa raŋgairena tɨpemb kirarir mananna, aia nemo wandaca mamairi, na ne an tɨpemb kirarira raŋgairena. Na mandeaca aia nena iroar inkar koindmo, matau moi gagraca, nenmo Kacoot Iesusna i mbuŋa an tɨpemb kirarirmo memetmbac ŋgoinna moraŋna moca.

2 Timoti 2:4

Na u lapoca ruŋrena ramtaɨrta tɨpemb kirarira u lamŋirena. Mina an aiŋa mo te, mina kabena aiŋa mba morena. Mina lapoca ruŋrena aiŋ niŋgikca morena, te, mina lapoca ruŋrena ramoot paŋanna, an aiŋa toŋgonandet.

Taitus 3:1

Ainda moca u meikramtaɨrmo mbopca mina ndorita gagrirta ramtaɨr paŋaindapa, gan tiacarpaikna ramtaɨr paŋaindta kaŋgauk ndeaca mina kambca waraca raŋgairaŋ. Na memetmbaca mina kocroca mina kaina aiŋir laiŋga muruŋcamiŋa mona.

Taitus 3:14

Na aina meikramtaɨra mina tɨpemb kirarir laiŋga mona landamŋi laiŋ aŋgɨca an meikramtaɨra reik matpirenanna minmo otac. Moca Iesusa rɨpacrena laiplacara, mina wanaiŋ ndeac nari, na mina Raraŋ Aetaniacna tɨpemb kirarirmo mba raŋgaiitndai, na kabena meikramtaɨrmo mba otacitndai.

Iburu 11:5

Na Enoka ma Raraŋ Aetaniacmo rɨpacri tik, ma manmo auŋ tamuŋ naaŋgɨ gacatke, ma mba menacri. Na meikramtaɨra mana moca oreri, na mina manmo mba watri, Raraŋ Aetaniaca manmo maaŋgɨat. Na Raraŋ Aetaniacna timbigta kapca gaindopatna, an kɨdrɨkca Raraŋ Aetaniaca Enokmo aŋgɨ ŋgocor ndeacri, ma manmo toŋgorinan.

Iburu 13:16

Na meikramtaɨrmo ne tɨpemb kirarir laiŋga memetmbaca moraŋ, na minmo reikca biŋai neaŋraŋ. Na an tɨpna kirara ne iroara kai ndarekrekke teac, ainta tɨpembta kirarirta gɨmbamba Raraŋ Aetaniaca ma toŋtoŋ ŋgoin.

2 Pita 1:8

Na ne Iesus Karaismo lamŋirena, ma aina Kacoot. Na ne ainta tɨpembta kirarirmo aŋgɨ te, na mina laruca gagra te, nena an landamŋia ma wanaiŋa mba eacitndai. Wanaiŋ. Ma amna reik wɨtta mo larunandet.

2 Pita 3:18

Aintik Iesus Karais, ma aina Kacoot, ma ai mac nda aŋgɨna Ramoot, na ma nena moca kadmairenan, na ne manmo mataua lamŋirenan. Na ne Karaisna kakadmaimo wattacarica, ma nenmo moi gagra te, ne man ndambuŋa iroar wɨt aŋgɨnandet. Na ma i aniac ŋgoinap, na mana imo aia mandeacapa iarwara aŋgɨ ŋgepraŋnandet. Na anna gidik.

1 Ion 3:22

Na aia mbendeia reac ianna digi te, ma aimo neaŋnandet, an kɨdrɨkca aia mana kamma raŋgairenan, na man toŋgorena kamma aia morena.

1 Ion 5:20

Na aia lamŋirina, Raraŋ Aetaniacna Nuoca kɨpca eacreke, ainda moca ma aimo iro landamŋi neaŋrena, aimo Raraŋ Aetaniaca watirapaca, manapa mana Nuoc Iesus Karaisap, maniŋmo taŋi mɨkna moca. Aintik Iesus, ma Raraŋ Aetaniac, ma ndo iarwarna eteacna watna mɨnɨŋ.

3 Ion 1:6

Ri, laiplacar ndeida aindoprina, u gan Iesusna rɨtɨpaikta meikramtaɨrta tumbunmo, u ainda morena, u ndona mamatŋina tɨp kirarmo, u minmo neaŋrena. Na mina taup mac taŋna mo te, u minmo otaca mina ndori aŋgɨri taŋna morena reikca un ndambuŋa tɨkca aŋgɨa taŋrina reiki, u mimo otaca mina taŋna, na an kirara Raraŋ Aetaniaca toŋgorina mɨn mbuŋ.