KIEK 3:2 - Raraŋ Aetaniacna Kam Wembaŋ Laŋ

² Na u ŋgorenanna, tɨkcarica u ŋgep. Una tɨpemb kirarira muruŋa maeacreke, na mba ma menacreke, na anna ma kai menac teac. Ainda moca aku watrinanna, una aiŋira aukna Raraŋ Aetaniacna lamnɨaca mba maireke.

KIEK 3:2 ပူးပေါင်းရင်းမြစ်များ

Matiu 23:5

Na an reikca mina morenanna, mina mo te, meikramtaɨra an watna. Mina mbendeirena rai anikmo, mina ndorita parna rai, co, paŋanna tacdamar anikmo aocrenan, na mina tik ŋgapaocna lamboina balarmo, wattacarica mina roctir ŋgirikca eacrenan.

Matiu 25:13

Ainda moca Iesusa gaindopatna, “Ne ndoritake, matau wat. Nena Kacootna kɨkɨpna kaina ra, co, ŋgaŋganŋgɨa ne mba lamŋireke, ma kɨpnande.”

Matiu 25:7

Karica an mombour ŋgaibca muruŋa ŋgepca, ndorita tacaɨr memetaikmo moca mina matau mawɨrri.

Up Aŋgɨrena Ramtaɨrta Aiŋ 18:23

Karica ma an Antiok auŋmo emtem ndeaca, an ŋgetacndiŋa ma ŋgepca Galesiana pitrikna auŋembapa, Pirigiana pitrikna auŋembta inikca mbukca taŋri, Iesusna iŋa raŋgairena meikramtaɨrmo moi gagarana.

1 Pita 4:7

Na reikta mamaina kɨdrɨkca kɨpca marambuŋairi. Ainda moca ne kai ŋaŋao teac, ne ndorita tɨpemb kirarirmo matau raupŋi, te, ne matau mbendeinandet.

1 Pita 5:8

Na ne kai ŋaŋao teac. Nena puŋndamoot, Paparuna Ramootta, ma laionna kirara kamb anikca keca meikramtaɨr amna orea taŋrena.

KIEK 16:15

Ainda moca an ŋerŋgaur ŋgorik mbonkaca an gagrirta ramtaɨr paŋaindmo aŋgɨca tumbunna an taupca tɨkrinan, na an taupmo mina Iburuna kam mbuŋa gaind gacrena, Armagedon. “Aintik ne warac. Aku nen ndambuŋmo macmakɨmna ramootta kɨprena kirar toca kɨpnandet. Ainda moca ramootta ŋgogo kocor, na ma ndona tik ŋgapoikmo aoca eacrenan, an ramootta ma toŋgonandet. Na anna gaind, ma loor kamainda mba taŋitndai, te, meikramtaɨra mana tikca mba watca ma numbira mba moitndaiit.”

KIEK 2:4

“‘Na aku unmo makuk ianap, na anna gaind, an mɨnna u mandeba rɨpacatnanna, u laiplacarmo mamatŋi ŋgoinna matŋirena, na mandeaca wanaiŋ.

KIEK 3:1

Ainda moca an ramootta gaind mac mbopatna, “U Sardis auŋ aniacna Iesusna rɨtɨpaikta meikramtaɨrta tumbunna mbaiŋna aiŋa morena ŋeroŋmo, kamb ndeidmo tirnan. Na an kambca anna gaind, ‘Aku Raraŋ Aetaniacna ŋerŋgaur par kabeapa mbut mbuniŋapa, guiar par kabeapa mbuniŋmo utiŋa eacrenan. Na aku nemo an kambca neaŋga kɨpek. Na an tɨpemb kirarir muruŋa u morinanna aku lamŋirinan. Na mina unmo aindoprenan, “Gan Iesusna rɨtɨpaikta meikramtaɨrta tumbuna eteacna wat gidikap.” Na wanaiŋ ecte, u menacrina.

KIEK 3:3

Na an kam wembaŋ laŋa ŋgaua u waraca aŋgɨatnanna, anmo u mac lamŋi. Te, u anmo matau raŋgaica iro inik ŋgetriki. Na u ŋgogomo tɨkcarica ŋgep ŋgocor te, aku unmo tawi ŋgoinna, macmakɨmna ramootta kɨprina tɨpna kirar toc nakɨpnandet. Na aku kɨpna mɨnna, u mba lamŋiitndait.